काठमाडौं (हाम्रो खेलकुद) – एसीसी इस्टर्न रिजन टि२० प्रतियोगितामा नेपालले आफ्नो तेस्रो खेलमा आयोजक थाईल्यान्डविरुद्ध सानदार सुरुवात गरेको छ ।

बैंकक स्थित टेर्डथाई क्रिकेट मैदानमा टस जितेर ब्याटिङ रोजेको थाईल्यान्डले सुरुवाती ७ ओभरमा २ विकेट गुमाउँदै १५ रन बनाएको छ । नेपलालाई पहिलो सफलता तीब्र गतिका बलर करण केसीले दिलाए । दोस्रो ओभरको पाँचौ बलमा करणले नवीद पठानलाई अभिनाश बोहराबाट ८ रनमा क्याच आउट गराए । पारस खड्काको तेस्रो ओभरको चौथो बलमा दीपेन्द्र सिंह ऐरीले डानियल जेकब्सलाई शुन्यमा रन आउट गराए ।

सन्दीपले पहिलो र चौथो ओभर दुवै मेडन राख्दै दबाब कायम राखे । त्यस्तै सन्दीपले छैटौं ओभरको अन्तिम बलमा एक वाइड फाल्दा मेडन राख्दै दुर्लभ सफलता हासिल गर्नबाट । सन्दीपको एक ओभर बाँकी छ ।

बैंकक स्थित टेर्डथाई क्रिकेट मैदानमा भएको टसमा थाईल्यान्डका कप्तान विचानाथ सिंहले टस जितेर पहिला ब्याटिङ गर्ने निर्णय लिएका हुन् । नेपालले टोलीमा आज एक परिवर्तन गर्दै सुशन भारीको स्थानमा भुवन कार्कीलाई टोलीमा ल्याएको छ ।

नेपालको प्लेइङ ११ :

ज्ञानेन्द्र मल्ल (कप्तान), दीपेन्द्र सिंह ऐरी, पारस खड्का, विनोद भण्डारी, आरिफ शेख, करण केसी, सन्दीप लामिछाने, अभिनाश बोहरा, कुशल मल्ल, भुवन कार्की र पवन सरार्फ ।

बेन्च : सुशन भारी, किशोर महतो र सन्दीप जोरा ।