काठमाडौं (हाम्रो खेलकुद) – मेरिलेबोन क्रिकेट क्लब (एमसीसी) टोली नेपाल भ्रमणका लागि शनिबार आइपुगेको छ । आइतबादेखि कात्तिक २६ सम्म काठमाडौं र पोखरामा एमसीसीले नेपालको यू१९, सिनियर टोलीसँग एक दिवसिय, प्रथम श्रेणी, चिफ मिनिस्टर ११ र कास्की ११ गरेर टि ट्वान्टी खेल्ने छ ।

 

नेपालले एमसीसीको लागि ज्ञानेन्द्र मल्लको कप्तानीमा फरक फरक तीन टोली घोषणा गरि सकेका छ । नेपाल भ्रमणका लागि एमसीसीले बलियो टोली घोषणा गरेका छ । नेपाल आएको एसीसीको टोलीमा टेष्ट अनुभवीसँगै इंग्ल्यान्डबाट यू१९ र प्रथम श्रेणीको खेलको अनुभव बोकेका खेलाडीको बाहुल्यता छ । नेपाल भ्रमणमा आएको एमसीसीका प्रमुख पाँच खेलाडी यस प्रकार रहेका छन् ।

५. बिली गोडलेमान

बिली एमसीसीका सर्वाधिक भरपर्दा ब्याट्सम्यान हुन् । ओपनर बिलीले इंग्ल्यान्डको उमेर समूह  हुँदै प्रथम श्रेणीमा राम्रो प्रभाव छाडेका छन् । बिली इंग्ल्यान्डको चर्चिच प्रथम श्रेणीको टोली डर्बीशायरको कप्तान समेत हुन् । बिलीको लय पनि उत्कृष्ट छ । बिलीले १ सय ५७ प्रथम श्रेणीको खेलमा २१ शतक र ३८ अर्ध शतक सहित कुल ८ हजार ७ सय ५४ रन जोडेका छन् । उनले गत भदौमा काउन्टी च्याम्पियन्सीप डिभिजन २ मा ससेक्सविरुद्ध १ सय ६ र लन्काशायरविरुद्ध एक सय ११ रनको उत्कृष्ट इनिङ खेलेका थिए ।

प्रथम श्रेणीबाट निखारिएका बिली नेपाली बलरलाई टाउको दुखाईका ब्याट्सम्यान बन्न सक्छन् । जसले नेपाली खेलाडीविरुद्ध आफ्नो राम्रो प्रभाव जमाउन सक्ने अनुमान गरिएको छ । उनीसँग ६९ लिष्ट ए र ७९ टि ट्वान्टी एसको अनुभव छ । नेपाल भ्रमणमा आएको एमसीसीको टोलीमा बिली प्रमुख खेलाडी मध्यका एक हुन् ।

४. ओलिभर हान्नोन डल्बी

३० वर्षिय ओलिभर इंग्ल्यान्डबाट नियमीत प्रथम श्रेणी र घरेलु क्रिकेट खेल्दै आएका मध्य गतिका बलर हुन् । उनले बियर्स र वारिक्शायरबाट घरेलु क्रिकेट खेल्ने गर्दछन् । उनले ६९ प्रथम श्रेणीमा १ सय ६८ विकेट लिएका छन् । ५–१८ उनको उत्कृष्ट प्रर्दशन छ । ४२ लिष्ट ए र ५७ टि ट्वान्टी एसको अनुभव छ ।

३. यासिर अराफात

यासिर पाकिस्तानबाट वान डे, टि ट्वान्टी आई र टेष्ट खेलेका मध्य गतिका बलिङ अलराउन्डर हुन् । यासिरले सन् २००७ मा भारतविरुद्ध टेष्ट, बंगलादेशविरुद्ध टि ट्वान्टी र २००० मा श्रीलंकसँग वान डे मा डेब्यू गरेका थिए । यासिरले पाकिस्तानबाट ३ टेष्ट, ११ ओडीआई र १३ टि ट्वान्टी खेलेका छन् । जसमा टेष्टमा ९, ओडीआईमा ४ र टि ट्वान्टीमा १६ विकेट चट्काएका छन् ।

यासिरले २ सय ६ प्रथम श्रेणी खेल खेलेका छन् । प्रथम श्रेणीमा ७ सय ८७ विकेट लिएका छन् । प्रथम श्रेणीमा ५ शतक र १० अर्ध शतक सहित कुल ७ हजार ३३ रन जोडेका छन् । अलराउन्डर यासिर एमसीसीका भरपर्दा र अनुभवी खेलाडी हुन् ।

२. टम वेस्टली

टम वेस्टली इंग्ल्यान्डका शीर्षक्रमका ब्याट्सम्यान हुन् । इंग्ल्यान्डबाट टेष्टमा डेब्यू गरी सकेका उनले एसेक्सबाट घरेलु क्रिकेट खेल्ने गर्दछन् । उनले सन् २०१७ मा दक्षिण अफ्रिकाबीरुद्ध टेष्टमा डेब्यू गरेका थिए । ओडीआईमा डेब्यूको पर्खाईमा रहेका उनले इंग्ल्यान्डबाट ५ टेष्ट, १ सय ७९ प्रथम श्रेणी र ८८ लिष्ट ए खेलेका छन् । टेष्टमा ९ इनिङमा १ सय ९३ रन जोडेका छन् ।

वेस्टलीले टेस्ट डेब्युमै दक्षिण अफ्रीकाविरुद्ध टोलीको दोस्रो इनिङमा ५९ रन जोड्दै उत्कृष्ट ब्याटिङ गरेपछि चर्चा बटुलेको थिए । उनले पछिल्लोपटक टेस्ट खेल्दा वेस्ट इन्डिजविरुद्ध नटआउट ४४ रन जोडेका थिए । त्यसयता भने वेस्टलीले टेस्टमा अवसर पाएका छैनन् ।

१. जिमी एडम्स

एमसीसीको नेतृत्व गर्दै नेपाल भ्रमणमा आएका जिमी सर्वाधिक अनुभवी र भरपर्दा खेलाडी हुन् । उनले ह्याम्पसायरबाट घरेलु क्रिकेट खेल्ने गर्दछन् । बायाँ हाते ३९ वर्षिय उनले २ सय ३३ प्रथम श्रेणी, १ सय २३ लिष्ट ए र २ सय ३५ टि ट्वान्टी आई को अनुभव बटुलेका छन् । उनले ४ सय ९ प्रथम श्रेणीको इनिङमा २५ शतक र ७३ अर्ध शतक सहित कुल १४ हजार १ सय ३५ रन जोडेका छन् । एमसीसीको कप्तान समेत रहेका जिमी भरपर्दा र प्रमुख खेलाडी समेत हुन् ।

एमसीसीको १३ सदस्य टोली :

जिमी एडम्स, यासिर अराफात, बिली गोडलमान, मिल्स हामान्ड, ओलिभर हनन्न डल्बी, क्यालम ज्याक्सन, विल रोड्स, एलेक्स स्पेन्सर, एलेक्स थोमसन, विल वान्डर्सपार, इड योंग, टम वेस्टली, क्रिस राइट ।

एमसीसी टोलीको आगमनपछि कप्तानले यसो भने: