काठमाडौं – तेस्रो संस्करणको जीत बहादुर स्मृती पाँचपोखरी सुपर-८ क्रिकेट प्रतियोगितामा मेलम्ची नगरपाली, सिन्धु लायन्स क्रिकेट क्वव, यार्शा क्रिकेट क्लब र क्रिकेट क्लब बाराबिसे क्वाटरफाइनलमा पुगेका छन् ।

यार्शाले गणेशथान क्रिकेट क्लबलाई ४० रनले हरायो । टस हारेर ब्याटिङ थालेको यार्शाले ८ ओभरमा ४ विकेट गुमाउँदै ९२ रन बनाएको थियो । ९३ रनको लक्ष्य पछ्याएको ७.२ ओभरमा अल आउट हुँदै ५२ रनमा समेटियो ।

राइजिङ दवाचौरलाई मेलम्चीले १८ रनले हरायो । टस हारेर ब्याटिङ थालेको मेलम्चीले ८ ओभरमा ५ विकेट गुमाउँदै १ सय १२ रन बनाएको थियो । उसका राजन दुलाल ४३ र बाल कृष्ण दुलालले २७ रन जोडे । दवाचौरका रमेश तामाङले ३ र विनोद तामाङले २ विकेट लिए ।

१ सय १३ रनको लक्ष्य पछ्याएको दवाचौरले ८ ओभरमा ३ विकेट गुमाउँदै ९४ रन बनायो । उसका विनोद तामाङले ३० बलमा ७९ रन जोडे पनि टोलीको हार टार्न सकेनन् ।

मेलम्चीले अर्को खेलमा सिन्धु लायन्सलाई ४ विकेटले हरायो । टस हारेर ब्याटिङ थालेको सिन्धुले ८ ओभरमा २ विकेट गुमाउँदै १ सय ३ रन बनाएको थियो । मनोज धिताल ३९ रन जोडे । उक्त विजयी लक्ष्य मेलम्चीले ६.३ ओभरमा ३ विकेटको क्षतिमा पुरा गर्यो ।

त्यस्तै अर्को खेलमा सिन्धुले राइजिङ दवाचौरलाई ६ रनले हरायो । टस जितेर ब्याटिङ थालेको सिन्धुले ८ ओभरमा ४ विकेट गुमाउँदै ७६ रन जोडेको थियो । उसका मनोज खड्काले ५० रन जोडे । दवाचौरले ८ ओभरमा ७० रन जोड्न मात्र सक्यो ।

बाराबिसेले गणेशथानलाई ५ विकेटले हरायो । टस जितेर ब्याटिङ थालेको गणेशथानले ८ ओभरमा ४ विकेट गुमाउँदै १ सय २२ रन बनायो । उसका जेठा लामाले ५१ रन जोडे ।

१ सय २३ रनको लक्ष्य बाराबिसेले २ विकेटले क्षतिमा अन्तिम बल अगाडी पुरा गर्यो । उसका सागर काफ्लेले ५३ रन जोडे ।
त्यस्तै अर्को खेलमा बाराबिसेलाई यार्शा क्लबले १८ रनले हरायो । टस हारेर ब्याटिङ थालेको यार्शाले ८ ओभरमा २ विकेट गुमाउँदै ९४ रन जोडेको थियो । उसका शंकर तामाङले ३९ रन जोडे । उक्त लक्ष्य पछ्याएको बाराबिसे ६.३ ओभरमा अल आउट हुँदै ७६ रनमा समेटियो । यार्शाका बिक्की तामाङले ३ विकेट लिए ।

समुह बी बाट मेलम्ची शीर्ष र सिन्धु दोस्रो स्थानमा रहँदै क्वाटरफाइनलमा पुगेका हुन् । त्यस्तै समुह सी बाट यार्शा शीर्ष र बाराबिसे दोस्रो स्थानमा रहँदै क्वाटरफाइनलमा पुगेका हुन् ।

पाँचपोखरी थाङ्गपाल गाउँपालिका वडा नम्बर ६ धापमा जन्मिएका पारा ओलम्पिक खेलाडी स्व जित बहादुर खड्काको स्मृतिमा यस प्रतियोगिता गरिएको हो । जीत बहादुरको २०७२ सालमा गएको महा-भुकम्पको परि मृत्यु भएको थियो ।

प्रतियोगिताको विजेताले नगद ७५ हजार सहित ट्रफी , प्रमाणपत्र प्राप्त गर्दा उप – विजेताले ३५ हजार नगद सहित ट्रफी प्रमाणपत्र पाउँने छन् । यस्तै प्रतियोगिताको उत्कृष्ट खेलाडीलाई नेक्सस क्रिकेट एकेडेमीको तर्फबाट भारतमा प्रशिक्षणको ब्यबस्था गरिएको छ । थप ३ उत्कृष्ट खेलाडीले काठमाडौंमा रहेको ग्रेट हिमालय क्रिकेट एकेडेमीले प्रशिक्षण गर्न पाउने छन् ।