4 years ago
November 12, 2019
एजेन्सी – घरेलु टोली बंगलादेशले विहीबार देखी सुरु हुने एसीसी इमर्जिङ टिम्स एसिया कपको लागि सिनियर टोलीका ६ खेलाडीलाई समेट्दै बलियो टोली घोषणा गरेको छ । बंगलादेशले दुई दिन अघि सम्पन्न भारतसँगको तीन टि ट्वान्टी सिरिजमा रहेका सौम्य सरकार, मोहम्मद नइम शेख सहित ५ खेलाडी इमर्जिङ टोलीमा छन् । जसको कारण बंगलादेश उपाधिको दाबेदार देखिएको […]
एजेन्सी – घरेलु टोली बंगलादेशले विहीबार देखी सुरु हुने एसीसी इमर्जिङ टिम्स एसिया कपको लागि सिनियर टोलीका ६ खेलाडीलाई समेट्दै बलियो टोली घोषणा गरेको छ ।
बंगलादेशले दुई दिन अघि सम्पन्न भारतसँगको तीन टि ट्वान्टी सिरिजमा रहेका सौम्य सरकार, मोहम्मद नइम शेख सहित ५ खेलाडी इमर्जिङ टोलीमा छन् । जसको कारण बंगलादेश उपाधिको दाबेदार देखिएको छ ।
भारतविरुद्ध उत्कृष्ट प्रर्दशन गरेका मोहम्मद नइम शेख इमर्जिङ टोलीमा छन् । नइम सहित,सरकार, आबु हैदर रोनी, अमीनुल ईस्लाम विप्लव,अफिफ हुसैन आइतबार सम्पन्न भारतसँगको तीन टि ट्वान्टी सिरिजमा बंगलादेशको टोलीमा थिए । २० वर्षिय युवा नईमले भारतविरुद्ध तीनै खेलमा उत्कृष्ट प्रर्दशन गरे ।
बायाँ हाते नईमले भारतसँगको पहिलो टि ट्वान्टी खेलमा डेब्यू गर्दै सुरुवाती २६ रन जोड्दै टोलीलाई ऐतिहासिक जित दिलाएका थिए । दोस्रो खेलमा भारतविरुद्ध ३६ रन जोडेका नइमले तेस्रो खेलमा ८१ रन जोड्दै सनसनी मच्चाएका थिए । ८१ रन जोड्न ४८ बलमा १० चौका र २ छक्का प्रहार गर्दै एक समय बंगलादेशलाई जित नजिक पुर्याएका थिए । युवा ओपनर नइम ठूला सट प्रहार गर्न माहिर छन् । बंगलादेश क्रिकेट बोर्डले टेष्ट तथा ओडीआई खेलि सकेका नाजमुल हुसेन शान्टोलाई कप्तानीको जिम्मेवारी दिएको छ ।
सरकार बंगलादेशको सिनियर टोलीको महत्वूर्ण अलराउन्डर हुन् । उनले १५ टेष्ट, ५५ ओडीआई र ४६ टि ट्वान्टी आई खेलेका छन् । २८ टेष्ट इनिङमा १ शतक र ४ अर्ध शतक सहित कुल ८ सय १८ रन बनाएका छन् । त्यस्तै उनले ओडीआईमा २ शतक र ११ अर्ध शतक सहित १७ सय २८ रन जोडेका छन् । जसमा उत्कृष्ट प्रर्दशन १ सय २७ रन अविजित रहेको छ । टि ट्वान्टीमा सरकारले ७ सय ९१ रन जोडेका छन् ।
कप्तान नाजीमुलले बंगलादेशबाट २ टेष्ट, ३ ओडीआइ र २ टि ट्वान्टी आई खेलेका छन् । मध्य गतिका बलर आबू हैदर रोनीले २ ओडीआई र १३ टि ट्वान्टी आई खेलेका छन् । त्यस्तै लेग स्पिनर अमीनुल इस्लाम विप्लवले ४ टि ट्वान्टी आई खेलेका छन् । उनले भारतसँगको हालै सकिएको तीन टि ट्वान्टी सिरिजमा पहिलो र दोस्रो खेलमा २–२ विकेट लिएका थिए ।
बायाँ हाते अलराउन्डर अफीफ हुसैन ८ टि ट्वान्टी आई खेलेका छन् । उनी तल्लोक्रममा ठूला सटका लागि परिचित छन् । सिनियर टोलीबाट खेलेका ६ खेलाडी बाहेक सबैमा प्रथम श्रेणीको अनुभव छ ।
बंगलादेश र नेपाल एकै समुहमा छन् । इमर्जिङ एसिया कप कात्तिक २८ देखी मंसिर ७ सम्म बंगलादेशमा चल्ने छ । समुह बी मा नेपाल सहित बंगलादेश, भारत र हङकङ रहेका छन् । समुह ए मा ओमान, पाकिस्तान, अफगानिस्तान र श्रलिंका समुह ए मा छन् । नेपालले पहिलो खेल भारतसँग कात्तिक २८ मा खेल्ने छ । त्यस्तै हङकङसँग कात्तिक ३० र बंगलादेशसँग मंसिर २ मा खेल्ने छ । बंगलादेशले कात्तिक २८ मा हङकङ र कात्तिक ३० मा भारतसँग खेल्ने छ ।
बंगलादेशको टोली :
नजमुल हुसैन शान्टो(कप्तान), मोहम्मद नइम शेख, यासिर अली चौधरी, अफिफ हुसैन, जाहिर हसन, मिनहाजुल आबेदीन अफ्रिदी, अमीनुल इस्लाम विप्लव, सौम्य सरकार, तानबीर इस्लाम, महमुद हसन, मेहेदे राना, सुमन खान, महिदुल इस्लाम भुइयान, आबू हैदर रोनी र महदी हसन
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]