काठमाडौं(हाम्रो खेलकुद) – मेरिलेबोन क्रिकेट क्लब (एमसीसी) सँग पोखरा ११ पराजित भएको छ । सोमबार एमसीसीले पोखरा ११ लाई ४२ रनले हराएको हो । १ सय ६२ रनको विजयी लक्ष्य पछ्याएको पोखरा ११ ले निर्धारित २० ओभरमा ८ विकेट गुमाउँदै १ सय १९ रन मात्र बनाउन सक्यो ।
पोखरा ११ को लागि दीपेश खत्रीले ४५ रनको अविजित योगदान दिए । गोविन्द प्रधान २५, अलिन गुरुङ १६ र विधान श्रेष्ठले ६ रन जोडे । एमसीसीका एड योङ, माइलस हामान्ड र विल रोड्सले समान २ विकेट लिए । त्यस अघि टस हारेर ब्याटिङ थालेको एमसीसीले निर्धारित २० ओभरमा ९ विकेट गुमाउँदै १ सय ६१ रन बनाएको थियो ।
एमसीसीका क्यालुम ज्याक्सन १३, जिमी एडम्स २९, विल भानडरसपार ६ यासिर अराफातले ३९ रन जोडे । अराफतले १ चौका र ४ छक्का प्रहार गरेका थिए । पोखरा ११ को लागि अमृत गुरुङ र गोविन्द प्रधानले समान ३ विकेट लिए । त्यस्तै दीपेश खत्रीले १ र सुवास भण्डारीले २ विकेट लिए । खेलमा म्यान अफ द म्याच बनेका यासिर अराफतले आफ्नो ट्रर्फि दीपेश खत्रीलाई दिएका थिए ।
