काठमाडौं (हाम्रो खेलकुद) – एसीसी इस्टर्न रिजन टि२० क्रिकेट प्रतियोगितामा हङकङले प्रस्तुत गरेको बलियो लक्ष्य पक्ष्याएको नेपालले खराब प्रर्दशन गरेको छ ।

१ सय ५५ रनको विजयी लक्ष्य पक्ष्याएको नेपाल १३ ओभरको समाप्तीमा ८०–५ को कमजोर अवस्थामा पुगेको छ । ओपनर कुशल मल्ल र ज्ञानेन्द्र मल्लले पहिलो विकेटका लागि ४.४ ओभरमा ४२ रनको साझेदारी गर्दै राम्रो सुरुवात दिलाएपनि त्यसपछि निरन्तर विकेट गुम्दा नेपालले खराब प्रर्दशन गरिरहेको छ ।

कुशल हारुन अरशदको पाँचौ ओभरको चौथो बलमा ठूलो सट खेल्नेक्रममा निजाकत खानबाट क्याच आउट हुनुअघि १४ बलमा ३ चौका सहित १९ रन जोडे । पारस खड्कालाई एहसान खानले आठौं ओभरको पाँचौ बलमा ४ रनमा एलबिडब्लू आउट गरे । एहसान खानको नवौं औं ओभरको पाँचौ बलमा खराब सट खेल्दै दीपेेेेन्द्र सिंह ऐरी ८ बलमा ५ रन जोड्दै विकेटकिपर स्कर्ट स्टेपनबाट क्याच आउट भए ।

अफ्ताब हुसेनको ११ औं ओभरको अन्तिम बलमा पवन सरार्फ ठूलो सट खेल्नेक्रममा जेम्स जोहनबाट १ रनमा क्याच आउट भए । विनोद भण्डारी पनि खराब सट खेल्दै ५ रनमा आउट भएपछि नेपाल संकटमा परेको हो । क्रिजमा कप्तान ज्ञोनेन्द्र मल्ल ३९ बलमा ४ चौका र १ छक्का सहित ४३ रनमा खेलि रहेका छन् । ज्ञानेन्द्रलाई आरिफ शेखले साथ दिने छन् ।