पोखरा (हाम्रो खेलकुद) – नेपाली फ्रेन्चाइज लिगमा विदेशी खेलाडी सधैं हावी हुँदै आएका छन् । दोस्रो संस्करणको पोखरा प्रिमियर लिग (पीपीएल) मा पनि त्यसैले निरन्तरता पायो । अर्थात विदेखी खेलाडी भन्दा नेपाली खेलाडीको प्रर्दशन राम्रो हुन सकेन ।

पीपीएलको फाइनल खेल बाँकी रहँदा सबै टोलीको नतिजामा विदेशी खेलाडीको प्रर्दशन प्रमुख पाटो रह्यो । उपाधिको लागि चितवन राइनोज र विराटनगर टाइटन्स शनिबार भिड्ने छन् । यहाँसम्म आइपुग्दा केहि नेपाली खेलाडीको प्रर्दशन पनि राम्रो छ । घरेलु लिग होस वा अन्तर्राष्ट्रिय स्तरको प्रतियोगिता सबैमा नेपालाको ब्याटिङ सिमित खेलाडीमा निर्भर रहँदै आएको छ । ती सिमित खेलाडी बाहेक अन्यको ब्याटिङ राम्रो हुन सकेको छैन । जुन फ्रेन्चाइज लिगबाट पनि प्रष्ट हुन्छ ।

पीपीएलमा फाइनल अघि कुल १६ खेल भएका छन् । जसमा १५ अर्ध शतक र १ शतक बनेका छन् । जसमा नेपालको तर्फबाट ५ अर्ध शतक र १ शतक बनेका छन् भने विदेशी खेलाडीले १० अर्ध शतक बनाएका छन् । कुल १ सय ८१ छक्का र कुल २ सय ८४ चौका प्रहार भएका छन् । पीपीएल फाइनल अघि सर्वाधिक रन बनाउने १० खेलाडी :

१. पुनित मेहरा (विराटनगर)

विराटनगर टाइटन्सलाई फाइनलमा पुर्याउन उत्कृष्ट प्रर्दशन गरेका भारतीय अलराउन्डर पुनित मेहराले ६ खेलमा १४६.७६ को स्ट्राइक रेटमा कुल १६ चौका र ८ छक्का सहित २ सय ४ रन बनाए । पुनितले पहिलो खेलमा धनगढीविरुद्ध १५ रन जोड्दा पोखरा पल्टनलाई हराउँन ६१ रनमा अविजित रहेका थिए । पोखराविरुद्ध २६ बलमा ५ चौका र ४ छक्का सहित आक्रामक इनिङ खेलेका उनी म्यान अफ द म्याच चुनिए । काठमाडौंविरुद्ध ३१ बलमा ३ चौका र छक्का सहित ५३ रन जोडेपनि टोलीको हार टार्न सकेनन् । चितवन राइनोजसँग २४, बुटवलसँग लिग चरणमा ३२ रन र क्वालिफायरमा १९ रन जोडे ।

२. ज्ञानेन्द्र मल्ल (काठमाडौं)

काठमाडौं गोल्डेन्स वारियर्सका कप्तान ज्ञानेन्द्र मल्लले ५ खेलमा १५४.६१ को स्ट्राइक रेटमा १ शतक सहित कुल २ सय १ रन बनाए । जसमा १६ चौका र १३ छक्का सामेल छ । पहिलो खेलमा पोखरा पल्टनसँग १ र बुटवल ब्लास्टर्ससँग १५ रनमा आउट भएका ज्ञानेन्द्रले धनगढीविरुद्ध ३८ बलमा ८ चौका र ९ छक्का सहित एक सय रन जोड्दै म्यान अफ द म्याच घोषित भए । विराटनगरसँग ४५ र चितवन राइनोजसँग ४० रन बनाएका थिए ।

३. बाबर हायत (चितवन)

हङकङका पुर्व कप्तान तथा चितवन राइनोजका बाबर हायतले ५ खेलमा १२९.४१ को स्ट्राइक रेटमा कुल १ सय ९८ रन बटुलेका छन् । कुल १४ चौका र १२ छक्का सामेल छ । पहिलो खेलमै बाबरले पोखरा पल्टनविरुद्ध ४२ बलमा ६ चौका र ४ छक्का सहित ६६ रन जोड्दै म्यान अफ द म्याच चुनिएका थिए । बुटवलसँग १ र धनगढीसँग ३६ रन जोडे । विराटनगरविरुद्ध २५ र काठमाडौंविरुद्ध ७० रनको योगदान दिए ।

४. अफ्ताबुद्दीन अहमद(बुटवल)

भारतीय अलराउन्डर अफ्ताबुद्दीनले बुटवललाई प्ले अफ सम्म पुर्याउन महत्वपूर्ण प्रर्दशन गर्दै ६ खेलमा १६७.५७ को स्ट्राइक रेटमा २१ चौका र ११ छक्का सहित १ सय ८६ रन बनाए । पहिलो खेलमा काठमाडौंसँग १४ रनमै पेभिलिएन फर्केका उनी चितवनसँग २ रनमा आउट भए । पोखरालाई निराश बनाउन ४६ बलमा १२ चौका र २ छक्का सहित ७५ रन जोड्दै म्यान अफ द म्याच चुनिए । धनगढीविरुद्ध ५२ रन जोड्दै सहज जित दिलाए । विराटनगरसँग गोल्डेन डग आउट र क्वालिफायरमा ४३ रन जोडे ।

५. हर्ष टोन्क (बुटवल)

भारतीय खेलाडी हर्ष टोन्कले ६ खेलमा १५०.४६ को स्ट्राइक रेटमा कुल १ सय ६१ रन जोडेका छन् । जसमा १२ चौका र १३ छक्का सामेल छ । काठमाडौंसँग ४५ रन जोडेका उनी चितवनसँग १ र पोखरासँग ६ रनमा अविजित रहे । धनगढीसँग ४० रन बटुले । विराटनगरसँग ६७ रन र क्वालिफायरमा २ रन जोडेका थिए ।

६. रोहन मुस्तफा (चितवन)

युएईका अलराउन्डर रोहन मुस्तफाले ५ खेलमा १०५.४० को स्ट्राइक रेटमा कुल १ सय ५६ रन जोडेका छन् । जसमा १५ चौका र ४ छक्का सामेल छ । पोखराविरुद्ध ११ रन जोडेका मुस्तफाले बुटवलसँग अविजित ७० रन जोड्दै म्यान अफ द म्याच चुनिएका थिए । धनगढीविरुद्ध १८ र विराटनगरसँग ७ रनमा आउट भए । काठमाडौंसँग अविजित ५९ रन जोड्दै म्यान अफ द म्याच चुनिए ।

७. आरिफ शेख (चितवन)

नेपाली टोलीका युवा ब्याट्सम्यान आरिफ शेखले उत्कृष्ट प्रर्दशन गर्दै ५ खेलमा १८६.८४ को स्ट्राइक रेटमा ८ चौका र ११ छक्का सहित कुल १ सय ४२ रन जोडेका छन् । पोखराविरुद्ध १ रनमा आउट भएका आरिफ दोस्रो खेलमा बुटवलविरुद्ध ४० रन जोडे । धनगढीविरुद्ध ४७ रनको अविजित इनिङ खेल्दै आरिफ म्यान अफ द म्याच चुनिए । विराटनगरविरुद्ध ३९ रनमा अविजित हुँदा काठमाडौंविरुद्ध १५ रनमा आउट भए ।

८. जय किशन कोल्सावाला (काठमाडौं)

काठमाडौंका विकेटकीपर जयकिशन कोल्सावालाले ५ खेलमा १२३.२१ को स्ट्राइक रेटमा कुल १ सय ३८ रन बनाए । जसमा १४ चौका र ५ छक्का सामेल छ । कोल्सावालाले पहिलो खेलमा पोखराविरुद्ध ९, बुटवलसँग २८, धनगढीसँग ४६ रन जोड्दा विराटनगरविरुद्ध ५५ रन जोड्दै म्यान अफ द म्याच चुनिए । अन्तिम खेलमा चितवनसँग कोल्सावाला शून्यमा आउट भए ।

९. शिवम सिंह (बुटवल)

बुटवल ब्लास्टर्सका अलराउन्डर शिवम सिंहले ६ खेलमा ५ इनिङमा १२९.४१ स्ट्राइक रेटमा कुल १ सय ३२ रन जोडेका छन् । जसमा १० चौका र ७ छक्का छ । काठमाडौंसँग ३३ रनमा अविजित रहे । चितवनसँग ३३, धनगढीसँग १५ रनमा अविजित रहँदा विराटनगरसँग लिग चरणमा ३७ र क्वालिफायरमा १४ रन जोडेका थिए ।

१०. दीपेन्द्र सिंह ऐरी (धनगढी)

धनगढीका कप्तान दीपेन्द्र सिंह ऐरी ५ खेलमा १२२.४२ को स्ट्राइक रेटमा १३ चौका र ४ छक्का सहित कुल १ सय ३१ रन जोड्दै शीर्ष दशमा छन् । पहिलो खेलमा विराटनगरसँग शून्यमा आउट भएका दीपेन्द्र दोस्रो खेलमा काठमाडौंसँग ८ रनमा आउट भए । चितवनसँग ४९ रनमा आउट हुँदा बुटवलसँग ४५ बलमा ६ चौका र २ छक्का सहित ६१ रन जोडेपनि टोलीको हार टार्न सकेनन् । पोखराविरुद्ध १४ रन बटुले ।