default_image

4 years ago

September 26, 2020

पहिलो जितको खोजीमा कोलकाता र हैदराबाद

एजेन्सी – इन्डियन प्रिमियर लिग (आइपिएल) २०२० को आठौं खेलमा आज सनराइजर्स हैदराबाद र कोलकाता नाइट राइडर्सबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि आबूधाबीमा सुरु हुनेछ । दुबै टोली जारी आइपिएलमा पहिलो जित निकाल्ने सोचमा छन् । पहिलो खेलमा हैदराबाद रोयल च्यालेन्जर्स बेंगलोरसँग १० रनले पराजित भएको थियो । […]

32 views

0 Bookmark

एजेन्सी – इन्डियन प्रिमियर लिग (आइपिएल) २०२० को आठौं खेलमा आज सनराइजर्स हैदराबाद र कोलकाता नाइट राइडर्सबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि आबूधाबीमा सुरु हुनेछ ।

दुबै टोली जारी आइपिएलमा पहिलो जित निकाल्ने सोचमा छन् । पहिलो खेलमा हैदराबाद रोयल च्यालेन्जर्स बेंगलोरसँग १० रनले पराजित भएको थियो । कोलकाताले मुम्बई इन्डिन्यसँग ४९ रनको हार बेहोरेको थियो ।

हैदराबाद बेंगलोरविरुद्ध एक समय जित नजिक पुगेर पनि पराजित हुन पुगेको थियो । १ सय ६४ रनको लक्ष्य पछ्याएको हैदराबादले अन्तिम ८ विकेट ३२ रन जोड्न गुमाएपछि पराजित हुन पुगेको थियो । उक्त गल्तीबाट पाठ सिक्दै हैदराबाद कोलकाताविरुद्ध जित निकाल्ने सोचमा छ । अलराउन्डर मिचेल मार्श चोटका कारण आइपिएलबाटै बाहिरिएका छन् ।

उनको स्थानमा केन विलियम्सनलाई मौका दिने सम्भावना छ । न्युजिल्यान्डका कप्तान केन विलियम्सनको आगमनले हैदराबादको मध्यक्रम ब्याटिङ बलियो बन्न सक्छ । हैदराबादले बेंगलोरविरुद्ध सात बलर प्रयोग गरेको थियो । जसक्रममा राशिद खान र भुवनेश्वर कुमार विकेट विहिन बनेका थिए ।

हैदराबादका प्रमुख बलर भुवनेश्वर कुमार र राशिद खान दुबैलाई उत्कृष्ट प्रर्दशन गर्नु पर्ने हुन्छ । जोनी बेयरस्टो ६४ र मनिष पान्डे ३४ रनमा आउट भएका थिए । राम्रो लयमा रहेका इंग्ल्यान्डका ओपनर समेत रहेका विकेटकिपर जोनी बेयरस्टो कोलकाताविरुद्ध पनि नायक बन्न सक्छन् ।

पहिलो खेलमा ६ रनमा आउट भएका कप्तान डेभिड वार्नरलाई ठूलो इनिङ खेल्न आवश्यक छ । ४ ओभरमा ३६ रन खर्चेका तीव्र गतिका बलर सन्दीप शर्माको स्थानमा खलिल अहमदलाई मौका दिन सक्छ । तल्लोक्रम ब्याटिङ समस्या हैदराबादलाई टाउको दुखाईको विषय बन्न सक्छ ।

पहिलो खेलमा कोलकाताले मुम्बईविरुद्ध ब्याटिङ र बलिङ दुबैमा कमजोर प्रर्दशन गरेको थियो । स्पिनर कुलदीप यादवले ४ ओभरमा ३९ रन खर्चेका थिए । प्याट कमिन्सले ३ ओभरमा ४९ रन खर्चेका थिए । कमिन्सको स्थानमा आज न्युजिल्यान्डका तीव्र गतिका बलर लोकी फर्गुसनलाई मौका दिन सक्छ । सुवमन गिल, ओईन मोर्गन, नितेश राणा र कप्तान दिनेश कात्र्तिकलाई ठूलो इनिङ खेल्न आवश्यक छ ।

आन्द्रे रसेललाई तल्लोक्रममा उत्कृष्ट अन्त्य गर्न केहि दबाब हुने छ । पहिलो खेलमा राम्रो प्रर्दशन गरेका युवा तीव्र गतिका बलर शिवम माभी हैदराबादविरुद्ध पनि नायक बन्न सक्छन् । स्पिन अलराउन्डर सुनिल नारायण हैदराबादलाई घातक बन्न सक्ने खेलाडी हुन् । आइपिएलमा यी दुई टोलीबीच कुल १७ खेल भएको छ । जसमा कोलकाताले १० खेलमा विजयी हुँदा ७ खेलमा हार पराजित भएको छ ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.