काठमाडौं (हाम्रो खेलकुद) – चौथो संस्करणको एभरेष्ट प्रिमियर लिग (इपिएल) आगमी चैत्रमा हुँदैछ । जसको लागि आयोजक र फ्रेन्चाइज टोली तयारीमा जुटिसकेका छन् ।

यस वर्षको संस्करणको प्रत्यक्ष प्रसारण डिस्कभरी नेटवर्कको ‘डी-स्पोर्ट्स’ नामक भारतीय टेलिभिजन च्यानलले गर्ने छ । यस पटक
इपिएलले सन् २०१८ यता दुई वर्ष यता धनगढी प्रिमियर लिग र पोखरा प्रिमियर लिग खेलेका विदेशी खेलाडी इपीएल खेल्न पाउने छैनन् ।

विदेशी खेलाडीको रुपमा दक्षिण अफ्रिकाका पुर्व कप्तान तथा ओपनर हसिम अमला आउने पक्का पक्कि भएको आयोजकले जनाएको छ । अन्य ठूला स्टार खेलाडीसँग पनि आयोजकले निरन्तर छलफल गरि रहेको छ । इपिएलका प्रबन्ध निर्देशक आमिर अख्तरले आफ्नो आधिकारीक वेवसाइटमा राखिएका विदेशी खेलाडी खेल्ने पक्का नभएको हाम्रो खेलकुदलाई जानकारी दिए ।

अख्तरले वेवसाइटमा राखिएका खेलाडी इच्छुक रहेको तथा फ्रेन्चाइज टोली र खेलाडीबीच पारिश्रमिकमा कुरा मिल्नसके ती खेलाडी
इपिएल खेल्ने बताए । अख्तरले अमला बाहेक अन्य विदेशी खेलाडी नेपाल आउने पक्का नभएको बताए । अर्को हप्ता सम्म फ्रेन्चाइजले आफ्नो टोलीमा रहने विदेशी खेलाडीको बारे सार्वजनिक गर्ने बताए । आगामी इपिएलको लागि उपलब्ध विश्वका पाँच स्टार खेलाडी ।

५. ड्वेन स्मिथ (वेस्ट इन्डिज)

वेस्ट इन्डिजका स्टार अलराउन्डर ड्वेन स्मिथ इपिएलको लागि उपलब्ध रहेको अख्तरले जनाएका छन् । मध्यगतिमा बलिङ गर्ने उनी शीर्षक्रमका ब्याट्सम्यान हुन् । ड्वेन स्मिथले १० टेष्ट, १ सय ५ ओडीआई र ३३ टि ट्वान्टी आई खेलेका छन् ।

टि ट्वान्टीमा उनले ५ सय ८२ रन बनाउनुको साथै ७ विकेट लिएका छन् । उनको उत्कृष्ट प्रर्दशन सन् २०१४ को टि ट्वान्टी विश्वकपमा बंगलादेशविरुद्ध ७२ रन छ । जुन खेलमा उनी म्यान अफ द म्याच चुनिएका थिए ।

४. केसरिक विलियम्स (वेस्ट इन्डिज)

वेस्ट इन्डिजका वर्तमान क्रिकेटका अलराउन्डर केसरिक विलियम्स पनि इपिएलको लागि उपलब्ध खेलाडी हुन् । तीब्र गतिका बलर विलियम्सले तल्लोक्रममा ब्याटिङ गर्ने गर्दछन् । २०१६ मा पाकिस्तानविरुद्ध टि ट्वान्टीमा डेब्यू गरेका उनले ८ एक दिवसिय २४ टि ट्वान्टी आई खेलेका छन् ।

उनले टि ट्वान्टी आईमा ४१ विकेट लिएका छन् । उत्कृष्ट प्रर्दशन ४-२८ छ । वेस्ट इन्डिजको घरेलु टि२० क्यारेबियन प्रिमियर लिगमा उनको प्रदर्शन उत्कृष्ट रहँदै आएको छ ।

३. उपुल थरंगा (श्रीलंका)

श्रीलंकाका पुर्व कप्तान तथा स्टार ब्याट्सम्यान उपुल थरंगा पनि इपिएलको लागि उपलब्ध रहेका छन् । ३५ वर्षिय बायाँ हाते शीर्षक्रमका ब्याट्सम्यान उपुल थरंगाले श्रीलंकाबाट ३१ टेष्ट, २ सय ३५ ओडीआई र २६ टि ट्वान्टी आई खेलेका छन् ।

टेष्टमा ३ शतक र ८ अर्ध शतक सहित १७ सय ५४ रन बनाएका छन् । ओडीआईमा उनले १५ शतक र ३७ अर्ध शतक सहित कुल ६ हजार ९ सय ५१ रन बनाएका छन् । उत्कृष्ट प्रर्दशन १ सय ७४ नट आउट छ ।

२. लियाम प्लंकेट (इंग्ल्यान्ड)

इंग्ल्यान्डका तीब्र गतिका बलर लियाम प्लंकेटले इंग्ल्यान्डलाई एक दिवसिय विश्वकपको उपाधि दिलाउन फाइनलमा न्युजिल्यान्डविरुद्ध महत्वपूर्ण ३ विकेट लिएका थिए । प्लन्केटले तल्लोक्रममा ठूला सट खेल्ने गर्दछन् । उनले १३ टेष्ट, ८९ ओडीआई र २२ टि ट्वान्टी आई खेलेका छन् ।

प्लंकेटले सय ३८, ओडीआईमा ६ सय ४६ र टि ट्वान्टीमा ४२ रन बनाएका छन् । उनले टेष्टमा ४१, ओडीआईमा १ सय ३५ र टि ट्वान्टीमा २५ विकेट लिएका छन् ।

१. मोहम्मद शहजाद (अफगानिस्तान)

अफगानिस्तानका विश्फोटक ओपनर तथा विकेटकिपर मोहम्मद शहजाद इपिएलको लागि उपलब्ध रहेका ठूला नाम गरेका विदेशी खेलाडी हुन् । शहजादले विश्फोटक ब्याटिङ गर्दै टोलीको सहज जित पक्का गर्न सक्छन् । अफगानिस्तानलाई टेष्ट मान्यता दिलाउन उनको योगदान महत्वपूर्ण छ ।

शहजादले अफगानिस्तान क्रिकेट बोर्डसँग अनुमति नलिई अन्य देशमा गएको भन्दै प्रतिबन्धमा रहेका छन् । एक दिवसिय खेलमा विश्वकपमा फिटनेश नभएको भन्दै उनलाई घर फिर्ता बोलाइएको थियो ।

प्रतिबन्धमा रहेका शहजादले विदेशी लिग खेल्दै आएका छन् । उनले २ टेष्टमा ६९, ८५ ओडीआईमा ६ शतक र १४ अर्ध शतक सहित कुल २७ सय २६ तथा ६४ टि ट्वान्टीमा १ शतक सहित १८ सय ६० रन बनाएका छन् । शहजादको टि ट्वान्टीआईमा स्टाइक रेट १३४ रहँदा २ सय ६ चौका र ६९ छक्का सामेल छ ।