एजेन्सी – इन्डियन प्रिमियर लिग (आईपीएल) २०२० को को लागि साविक विजेता मुम्बई इन्डियन्सले आफ्नो टोलीमा रहने र फुकुवा गर्ने खेलाडी सार्वजनिक गरेको छ ।

मुम्बईले फुकुवा गरेको खेलाडीको सुचिमा भारतीय स्टार खेलाडी युवराज सिंह सहित वेस्ट इन्डिजका युवा खेलाडी जोसेफ अल्जारी सम्म रहेका छन् । मुम्बईले कप्तान रोहित शर्मा, अलराउन्डर हार्दिक पान्ड्या, क्रुनाल पान्ड्या, तीब्र गतिका बलर जसप्रित बुमराह, इशान किशान, सुर्य कुमार यादव,राहुल चाहर र अनोमलप्रित सिंहलाई टोलीमै राखेको छ ।

जयन्त यादव, आदित्य तारे, अनुकुल रोय, धवन कुलकर्णी, क्विन्टन डी कक,काइरन पोलार्ड, शेरफेन रदरफोर्ड, लासिथा मलिङ्गा, मिचेल म्याक्लेनाघन र ट्रेन्ट बोल्टलाई अर्को सिजन खेल्ने टोलीमा सामेल गरेको छ । मुम्बईले बोल्ट र शेरफेन रदरफोडलाई दिल्ली तथा कुलकर्णीलाई राजस्थान रोयल्सबाट किनेको हो ।

वेस्ट इन्डिजका ओपनर इभिन लुईस, एडम मिल्नी, अष्ट्रेलियाका तीब्र गतिका बलर जोशन बेहरेनडोफ, दक्षिण अफ्रिका बेयूरन हेन्डिक्स र बेन कटिङलाई भने मुम्बईले फुकुवा गरेको गरेको छ । भारतीय पुर्व अलराउन्डर युवराज सिंह, बरिन्दर स्रान, राशिख सलमान, पंकज जसवाल र गत वर्ष उत्कृष्ट प्रर्दशन गरेका वेस्ट इन्डिजका तीब्र गतिका बलर अल्जारी जोसेफलाई पनि टोलीमा राखेको छैन ।