एजेन्सी – नेदरल्यान्ड्स यूएईमा जारी आईसीसी टि ट्वान्टी विश्वकप छनोटको फाइनलमा प्रवेश गरेको छ । शुक्रबार साँझ पहिलो सेमिफाइनलमा टेष्ट टोली आयरल्यान्डलाई २१ रनले हराउँदै नेदरल्यान्ड्स फाइनलमा पुगेको हो ।

१ सय ५९ रनको विजयी लक्ष्य पछ्याएको आयरल्यान्ड २० ओभरमा ९ विकेट गुमाउँदै १ सय ३७ रन मात्र बनाउन सक्यो । आयरल्यान्डका पल स्टर्लिङ २९, केभिन ओ ब्रायन २२, ग्यारेथ डेलानी २० र जर्ज डोकरेलले २५ रन जोड्न बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् ।

नेदरल्यान्ड्सका कप्तान पिटर सिलार ३,फर्द क्वालासेन र रोलेफ भान डर मर्वेले समान २ विकेट लिए । त्यस अघि टस हारेर ब्याटिङ थालेको नेदरल्यान्ड्सले निर्धारित २० ओभरमा ४ विकेट गुमाउँदै १ सय ५८ रन बनाएको थियो । नेदरल्यान्ड्सका रायन टेन डोस्काटे २५ बलमा ३ चौका र २ छक्का सहित ४३ रनको योगदान दिए ।

विकेटकिपर बेन कपुर ३७, पीटार सेलार २१ र रोलेफ भान डर मर्वेले २५ रन जोडे । आयरल्यान्डका क्रेग योंगले २ विकेट लिए । नेदरल्यान्ड्सले उपाधिको लागि पप्पुवा न्युगिनी र नामिबियाबीचको विजेतासँग शनिबार खेल्ने छ । दोस्रो सेमिफाइनल आज राती नै हुनेछ ।