काठमाडौं (हाम्रो खेलकुद) – नेपालले एसीसी इस्टर्न रिजन टि२० क्रिकेट प्रतियोगितको दोस्रो खेलमा आइतबार हङकङसँग खेल्दै छ ।

पहिलो खेलमा मलेसियासँग २२ रनले पराजित भएको नेपाललाई अघिल्लो चरणको सम्भावना बलियो बनाउन आजको खेल जित्नै पर्ने हुन्छ । अन्यथा नेपालको झिनो अंक गणितीय सम्भावना मात्रै बाँकी हुने छ । नेपाल र हङकङबीचको खेल नेपाली समय अनुसार थाईल्यान्डको बैंकक स्थित रहेको टेर्डथाई क्रिकेट मैदानमा बिहान ८ः १५ पछि सुरु हुने छ । हङकङ विजयी सुरुवात गर्ने सोचमा छ । मलेसियासँग पाँच टि ट्वान्टी सिरिज क्लिनस्वीप बेहोरेको हङकङले उक्त नतिजा विसर्दै नयाँ नतिजा निकाल्न चाहान्छ ।

ओपनिङ पारस खड्का र कप्तान ज्ञानेन्द्र मल्लले गर्ने सम्भावना छ । मलेसियासँग कुशल मल्ल र ज्ञानेन्द्रले गरेका थिए । तर कुशलले खातै खोल्न सकेनन् । दीपेन्द्र सिंह ऐरीले मलेसियासँग निकै सुस्त ब्याटिङ गरेका थिए । आरिफ शेख ३ र विनोद भण्डारी ७ रनमा आउट हुन पुगेका थिए । तल्लोक्रममा आजको खेलमा यी दुबै खेलाडीले उत्कृष्ट फिनिसिङ गर्नुपर्ने हुन्छ ।

त्यस्तै प्रमुख ब्याट्सम्यान पारस खड्काबाट आजको खेलमा उत्कृष्ट प्रर्दशनको आशा गरिएको छ । पारस मलेसियासँग ९ रनमा आउट हुन पुगेका थिए । स्पिनर सन्दीप लामिछानले ४ ओभरमा २२ रन खर्चेर ३ विकेट लिएका थिए । उनले अर्कोतर्फबाट स्पिनरबाट राम्रो साथ पाएनन् । सुशन भारीले ३ ओभरमा २६ रन खर्चिदा विकेट लिन सकेनन् । सुशनको स्थानमा आज भुवन कार्कीले मौका पाउन सक्छन् । मलेसियासँग नेपालको डेथ ओभर कमजोर देखिएको थियो ।

आजको खेलमा अभिनाश बोहरा र करण केसी दुबैले डेथ ओभर सुधार गर्नु पर्ने हुन्छ । मलेसियासँग अन्तिम ६ ओभरमा ६५ रन खर्चिदै १ विकेट मात्रै लिन सकेको थियो । त्यस्तै आजको खेलमा नेपाली ब्याट्सम्यानलाई चौका छक्कामा पनि जोखिम उठाउन आवश्यक देखिन्छ ।

बाबर हायत र अंशुमन रथले हङकङको टोली छाडेपछि कमजोर बनेको छ । मलेसियासँगको पाँचौ खेलमा १ सय ७१ रनको योगफल पनि हङकङले रक्षा गर्न सकेको थिएन । मलेसियासँगको सिरिजमा हङकङको बलिङ केहि कमजोर देखिएको थियो । उसका युवा ब्याट्सम्यान किन्चित शाह राम्रो लयमा छन् । त्यस्तै अलराउन्डर अजिज खान, निजाकत खान र हारुन अरशद पनि प्रमुख खेलाडी हुन् ।

नेपाल र हङकङबीचको पछिल्ला तीन टि ट्वान्टी आई नतिजा

पाँच टि ट्वान्टी सिरिज ओमान २०१९ :

हङकङ १२५-६

नेपाल १२६-६ (१९ ओभर)

नेपाल ४ विकेटले विजयी

आईसीसी टि ट्वान्टी क्वालिफायर २०१५ (आयरल्यान्ड)

नेपाल १०९-१० (२० ओभर)

हङकङ ११०-५ (१९.१ ओभर)

हङकङ ५ विकेटले विजयी

हङकङसँगको पाँच टि ट्वान्टी सिरिज २०१४ (श्रीलंका)

नेपाल ७२-१० (२० ओभर)

हङकङ ७३-८ (१९.५ ओभर

हङकङ २ विकेटले विजयी