default_image

4 years ago

November 21, 2019

आईपीएल : करोडौं मूल्यमा बिक्न सक्ने ५ फुकुवा खेलाडी

एजेन्सी – इन्डियन प्रिमियर लिग (आईपीएल) २०२० को अक्सन आगमी पुष ३ मा कोलकतामा हुँदै छ । शुक्रबार सम्म सबैले आगमी सिजनको लागि टोलीमा रहने र फुकुवा हुने खेलाडीको नाम सार्वजनिक गरेका छन् । अक्सनमा सबैको लक्ष्य टोली बलियो बनाउन उत्कृष्ट खेलाडी अनुबन्ध गर्ने हुन्छ । एक टोलीलाई कम उपयोगि हुने खेलाडी अर्को टोलीको लागि […]

36 views

0 Bookmark

एजेन्सी – इन्डियन प्रिमियर लिग (आईपीएल) २०२० को अक्सन आगमी पुष ३ मा कोलकतामा हुँदै छ । शुक्रबार सम्म सबैले आगमी सिजनको लागि टोलीमा रहने र फुकुवा हुने खेलाडीको नाम सार्वजनिक गरेका छन् ।

अक्सनमा सबैको लक्ष्य टोली बलियो बनाउन उत्कृष्ट खेलाडी अनुबन्ध गर्ने हुन्छ । एक टोलीलाई कम उपयोगि हुने खेलाडी अर्को टोलीको लागि भने महत्वपूर्ण हुन सक्छ । आफ्नो टोलीलाई आवश्यकता पर्ने खेलाडी भित्र्याउन हरेक फ्रेन्चाइज टोलीले करौडौं मुल्य खर्चिन पछि पर्दैनन् । आगमी सिजनको लागि फ्रेन्चाइज टोलीले फुकुवा गरेका ५ खेलाडी जो आगमी पुष ३ मा हुने अक्सनमा करोडौं मुल्यमा बिक्न सक्छन् ।

५. डेविड मिलर (दक्षिण अफ्रिका)

दक्षिण अफ्रिका विश्फोटक ब्याट्सम्यान डेविड मिलरलाई किंग्स इलाभेन पञ्जावले फुकुवा गरेको छ । गत वर्ष पञ्जावबाट मिलरले १० खेलमा १ अर्ध शतक सहित २ सय १३ रन जोडेका थिए । उनको ब्याटिङ क्रममा लिएर कप्तान रविचन्द्रन आश्विनमाथि प्रश्न पनि उठेको थियो । फिनिसर समेत रहेका मिलर टि ट्वान्टीमा सर्वाधिक छिटो शतक पुरा गर्ने खेलाडीमा पर्दछन् ।

मिलरले टि ट्वान्टी खेलमा ३५ बलमा दुई वर्षअघि बंगलादेशविरुद्ध शतक प्रहार गरेका थिए । उनलाई पञ्जावले अक्सनमा ३ करोड खर्चेर किनेको थियो । टि ट्वान्टी खेलनै हिटिङको खेल हो । ठूला सटका लागि मिलर परिचित छन् । अक्सनमा करोडको मुल्यमा बिक्न सक्ने छन् ।

४. डेल स्टेन (दक्षिण अफ्रिका)

दक्षिण अफ्रिका तीब्र गतिका बलर डेल स्टेनलाई रोयल च्याल्यान्जर्स बेंगलोरले आगमी सिजनको लागि फुकुवा गरेको छ । गत वर्ष चोटका कारण स्टेनले २ खेल खेलेर बाहिरिएका थिए । २ खेलमा स्टेनले ४ विकेट लिएका थिए । स्टेन तीब्र गतिसँगै बान्सरबलका लागि परिचित छन् । बेंगलोरलाई खेलाडी प्रयोग गर्न नसक्ने टोली पनि भनिन्छ ।

स्टार खेलाडीले भरिपूर्ण बेंगलोरले प्रतियोगितामा निराश जनक प्रर्दशन गर्दै आएको छ । अझ एसियाली खेलाडीलाई तीब्र गतिका बलरमा रन जोड्न संघर्ष देखिन्छ । बेंगलोरले फुकुवा गरेपनि अन्य फ्रेन्चाइज टोलीको नजर स्टेनमाथि हुने अनुमान गरिएको छ ।

३. साम करन (इंग्ल्यान्ड)

इंग्ल्यान्डका बायाँ हाते २१ वर्षिय युवा अलराउन्डर साम करनलाई पञ्जावले आगमी सिजनको लागि फुकुवा गरेको छ । उनलाई गत वर्ष अक्सनमा पञ्जावले ७ करोड २० लाख भारतीय रुपैयाँ खर्चेको थियो । ८ खेलमा १ अर्ध शतक सहित ९५ रन जोडेका थिए । ९ खेलमा १ ह्याट्रिक सहित १० विकेट लिएका थिए । करनले गत वर्ष दिल्लीविरुद्ध ह्याट्रिक गर्दै अविश्सनिय जित दिलाएका थिए ।

करनले इंग्ल्यान्डबाट ११ टेष्ट, २ ओडीआई र ५ टि ट्वान्टी आई खेलि सकेका छन् । न्युजिल्यान्डसँगको पाँच टि ट्वान्टी सिरिजमा पनि करनले राम्रो प्रभाव छाडेका थिए । इंग्ल्यान्डकोे टेष्ट टोलीमा करन पहिलो रोजाईमानै पर्दै आएका छन् । हरेक टोलीको चाहाना टोलीमा अलराउन्डर राख्ने हुन्छ । सबै टोलीमा अलराउन्डरको आवश्यकता हुन्छ । अक्सनमा पञ्जाव बाहेक अन्य सबै टालीले करनमाथि मुल्य लगाउने अनुमान गरिएको छ ।

२. कोलिन मुनरो (न्युजिल्यान्ड)

न्युजिल्यान्डका ओपनर कोलिन मुनरोलाई दिल्ली क्यापिटल्सले आगमी सिजनको लागि फुकुवा गरेको छ । मुनरोलाई दिल्लीले फुकुवा गर्नुको मुख्य कारण टोलीमा तीन ओपनर हुनु हो । दिल्लीमा शिखर धवन र पृथ्वी शा ओपनरको रुपमा रहेका छन् । यी दुई जोडी जम्दा मुनरो ओझेलमा परेका थिए । मुनरोले गत वर्ष मध्यक्रममा ४ खेलमा ८४ रन जोडेका थिए ।

New Zealand v Bangladesh - 2nd T20

मुनरोलाई दिल्लीले सन् २०१८ मा १ करोड ९० लाख भारतीय रुपैंयामा अनुबन्ध गरेको थियो । मुनरो पछिल्लो समय लयमा समेत देखिएका छन् । मुनरोलाई चेन्नइ सुपर किंग्स, बेंगलोर, राजस्थान रोयल्स लगातका टोलीले करोड खर्चिन सक्छन् । यी तीनै टोली अक्सनमा उत्कृष्ट ओपनरको खोजिमा छन् । मुनरोले टि ट्वान्टी आईमा ३ शतक लगाई सकेका छन् ।

१. क्रिस लिन (अष्ट्रेलिया)

कोलकता नाइट राइडर्सले अट्रेलियाका ओपनर क्रिस लिनलाई फुकुवा गरेको छ । जुन निर्णय प्रति कोलकता पछुताउने पर्न सक्छ । गत वर्ष उत्कृष्ट प्रर्दशन गरेका लिनलाई कोलकताले सबैलाई आश्चर्य पार्दै फुकुवा गरेको हो । लिनले गत वर्ष १३ खेलमा ४ अर्धशतक सहित कुल ४ सय ५ रन जोडेका थिए । जसमा उत्कृष्ट प्रर्दशन ८२ रन रह्यो । ठूला सटका लागि परिचित लिनको स्ट्राइक रेट १ सय ३९ छ । गत वर्ष कोलकताले अक्सनमा लिनलाई ९ करोड ६० लाख भारतीय रुपैयाँ खर्चेको थियो ।

आगमी संस्करणको आइपीएलमा दिल्ली क्यापिटल्स र सनराइजर्स हैदराबादले ओपनरलाई टोलीमा अनुबन्ध गर्ने संभावना देखिदैन । दिल्लीमा शिखर धवन र पृथ्वी शा तथा हैदराबादमा डेविड वार्नर र जोनी बेयरस्टोको ओपनरको रुपमा रहेका छन् । यी दुई टोली बाहेक अन्य सबै उत्कृष्ट ओपनरको खोजिमा देखिन्छन् । जसको लागि धेरै टोलीको नजरमा क्रिस लिन पहिलो रोजाईमा पर्ने अनुमान गरिएको छ । युएईमा जारी टि टेन लिगमा लिनले दमदार प्रर्दशन गरि रहेका छन् । टिम आबुधाबी विरुद्ध सोमवार ३० बलमा ९ चौका र ७ छक्का प्रहार गर्दै ९१ रनमा अविजित इनिङ खेल्दै सबै फे्रन्चाइज टोलीको मन लोभाइ सकाएका छन् । उनको यस प्रर्दशनले पनि अक्सनमा महँगो मुल्य पाउने अनुमान गरिएको छ ।

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.