काठमाडौं (हाम्रो खेलकुद) – ओपनर ब्याट्सम्यान रित गौतमको कप्तानीमा भारतमा हुने यू-१९ च्यालेन्जर सिरिजमा सहभागिता जनाउने नेपाल यू-१९ राष्ट्रिय क्रिकेट टोलीको घोषणा भएको छ ।

भारतको हैदराबादमा कार्तिक २५ देखि मंसिर १ गतेसम्म चल्ने प्रतियोगितामा भारतको ३ टोलीसँगै नेपालको यू-१९ टोलीले प्रतिस्पर्धा गर्ने भएको हो । भारतको आधिकारिक यू-१९ प्रतियोगिता समेत रहेको यस प्रतियोगितामा भारत रातो, भारत निलो र भारत पहेंलोसँगै नेपालले प्रतिस्पर्धा गर्नेछ । भारतका शीर्ष यू-१९ खेलाडीले यस प्रतियोगितामा प्रतिस्पर्धा गर्नेछन् ।

लिग चरणमा एक आपससँग खेलेपछि शीर्ष दुई टोलीले फाइनल खेल्नेछन् भने तेस्रो र चौथो हुने टोलीले तेस्रो स्थानका लागि प्रतिस्पर्धा गर्नेछ । नेपालले कार्तिक २५ गते पहेंलो, २७ गते रातो र २९ गते निलो टोलीसंग खेल्नेछ । फाइनल तथा तेस्रो स्थानको खेल मंसिर  १ गते हुनेछ ।

रितको कप्तानीमा रहेको टोलीमा १६ खेलाडी र ४ वैकल्पिक गरेर २० खेलाडी रहेका छन् । अधिकांश खेलाडीले यसअघि नै यू-१९ टोलीबाट खेलिसकेका छन् । राष्ट्रिय टोलीको अनुभव बोकेका रोहितकुमार पौडेल, सन्दीप जोरा लगायत खेलाडीलाई भने यसमा समेटिएको छैन ।

टोलीको छनोट समितिमा राष्ट्रिय खेलकुद परिषदका चिफ कोच जगत टमाटा, यू-१९ टोलीका प्रशिक्षक विनोद दास र छनोटकर्ता राजु खड्का रहेका छन् । टोली कार्तिक २३ गते हैदरावाद प्रस्थान गर्नेछ ।

नेपाल यू-१९ क्रिकेट टोली :

रित गौतम (कप्तान), लोकेश बहादुर बम, तृतराज दस, विशालविक्रम केसी, खडक बहादुर बोहोरा, अभिषेक बस्नेत, हरिबहादुर चौहान, अरुण ऐरी, कुशल मल्ल, विवेक कुमार यादव, सूर्य तामाङ, तिलकराज भण्डारी, शेर मल्ल, आकाश चन्द, प्रतिस जिसी, गौतम केसी

वैकल्पिक खेलाडी: