4 years ago
January 15, 2020
सुनसरी (हाम्रो खेलकुद) – त्रिभुवन आर्मी क्लब सुनसरीको इनरुवामा जारी मनमोहन मेमोरियल राष्ट्रिय एकदिवसिय क्रिकेट प्रतियोगिताको फाइनलमा पुगेको छ । बुधबार सेमिफाइनल खेलमा प्रदेश नम्बर ३ लाई ६४ रनले हराउँदै आर्मी फाइनलमा पुगेको हो । २ सय १७ रनको लक्ष्य पछ्याएको प्रदेश तीन ३८.३ ओभरमा १ सय ५२ रनमा अल आउट हुन पुग्यो । सोनु […]
सुनसरी (हाम्रो खेलकुद) – त्रिभुवन आर्मी क्लब सुनसरीको इनरुवामा जारी मनमोहन मेमोरियल राष्ट्रिय एकदिवसिय क्रिकेट प्रतियोगिताको फाइनलमा पुगेको छ ।
बुधबार सेमिफाइनल खेलमा प्रदेश नम्बर ३ लाई ६४ रनले हराउँदै आर्मी फाइनलमा पुगेको हो । २ सय १७ रनको लक्ष्य पछ्याएको प्रदेश तीन ३८.३ ओभरमा १ सय ५२ रनमा अल आउट हुन पुग्यो । सोनु तामाङले ७५ बलमा ४ चौका र ६ छक्का सहित ७४ रन जोडेपनी टोलीको हार टार्न सकेनन् । ३८ औं ओभरको अन्तिम बलमा कुशल मल्ले भिम सार्कीबाट सोनुलाई आउट गरेपछि प्रदेश ३ को जितको संभावना सकिएको थियो ।
विक्रम शोबले पहिलो बलमै ओपनर रित गौतमलाई विनोद भण्डारीबाट क्याच आउट गराए । छैटौं ओभरको चौथो बलमा कप्तान सुबास खकुरेल १५ रनमा रन आउट भए । सुवासले १५ बलमा २ चौका प्रहार गरे । नवौं ओभरको दोस्रो बलमा जितेन्द्र सिंह ठकुरीलाई स्पिनर सुशन भारीले रोहित कुमार पौडेलबाट २ रनमा क्याच आउट गराए ।
दशौं ओभरको अन्तिम बलमा इशान पान्डे ३३ बलमा ३ चौका सहित १७ रनमा क्याच आउट भएपछि प्रदेश तीन संकटमा परेको थियो । अभिषेक बस्नेत ५, आदिल खान ६ र राम नरेश गिरी ४ रनमा आउट भएपछि प्रदेश तीनको जितको टाढिएको थियो । आर्मीका स्पिनर सुसन भारीले ८.१ ओभरमा ३ मेडन सहित २३ रन खर्चेर ३ विकेट लिए । साहब आलमले २, बिक्रम शोब, हरि बहादुर चौहान, हरि कृष्ण झा र सुशल मल्लले १-१ विकेट लिए ।
त्यसअघि इनरुवा क्रिकेट मैदानमा टस जितेर ब्याटिङ रोजेको आर्मी ४६.३ ओभरमा २ सय १६ रनमा अल आउट भएको थियो । ओपनर अनिल कुमार मण्डलले सर्वाधिक ४३ रन जोडे । लेग स्पिनर तिलकराज भण्डारीले ३० औं ओभरको पहिलो बलमा बोल्ड आउट गर्नुअघि मण्डलले ७३ बलमा ३ चौका प्रहार गरे ।
चौथो ओभरको तेस्रो बलमा युवा तीब्र गतिका बलर गौतम केसीले ओपनर हरिकृष्ण झालाई ६ रनमा विकेटकिपर आदिल खानबाट क्याच गराए । २० औं ओभरको अन्तिम बलमा नन्दन यादवले रोहित कुमार पौडेललाई २९ रनमा राम नरेश गिरिबाट क्याच आउट गराए । रोहितले ३७ बलमा ४ चौका प्रहार गरे ।
राजेश पुलामी मगर १७, बिनोद भन्डारी ६ र भिम सार्की १५ रनमा आउट भए । युवा अलराउन्डर कुशल मल्लले २६ बलमा ४ चौका र २ छक्का सहित ३७ रन जोडे । बिक्रम शोब ३३ बलमा ३ चौका सहित २४, सुशन भारी १३ र साहब आलमले १ रन जोडे । युवा तीब्र गतिका बलर गौतम केसीले ७.३ ओभरमा २२ रन खर्चेर ४ विकेट लिए । तिलकराज भन्डारी, नन्दन यादव र ईशान पान्डेको नाममा २-२ विकेट रह्यो ।
दोस्रो सेमिफाइनलमा बिहीबार नेपाल पुलिस क्लब र सुदूरपश्चिम प्रदेश भिड्ने छन् । विजेताले आर्मीसँग उपाधिको लागि माघ ४ मा प्रतिस्पर्धा गर्ने छ ।
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]
