काठमाडौं (हाम्रो खेलकुद) – वाइवाइ ग्रेट हिमालय क्रिकेट एकेडेमीको आयोजनामा पुषमा यू १९ दुई दिवसिय क्रिकेट प्रतियोगिता हुने भएको छ ।
एकेडेमीले आइतबार काठमाडौंमा सम्मेलन गर्दै दोस्रो हिमालयन क्रिकेट लिग दुई दिवसिय यू१९ क्रिकेट प्रतियोगिता पुष १९ देखी माघ ४ सम्म मुलपानी क्रिकेट मैदानमा सञ्चालन हुने बताइएको छ । नेपालमा निजी क्षेत्रबाट पहिलो पटक पुरुष यू १९ दुई दिवसिय क्रिकेट प्रतियोगिता हुन लागेको हो ।

एकेडेमीका अध्यक्ष सुदीप शर्माका अनुसार खेल मुलपानीको दुवै मैदानमा गराउने सम्भावना रहेकोब ताए । एकेडेमीले क्रिकेट विकास र युवा खेलाडी उत्पादनमा सहयोग उद्देश्यका साथ प्रतियोगिता आयोजना गर्न लागेको जनाएको छ ।

आयोजक ऐडेमी, धनगढी क्रिकेट ऐकेडेमी र अन्य ४ गरि ६ टोलीको सहभागिता रहने बताइएको छ । सहभागी ६ टोलीलाई दुई समुहमा विभाजना गरिने छ । राउन्ड रोविन लिगपछि समूहमा शीर्ष दुई टोली उपाधिको लागि भिड्ने छन् ।
खेल सेतो लुगा र रातो बलमा खेलाइने छ ।

पहिलो दिन ९६ ओभरको खेल हुने छ । पहिलो इनिङमा एक टोलीले बढीमा ६० ओभर खेल्न पाउने छ । प्रतियोगिता सञ्चालनका लागि झन्डै ५० लाख रुपैयाँ खर्च हुने अनुमान गरिएको छ ।

यस अघि २०७२ सालमा यस प्रतियोगिताको पहिलो संस्करण ५० ओभरको एक दिवसिय काठमाडौंको टुडिखेलमा भएको थियो । जुन प्रतियोगिता धनगढी क्रिकेट एकेडेमीले जितेको थियो । आगामी संस्करणमा टिम संख्या र प्रतियोगिता अवधि पनि बढाउने शर्माले जानकारी दिए ।

त्यस्तै एकेडेमीले आफ्नो विस्तार पनि बढाउने बताएको छ । हाल काठमाडौंको शान्तिनगरमा रहेको यस एकेडेमीले हात्तिबनमा इन्डोर सहितको ठूलो एकेडेमी सञ्चालन गर्न लागेको जनाएको छ ।