एजेन्सी – क्रिकेट अष्ट्रलियाले अफगानिस्तान र भारतसँग खेल्ने टेष्ट सिरिजको लागि खेल तालिका सार्वजनिक गरेको छ । अफगानिस्तानले अष्ट्रेलियासँग एक मात्र टेष्ट खेल खेल्ने छ । भारत र अष्ट्रेलियाबीच चार टेष्ट बोर्डर–गावस्कर सिरिज हुने छ ।

पहिलो पटक अफगानिस्तानले अष्ट्रेलियासँग टेष्ट खेल्न लागेको हो । अगानिस्तान र अष्ट्रेलियाबीचको एक मात्र डे–नाइट टेष्ट नोभेम्बर २१ देखि २५ सम्म पर्थ स्टेडियममा हुने छ । त्यस्तै भारतले अष्ट्रेलियासँगको चार टेष्ट सिरिज डिसेम्बर ३ देखी जनवरी ७ सम्म चल्ने छ ।

भारतले अष्ट्रेलियामा पछिल्लो समय २०१८–१९ मा चार टेष्ट सिरिज खेलेको थियो । बल टेम्परिङ काण्डका कारण प्रमुख ब्याट्सम्यान स्टिभ स्मिथ र डेविड वार्नर विना अष्ट्रेलियाले चार टेष्ट सिरिज २–१ ले गुमाउनु परेको थियो । उक्त टेष्ट सिरिजको पहिलो खेलमा भारत ३१ रनले विजयी हुँदा दोस्रो खेलमा टिम पेइनको कप्तानीमा रहेको अष्ट्रेलिया १ सय ४६ रनले विजयी भएको थियो ।

भारत तेस्रो टेष्ट १ सय ३७ रनले विजयी भएको थियो । चौथो तथा तथा अन्तिम टेष्ट ड्र भएपछि भारतले २–१ ले ऐतिहासिक सिरिज जितेको थियो । स्मिथ र वार्नर सम्मिलत अष्ट्रेलिया यस पटक भने उक्त सिरिजको बदला लिने सोचमा रहने छ ।

खेल तालिका

अष्ट्रेलियाविरुद्ध अफगानिस्तान

एक मात्र टेष्ट – नोभेम्बर २१ देखी २५, पर्थ स्टेडियम(डे/नाइट टेष्ट)

अष्ट्रेलिया र भारतबीच चार टेष्टको सिरिज

पहिलो टेष्ट- डिसेम्बर ३ देखी ७, गाब्बा

दोस्रो टेष्ट – डिसेम्बर ११ देखी १५, एडिलेड ओभल (डे/नाइट)

तेस्रो टेष्ट – डिसेम्बर २६ देखी ३०, मेलबर्न क्रिकेट ग्राउन्ड

चौथो तथा अन्तिम टेष्ट – जनवरी ३ देखी ७, सिड्नी क्रिकेट ग्राउन्ड