4 years ago
February 27, 2020
काठमाडौं (हाम्रो खेलकुद) – आगामी संस्करणको एभरेष्ट प्रिमियर लिग (इपिएल) को तयारी तीव्र रुपमा अघि बढिरहेको छ । यसपटक इपिएलमा विश्व चर्चित स्टार विदेशी खेलाडीहरु खेल्दैछन् । पोखरा राइनोजले वेस्ट इन्डिजका विश्फोटक ब्याट्सम्यान क्रिस गेल, केसरिक विलियम्स र स्कटल्याण्डका ओपनर जर्ज मुन्शेलाई अनुबन्ध भएका छन् । भैरहवा ग्ल्याडियटर्सले वेस्ट इन्डिजका ड्वेन स्मिथ, ललितपुर प्याट्रीयट्सले पाकिस्तानका […]
काठमाडौं (हाम्रो खेलकुद) – आगामी संस्करणको एभरेष्ट प्रिमियर लिग (इपिएल) को तयारी तीव्र रुपमा अघि बढिरहेको छ । यसपटक इपिएलमा विश्व चर्चित स्टार विदेशी खेलाडीहरु खेल्दैछन् ।
पोखरा राइनोजले वेस्ट इन्डिजका विश्फोटक ब्याट्सम्यान क्रिस गेल, केसरिक विलियम्स र स्कटल्याण्डका ओपनर जर्ज मुन्शेलाई अनुबन्ध भएका छन् । भैरहवा ग्ल्याडियटर्सले वेस्ट इन्डिजका ड्वेन स्मिथ, ललितपुर प्याट्रीयट्सले पाकिस्तानका हमाद हसन, हसन खान, मिर हाम्जा र श्रीलंका उपुल थरंगालाई टोलीमा भित्र्याएको छ ।
काठमाडौं किंस ११ ले केभीन ओ ब्रायनको नाम सार्वजनिक गर्दा विदेशी खेलाडीको नाम सार्वजनिक गरेको छैन । चितवन टाइगर्समा अफगानिस्तानका मोहम्मद शाहजाद, पल स्टिर्लिङ खेल्ने पक्का भएको छ । पारस खड्का कप्तान रहेको विराटनगर वारियर्सले भने कुनै विदेशी खेलाडीको नाम सार्वजनिक गरेको छैन ।
त्यस्तै सबै टोली ट्यालेन्ट हन्टको तयारीमा लागि रहेका छन् । टोली सन्तुलन गर्ने अन्तिम विकल्प पनि ट्यालेन्ट हन्टनै हो । चितवन टाइगर्सले भने ट्यालेन्ट हन्टबाट खेलाडी छनोट गरि सकेको छ । ट्यालेन्ट हन्टबाट सबै टोलीले आफुलाई आवश्यक खेलाडीलाई बढि प्राथमिकता दिने छन् । इपिएलको नियम अनुसार एक जना खेलाडी छनोट गर्नुपर्छ । तर टोलीको आवश्यकता रहेको खण्डमा एक भन्दा बढी खेलाडी पनि छनोट गर्न सक्छन् ।
युवा खेलाडीले आफुलाई नजिक पर्ने जुनसुकै टोलीबाट छनोटमा दावेदारी दिन सक्नेछन् । चैत्र १ देखी १५ गते सम्म टीयू क्रिकेट मैदानमा हुने इपिएल अघि कुन टोलीको टोलीको ट्यालेन्ट हन्टको तयारी कस्तो छ ? छोटकरीमा जानकारी ।
काठमाडौं किंस ११
काठमाडौंले मनमैजुमा रहेको एन्जल्स स्पोर्ट्स एकेडेमीमा फागुन १७ गते ट्यालेन्ट हन्ट गर्दैछ । काठमाडौंका टिम व्यवस्थापक विजयकुमार धितालको अनुसार खेलाडीको छनोट पूर्वकप्तान तथा यू१९ का प्रशिक्षक विनोद दास सहितको टोलीले गर्नेछ । गत वर्ष काठमाडौंले ट्यालेन्ट हन्टबाट चन्द्रकान्त पौडेल र सन्दीप रजालीलाई टोलीमा अनुबन्ध गरेको थियो । दुबै खेलाडीले डेब्यू गरेका थिए । काठमाडौंले ट्यालेन्ट हन्टको लागि आवेदन फर्म खुल्ला गरि सकेको छ । धितालका अनुसार ट्यालेन्ट हन्टबाट एक भन्दा बढी खेलाडी छनोट गर्न सक्ने सम्भावना छ ।
ललितपुर प्याट्रीयटस:
ज्ञानेन्द्र मल्ल कप्तान रहेको साविक विजेता ललितपुरले पनि ट्यान्ट हन्टको लागि आवेदन खुल्ला गरिसकेको छ । ललितपुरले फागुन २३ मा इमाडोलमा रहेको बलपार्क इन्डोर एकेडेमीमा ट्यालेन्ट हन्ट गर्ने जनाएको छ । जसको खेलाडी छनोट प्रशिक्षक राजु बस्नेतले गर्ने छन् । गत वर्ष ललितपुरले ट्यालेन्ट हन्टबाट तीब्र गतिका बलर कमल खत्रीलाई टोलीमा अनुबन्ध गरेको थियो ।
पोखरा राइनोज :
क्रिस गेललाई टोलीमा अनुबन्ध गरेको उपाधिको दाबेदार पोखरा राइजोजले ट्यालेन्ट हन्टको मिती अझै तय गरेको छैन । गत वर्ष देव शाहलाई पोखराले टोलीमा अनुबन्ध गरेको थियो । प्रशिक्षक दीपेन्द्र चौधरीसँगै रिजन प्रजु, राष्ट्रिय महिला टोलीकी कप्तान रुविना क्षेत्री र अप्सरी बेगमको टिमले खेलाडी छनोट गर्ने पोखराले जनाएको छ । पोखरा रंगशालामा चाडै नै ट्यालेन्ट हन्ट गर्ने तयारी गरि रहेको बताएको छ ।
चितवन टाइगर्स :
चितवन टाइगर्सले ट्यालेन्ट हन्टमार्फत खेलाडी छनोट गरिसकेको छ । अघिल्लो महिना सम्पन्न चितवन प्रिमियर लिगको प्रर्दशनको आधार मान्दै तीन खेलाडी छनोट गरेको हो । चितवन प्रिमियर लिगमा कृजन गुरुङ, आकश थापा र राजेश ढकाललाई टोलीमा समेटेको छ ।
भैरहवा ग्ल्याडियटर्स :
शरद भेषवाकर कप्तान रहेको भैरहवा ग्ल्याडियटर्सले फागुन २२ मा भैरहवामा ट्यालेन्ट हन्ट गर्दैछ । जसको लागि नेपाली राष्ट्रिय क्रिकेट टोलीका पूर्व प्रशिक्षक पुबुदु दासानायके आइतबार नेपाल आउँदै छन् ।
विराटनगर वारियर्स :
पारस खड्का कप्तान रहेको विराटनगरले ट्यालेन्ट हन्टको मिती अझै पक्का नभएको जनाएको छ । फागुन २२,२३ मा गर्ने तयारी गरिरहेको विराटनगरले हाम्रो खेलकुदलाई जानकारी दिएको छ । विराटनगरको खेलाडी छनोट प्रशिक्षक मनोज कटुवालले गर्ने छन् ।
March 29, 2024
सुमन अधिकारी, बुटवल धनगढी क्रिकेट क्लब र पल्सर क्रिकेट एक्सलेन्स सेन्टर (सिइसी) काठमाण्डौ रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा शुक्रबार विजयी भएका छन् । समुह बी मा रहेका यी दुवै टोलीले लगातार दुई खेलमा जित हात पारेका छन् । पहिलो खेलमा धनगढी क्रिकेट क्लबले सेन्टर क्रिकेट एकेडेमी कास्कीलाई ३ विकेटले […]
March 29, 2024
चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेटको फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]
March 29, 2024
काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]