default_image

4 years ago

May 28, 2020

एसोसिएट क्रिकेटका ५ उत्कृष्ट अलराउन्डर

एजेन्सी – अन्तर्राष्ट्रिय क्रिकेट परिषद् (आईसिसी) ले गतवर्ष देखी आफ्ना सबै सदस्य राष्ट्रलाई टि२० आई मान्यता दिएको छ । यसले क्रिकेटको लोकप्रियता विश्वभर बढ्दै गएको छ । टेष्ट मान्यता पाएका १२ देश भारत, श्रीलंका, इंग्ल्यान्ड, बंगलादेश, अष्ट्रेलिया, दक्षिण अफ्रिका, वेस्ट इन्डिज, जिम्बावे, न्युजिल्यान्ड, पाकिस्तान, अफगानिस्तान र आयरल्यान्ड हुन् । यी १२ देश बाहेक अन्य सबै […]

34 views

0 Bookmark

एजेन्सी – अन्तर्राष्ट्रिय क्रिकेट परिषद् (आईसिसी) ले गतवर्ष देखी आफ्ना सबै सदस्य राष्ट्रलाई टि२० आई मान्यता दिएको छ । यसले क्रिकेटको लोकप्रियता विश्वभर बढ्दै गएको छ ।

टेष्ट मान्यता पाएका १२ देश भारत, श्रीलंका, इंग्ल्यान्ड, बंगलादेश, अष्ट्रेलिया, दक्षिण अफ्रिका, वेस्ट इन्डिज, जिम्बावे, न्युजिल्यान्ड, पाकिस्तान, अफगानिस्तान र आयरल्यान्ड हुन् । यी १२ देश बाहेक अन्य सबै देश एसोसिएट टोली पर्दछन् । एसोसिएट टोलीले टेष्ट टोलीविरुद्ध निरन्तर उत्कृष्ट प्रर्दशन गर्नुको साथै घरेलु संरचना र प्रतियोगिता पनि त्यसै अनुसार भएमा टेष्ट मान्यता पाउने सम्भावना रहन्छ ।

अलराउन्डर हरेक टोलीका लागि महत्वपुर्ण खेलाडी हुन् । अलराउन्डरले ब्याटिङ र बलिङ दुवै पक्षमा उच्च प्रर्दशन गर्दै टोलीको जित सहज बनाउन सक्छन् । त्यसैले हरेक टोली सकभर धेरै अलराउन्डर खेलाडीलाई पहिलो रोजाईमा राख्ने गर्दछन् । वर्तमान समयमा इंग्ल्यान्डका बेन स्टोक्स विश्व क्रिकेटकै उत्कृष्ट अलराउन्डर मानिन्छन् । एसोसिएट टोलीका वर्तमान समयका उत्कृष्ट पाँच अलराउन्डर यस प्रकार छन् ।

५. जेजे स्मित (नामिबिया)

२४ वर्षिय तीव्र गतिका बलिङ अलराउन्डर जेजे स्मित नामिबिया क्रिकेट टोलीका प्रमुख हतियार हुन् । यसै वर्ष नामिबियालाई पहिलो पटक टि२० विश्वकपमा पुर्याउन स्मितले युएईमा भएको ग्लोबल टि२० विश्वकप छनोटमा उत्कृष्ट प्रर्दशन गरेका थिए । उनले ८ ओडिआई, १२ टि२० आई, ४१ प्रथम श्रेणी, ७४ लिष्ट ए र ४६ टि२० एस खेलेका छन् ।

स्मितले ओडिआईमा १ सय ४४, टि२० आईमा २ सय ६ र लिष्ट ए मा १ हजार १ सय ४३ रन जोडेका छन् । ओडिआईमा १३, टि२० आईमा १६ र लिष्ट ए मा ८२ विकेट लिएका छन् । उनी तल्लोक्रममा ठुला ठुला सट खेल्दै टोलीको जित सहज बनाउने गर्दछन् । स्मितले सन् २०१९ मा ग्लोबल टि२० क्यानडा भ्याकुभर नाइट्सबाट खेल्दै नामिबिया क्रिकेट टोलीबाट अन्तर्राष्ट्रिय फ्रेन्चाइज टि२० लिग खेल्ने पहिलो खेलाडी बनेका थिए ।

४. रोलेफ भान डर मर्व (नेदरल्यान्ड्स)

डच खेलाडी रोलेफ भान डर मर्व नेदरल्यान्ड्सका प्रमुख अलराउन्डर हुन् । उनले सन् २००९ मा दक्षिण अफ्रिकाबाट अष्ट्रेलियाविरुद्ध ओडिआई र टि२० आईमा डेब्यु गरेका थिए । उनले १५ ओडिआई, ४३ टि२० आई र १ सय ८७ लिष्ट ए खेल खेलेका छन् ।

लिष्ट ए मा २ हजार ९ सय १ रन बनाएका छन् । जसमा करिअरको उत्कृष्ट प्रर्दशन अविजित १ सय ६५ रन रहेको छ । लिष्ट ए मा २ सय ४९ विकेट लिएका छन् । मर्वले सन् २०१५ मा नेपालसँगको चार टि२० सिरिजदेखि नेदरल्यान्ड्सबाट खेलेका हुन् । त्यसयता नेदरल्यान्ड्सबाट अलराउन्ड प्रर्दशन गर्दै आएका छन् ।

३. अकीब इलियास (ओमान)

ओमानका शीर्षक्रमका ब्याटिङ अलराउन्डर अकीबले स्पिन बलिङ गर्ने गर्दछन् । अकीबले ओमानबाट ११ ओडिआईमा २ शतक र ४ अर्ध शतक सहित ६ सय २१ रन बनाएका छन् । गत माघमा आइसिसी विश्वकप लिग २ को त्रिकोणात्मक सिरिजमा अकीबले नेपालविरुद्ध आफ्नो ओडिआई पहिलो शतक पुरा गर्नेक्रममा १ सय ९ रनको अविजित इनिङ खेलेका थिए । साथै ४ विकेट लिएपछि घरेलु भुमिमा नेपाल निराश हुनु परेको थियो ।

त्यसै सिरिजमा अमेरिकाविरुद्ध १ सय ५ रन बनाउदै लगातार शतक प्रहार गरेका थिए । उक्त खेलमा ३ विकेट लिएका थिए । अकीबले २२ टि२० आईमा ४ सय ८ रन जोडेका छन् । २४ लिष्ट ए मा अकीबले २ शतक र ५ अर्ध शतक सहित ९ सय १९ रन बनाएका छन् । अकीबले ओडिआईमा १६ र लिष्ट ए मा १८ विकेट लिएका छन् ।

२. रोहन मुस्ताफा (युएई)

संयुक्त अरब एमिरेट्स (युएई) का ब्याटिङ अलराउन्डर तथा पूर्वकप्तान रोहन मुस्ताफा टोलीका प्रमुख खेलाडी हुन् । मुस्ताफाले ३७ ओडिआई खेलमा १ शतक र २ अर्ध शतक सहित ७ सय ५४ रन जोडेका छन् । ४३ टि२० आईमा ७ सय ६६ रन बनाएका छन् । ८२ लिष्ट ए खेलमा मुस्ताफाले १ शतक र ८ अर्ध शतक सहित १ हजार ८ सय २६ रन बनाएका छन् । ओडिआईमा ४१ विकेट लिएका छन् । उत्कृष्ट प्रर्दशन ५–२५ छ ।

रोहनले टि२० आईमा ४५ र लिष्ट ए मा ९३ विकेट लिएका छन् । उनले ग्लोबल टि२० क्यानडा, टि१०, नेपालमा इपिएल, डिपिएल र पिपिएल लगायतका फ्रेन्चाइज लिग खेलेका छन् । मुस्ताफाले लगातार उत्कृष्ट अलराउन्ड प्रर्दशन गर्दै आएका छन् ।

१. पारस खड्का (नेपाल)

पारस खड्का नेपाली क्रिकेट टोलीका पूर्वकप्तान हुन् । सन् २००९ देखि २०१९ सम्म कप्तानी गर्नेक्रममा नेपाली क्रिकेट टोलीलाई नयाँ उचाइमा पुर्याउन पारसले उत्कृष्ट अलराउन्ड प्रर्दशन गरेका थिए । पारसले नेपालबाट १० ओडिआई, ३३ टि२० आई, २ प्रथम श्रेणी र ४४ लिष्ट ए खेलेका छन् । उनले ओडिआईमा समान १ शतक र अर्ध शतक सहित ३ सय १५ रन जोडेका छन् ।

पारसले टि२० आईमा १ शतक र ४ अर्ध शतक सहित ७ सय ९९ रन बनाएका छन् । लिष्ट ए मा ३ शतक र ९ अर्ध शतक सहित १४ सय ९७ रन जोडेका छन् । ओडिआईमा ९, टि२० आईमा ८ र लिष्ट ए मा २६ विकेट लिएका छन् । नेपाललाई डिभिजन ५ देखि ३ सम्मको उपाधि दिलाउनको साथै पहिलो पटक टि२० विश्वकप खेलाउन र ओडिआई मान्यता दिलाउन पारसले उत्कृष्ट प्रर्दशन गरेका थिए ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.