काठमाडौं (हाम्रो खेलकुद) – यू१९ च्यालेन्जर सिरिजमा नेपाली यू१९ टोलीले भारतको यू१९ सी टोली विरुद्ध खराब प्रर्दशन गरेको छ ।

टस जितेर ब्याटिङ थालेको नेपाल २२ ओभरमा ६ विकेट गुमाउँदै ८८ रन जोडेको छ । नेपालका शेर मल्ल ८ र प्रतिस जि.सी १ रनमा खेलि रहेका छन् । नेपालले दोस्रो ओभरको पाँचौ बलमा कप्तान रित गौतमलाई ५ रनमा गुमाएको थियो । रितलाई विद्याधर पटेलले बोल्ड आउट गरे ।

छैटौं ओभरको चौथो बलमा पटेललेनै खडक बहादुर बोहोरालाई १० रनमा क्याच आउट गराउँदै पेभिलिएन फर्काए । खडकले १४ बलमा २ चौका प्रहार गरे । सातौ ओभरको दोस्रो बलमा लोकेश १० रनमा क्याच आउट हुन पुगे । चौथो विकेटका लागि कुशल मल्ल र अरुण ऐरीले ३८ रनको साझेदारी गर्दै इनिङ उकास्न खोजेका थिए । तर १६ ओभरको तेस्रो बलमा ऐरी मुजतबा यूसूफे १३ रनमा कुमार कशाग्रबाट क्याच आउट हुन पुगे । ऐरीले ३१ बलमा १ चौका प्रहार गरे ।

१७ ओभरको पहिलो बलमा कुशल मल्ल २६ रनमा स्टम्पिङ आउटको शिकार हुन पुगेका छन् । कुशलले २९ बलमा ४ चौका प्रहार गरे । त्यस्तै विकेटकीपर हरि बहादुर चौहान ७ रनमा क्याच आउट भएका छन् ।

भारतका लागि विद्याधर पटेल र मुजतबा यूसूफले समान २ विकेट लिएका छन् । चिन्तला रक्शनन रेड्डी र शुभांग सामर्थ हेगडेले १-१ विकेट लिएका छन् ।