काठमाडौं (हाम्रो खेलकुद) – जनवरीमा यूएईसँग ओडीआई तथा टि ट्वान्टी सिरिज हुँदै सुरुवात गरेको नेपालले १३ औं दक्षिण एसियाली खेलकुद (साग) मा कास्य पदक जित्दै २०१९ को अन्त्य गरेको छ । ओमान र अमेरिकासँग फ्रेवअरी पहिलो साता आईसीसी क्रिकेट विश्वकप लिग २ ओडीआई सिरिज कीर्तिपुरमा खेल्दै २०२० को सुरुवात गर्ने छ ।

समग्रमा नेपालको लागि २०१९ क्रिकेट बर्ष खराब रह्यो । अभागी वर्ष बन्यो । आइसीसी एसिया यू१९ एसिया कपमा छनोटबाट बाहिरिनु, आईसीसी टि ट्वान्टी ग्लोबल छनोटमा पुग्न नसक्नु यस वर्षका प्रमुख असफलता हुन् । जसले केहि सफलताको बाबजुद असफल वर्ष बनायो । नेपालले सन् २०१९ मा २९ अन्तर्राष्ट्रिय खेल खेल्यो । जसमा १५ खेलमा विजयी हुँदा १३ मा पराजित हुन पुग्यो । १ खेल रद्ध हुन पुग्यो । नेपाली महिला टोली २०१९ मा कुल १६ खेलमा १२ मा जित र ४ मा पराजित भए । सन् २०१९ मा नेपाली पुरुष, महिला, र यू१९ र यू१६ टोलीले खेलेका सम्पूर्ण प्रतियोगिता, सिरिज र नतिजा यस प्रकार छन् ।

यूएईसँग वान डे तथा टि ट्वान्टी सिरिज

नेपालले यूएईसँगको तीन वान र तीन टि ट्वान्टी सिरिज खेल्दै २०१९ को सुरुवात गरेको थियो । नेपालले जनवरी २५ देखी फेवअरी ३ सम्म यूएईसँग तीन टि ट्वान्टी सिरिज र ओडीआई सिरिज खेलेको थियो । नेपाल यूएईसँगको पहिलो वान डे खेलमा ३ विकेटले पराजित हुन पुग्यो । दोस्रो खेलमा १ सय ४५ रन र तेस्रोमा ४ विकेटले पराजित गर्दै पहिलो पटक ऐतिहासिक वान डे सिरिज जित्न सफल भयो ।

तेस्रो वान डे खेलमा पारसले १ सय १५ रन जोड्दै नेपालबाट ओडीआईमा शतक प्रहार गर्ने पहिलो खेलाडीको कीर्तिमान कायम गरे । पहिलो टि ट्वान्टी खेल २१ रनले पराजित हुँदा नेपालले दोस्रो ४ विकेट र तेस्रो १४ रनले विजयी हुँदै टि ट्वान्टी सिरिज पनि २–१ ले जित्दै इतिहास रच्यो ।

मलेसियासँग टि ट्वान्टी सिरिज

नेपालले जुलाई १३ र १४ मा मलेसियासँग दुई टि ट्वान्टी खेल खेलेको थियो । पहिलो खेलमा ७ विकेट र दोस्रोमा ६ रनले विजयी हुँदै दुई टी ट्विान्टी सिरिज २–० जित्न सफल भयो ।

आईसीसी टि ट्वान्टी विश्वकप एसिया छनोट

जुलाई २२ देखी २८ सम्म सिंगापुरमा भएको आईसीसी टि ट्वान्टी विश्वकप एसिया रिजन छनोटमा नेपालले खराब प्रर्दशन गर्दै तेस्रो स्थानमा रहेर बाहिरियो । नेपाल कतारसँग ४ विकेटले पराजित हुँदा मलेसियालाई ७ विकेटले हराएको थियो । कुवेतलाई पनि ७ विकेटले हराउँदा सिंगापुरसँग ८२ रनले पराजित भएपछि ग्लोबल छनोटमा पुग्ने सपना अधुरै बनेको थियो ।

नेपाल, सिंगापुर र जिम्बावेबीच त्रिकोणात्मक सिरिज

सेप्टेम्बर २७ देखी अक्टोबर ३ सम्म सिंगापुरमा नेपाल, सिंगापुर र जिम्बावेबीच त्रिकोणात्मक सिरिज भयो । पहिलो खेलमा जिम्बावेसँग ५ विकेटले पराजित हुँदा दोस्रो खेलमा सिंगापुरलाई ९ विकेटले हरायो । जुन खेलमा पारसले १ सय ६ रनको शतकीय इनिङ खेल्दै नेपालबाट टि ट्वान्टी आईमा शतक पुरा गर्ने पहिलो खेलाडी बने । जिम्बावेसँग ४ विकेटले पराजित हुँदा सिंगापुरसँग वर्षाको कारण रद्ध हुन पुगेको थियो ।

पाँच राष्ट्र सम्मिलित टि ट्वान्टी सिरिज

अक्टोबर पाँच देखी १० सम्म ओमानमा पाँच राष्ट्र सम्मिलित टि ट्वान्टी सिरिज भएको थियो । नेपालले हङकङ र नेदरल्यान्डलाई समान ४ विकेटले पराजित गर्दा ओमानसँग ६ विकेट र आयरल्यान्डसँग १३ रनले पराजित भएको थियो ।

एमसीसीसँग प्रथम श्रेणी

नेपालले नोभेम्बर ६ देखी ८ सम्म कीर्तिपुर क्रिकेट मैदानमा मेरिलोबन क्रिकेट क्लब (एमसीसी) सँग थी डे प्रथम श्रेणी क्रिकेट खेलेको थियो । जसमा नेपाल २ सय ८ रनले पराजित हुन पुग्यो ।

बंगलादेशमा एसीसी इमर्जिङ एसिया कप

बंगलादेशमा नोभेम्बर १४ देखी २३ सम्म भएको एसीसी इमर्जिङ एसिया कपमा नेपाल भारतसँग ७ विकेटले पराजित हुँदा हङकङलाई ४० रनले हराएको थियो । बंगलादेशसँग ८ विकेटले पराजित हुँदै नेपाल समुह चरणबाटै बाहिरिएको थियो ।

१३ औं दक्षिण एसियाली खेलकुद साग

डिसेम्बर १ देखी १० सम्म नेपालमा भएको १३ औं दक्षिण एसियाली खेलकुद (साग) मा नेपालले कास्य पदक जितेको थियो । नेपाल श्रीलंकासँग ६ विकेटले पराजित हुँदा बंगलादेशसँग ४४ रनले पराजित भएपछि स्वर्णको संभावना सकिएको थियो । भुटानलाई १ सय ४१ रनले हराउँदा माल्दिभ्सलाई ८४ रनले पराजित गर्यो । माल्दिभ्सलाई ५ विकेटले हराउँदै नेपालले कास्य पदक जितेको थियो ।

यू१९ पूरुष टोलीको २०१९ प्रर्दशन

आईसीसी एसिया यू१९ विश्वकप छनोट

अप्रिल १२ देखी १८ सम्म मलेसियामा भएको आईसीसी एसिया यू१९ विश्वकप छनोटमा नेपाली यू१९ टोली उत्कृष्ट प्रर्दशनको बाबजुद बाहिरिएको थियो । सिंगापुरलाई २ सय १९ रनले हराएको नेपाल यूएईसँग डकवर्थ लेविस पद्धतीको आधारमा १ रनले पराजित हुन पुग्यो । जुन हारले नेपाली यू१९ टोलीको विश्वकप खेल्ने सपना अधुरै बन्यो । नेपालले मलेसियालाई ८ विकेट, ओमानलाई १ सय ५० रन र कुवेतलाई ८ विकेटले हराएको थियो ।

एसिसी यू१९ इस्टर्न रिजन च्याम्पियन

जुलाई २ देखी ९ सम्म मलेसियामा भएको एसिसी यू१९ इस्र्टन रिजन छनोटमा नेपाल च्याम्पियन हुँदै एसिया कपमा छनोट भएको थियो । नेपालले चीनलाई १० विकेटले हराउँदा सिंगापुरलाई २ सय १७ रनको फराकिलो अन्तरले पराजित गर्दै सेमिफाइनलमा प्रवेश गरेको थियो । सेमिफाइनलमा नेपालले मलेसियालाई ७ विकेटले हराउँदा फाइनलमा हङकङलाई ६ विकेटले पराजित गर्दै उपाधि जितेको थियो ।

यू१९ एसिया कप (श्रीलंका)

५ सेप्टेम्बर देखी १४ सम्म श्रीलंकामा भएको एसीसी यू१९ एसिया कपमा नेपाल पहिलो खेलमा श्रीलंकासँग डक वर्थ लेविस पद्धतीको आधारमा ५ विकेटले पराजित हुन पुग्यो । बंगलादेशसँग ६ विकेटले पराजित हुँदा यूएईलाई १ सय ६० रनले हराएको थियो ।

यू१९ एक दिवसिय च्यालेन्जर्स कप

नोभेम्बर ११ देखी १७ सम्म भारतमा भएको यू१९ एक दिवसिय च्यालेन्जर्स कपमा नेपाल पहिलो खेलमा भारत सी सँग १० विकेटले पराजित हुन पुग्यो । नेपाल भारत ए सँग १ सय ७ रनले पराजित हुन पुग्यो । भारत बी सँग नेपाल २ विकेटले पराजित भयो । तेस्रो स्थानको लागि भएको खेलमा भारत सी सँग १ सय ५५ रनले पराजित भएको थियो ।

सन् २०१९ मा राष्ट्रिय महिला टोलीको प्रर्दशन

महिला टि ट्वान्टी स्याम्स

नेपाली राष्ट्रिय महिला टोलीले जनवरी १२ देखी १९ सम्म थाइल्यान्डमा भएको महिला टि ट्वान्टी स्याम्समा उप विजेता बनेको थियो । पहिलो खेलमा चीनलाई १० विकेटले हराउँदा मलेसियालाई ६ विकेटले हराए । यूएईलाई ६ विकेटले हराउँदा थाइल्यान्ड ए महिला टोलीलाई ९ विकेटले हराएका थिए । सेमिफाइनलमा इन्डोनएसियालाई ९२ रनले हराउँदा फाइनलमा थाइल्यान्डसँग ७० रनले पराजित भएको थियो ।

टि ट्वान्टी एसिया विश्वकप छनोट

फ्रेबअरी १८ देखी २७ सम्म थाईल्यान्डमा भएको आईसीसी विश्वकप छनोट एसिया छनोटमा दोस्रो हुँदै बाहिरिएको थियो । पहिलो खेलमा मलेसियलाई ३४ रनले पराजित गर्दा दोस्रो खेलमा थाईल्यान्डसँग ५७ रनले पराजित हुन पुगेको थियो । यूएईलाई ७ विकेटले हराउँदा हङकङलाई ४ विकेटले पराजित गरेको थियो । चीनलाई ५ विकेट र कुवेतलाई ३० रनले हराएको थियो ।

१३ औं दक्षिण एसियाली खेलकुद साग

सागमा नेपाली महिला टोलीले कास्य जिते । डिसेम्बर १ देखी १० सम्म भएको सागमा पोखरामा माल्दिभ्सलाई १० विकेटले हराएको नेपाली महिला टोलीले बंगलादेशसँग १० विकेटले पराजित हुन पुग्यो । श्रीलंकासँग ४१ रनले पराजित हुँदा माल्दिसलाई १० विकेटले हराउँदै कास्य पदक जितेका थिए ।

बी एण्ड आर यू१९

चीनमा अघिल्लो महिना भएको बी एण्ड आर वुमन्स यू१९ कप प्रतियोगितामा नेपाली यू१९ टोली तेस्रो स्थानमा रहेको थियो ।

एसीसी यू१६ इस्टर्न रिजन च्याम्पियन

थाईल्यान्डमा २० अप्रिल देखी २८ सम्म भएको एसीसी यू१६ इस्टर्न रिजन प्रतियोगिताको उपाधि नेपालले जितेको थियो । नेपालले पहिलो खेलमा म्यानमारलाई ७ विकेटले हराएको थियो । मलेसियालाई ३९ र थाईल्यान्डसँगको खेल वर्षाको कारण नतिजा विहीन बन्यो । हङकङलाई ४ विकेटले हराउँदा मलेसियालाई ५९ रनले हराउँदै यू१६ नेपाली टोली च्याम्पियन बनेको थियो ।