6 years ago
March 8, 2020
काठमाडौं (हाम्रो खेलकुद) – पाकिस्तानका पूर्वखेलाडी तथा विश्वकप विजेता प्रशिक्षक सक्लेन मुश्ताक नेपाल आउने भएका छन् । वाई वाइ ग्रेट हिमालय क्रिकेट एकेडेमी (जिएचसिए) ले उनलाई नेपाल ल्याउन लागेको हो ।
मुश्ताक वैशाख २ देखि ९ गते (१४ अप्रिल देखी २१) सम्म नेपाल आउन लागेको जिएचसिएले जनाएको छ । ४३ वर्षिय मुश्ताकले ४९ टेष्ट, १ सय ६९ ओडीआई, १ सय ९४ प्रथम श्रेणी, ३ सय २३ लिष्ट ए खेलेका छन् । उनले सन् १९९५ मा श्रीलंकाविरुद्ध टेष्ट र ओडीआईमा डेब्यू गरेका थिए ।
टेष्टमा मुश्ताकले २ सय ८ विकेट लिएका छन् भने ९ सय २७ रन बनाएका छन् । जसमा १ शतक र २ अर्धशतक सामेल छ । टेष्टमा इकोनमी रेट २.६४ रहँदा उत्कृष्ट प्रर्दशन ८-१ सय ६४ छ । त्यस्तै ओडीआईमा २ सय ८८ विकेट लिएका छन् । उत्कृष्ट प्रर्दशन ५-२० छ । प्रथम श्रेणीमा ८ सय ३३ विकेट लिएका छन् । उनी ओडीमाईमा १ सय देखी २ सय ५० विकेट सर्वाधिक छिटो पुरा गर्ने बलर समेत हुन् ।
विश्वका सफल स्पिनरमा परिचित उनी गत जुलाईमा इंग्ल्यान्डले पहिलो पटक एकदिवसिय विश्वकप जित्दा बलिङ प्रशिक्षक थिए । उनले प्रशिक्षकको रुपमा न्युजिल्यान्ड, वेस्ट इन्डिज, अष्ट्रलिया, पाकिस्तान र बंगलादेशको टोली पनि सम्हालेका छन् ।
‘विश्वकप विजेता तथा सफल स्पिनर मुश्ताकको प्रशिक्षणबाट नेपाली खेलाडीलाई उनको अनुभव सिक्न, बुझ्न पाउनुको साथै क्रिकेट विकाशमा टेवा पुग्नेछ । अन्तर्राष्ट्रिय स्तरमा नेपाली खेलाडीको सम्भावना पनि बलियो हुने छ’, जिएचसिएका अध्यक्ष सुदीप शर्माले भने ।
त्यसैमा उनले थपे, ‘अन्तर्राष्ट्रिय खेलाडीलाई एउटा निशुल्क सेसन गराउँछौं । एकेडेमी र बाहिरका अन्य खेलाडीलाई भने शुल्क लाग्ने छ । यसबारे पछि जानकारी दिनछौं ।’
सन् २०१३ देखि संचालनमा आएको जिएचसिएले शान्तिनगर र हात्तीवनमा एकडेमीबाट प्रशिक्षण दिँदै आएको छ। जिएचसिएले अघिल्लो महिनादेखि ललितपुरस्थित हात्तीवनमा आधुनिक आवसिय सेवा सुविधा सहितको एकेडेमी सञ्चालनमा ल्याएको छ ।
सन् २०१३ देखी सञ्चालनमा आएको यस वाई वाई ग्रेट हिमालय क्रिकेट एकेडेमीबाट हालसम्म नेपाली सिनियर टोलीका युवा ओपनर ईशान पाण्डे, यू१९ टोलीका स्पिनर सागर ढकाल, अभिषेक बस्नेत, हिमान्शु दत्त, प्रकाश विष्ट, विवेककुमार यादव, यू १६ का प्रशान्त सिंह, विशाल पटेल, दिपक बोहरा जस्ता खेलाडी उत्पादन गरि सकेको छ । जिएचसिएले बंगलादेश, भारत, यूएई जस्ता देशमा वैदेशीक अनुभवका लागि खेलाडीलाई भ्रमण समेत गराउने गर्दै आएको छ ।
December 20, 2025
एजेन्सी – भारतले आइसिसी पुरुष टि ट्वान्टी विश्वकप २०२६ का लागि घोषणा गरेको टोलीमा उपकप्तान शुभमन गिललाई परेनन् । दक्षिण अफ्रिकासँगको शुक्रवार सकिएको सिरिजमा रहेका जितेश शर्मा पनि टोलीमा अटाउन सकेनन्।चयनकर्ताहरूले १५ सदस्यीय टोलीमा रिंकु सिंह र इशान किशनलाई समेटेका छन्। अक्षर पटेललाई टोलीको उपकप्तान बनाइएको छ। यसै टोलीले न्युजिल्यान्डविरुद्ध हुने पाँच खेलको टि ट्वान्टी […]
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
