default_image

3 years ago

September 29, 2020

किशनको सानदार पुनरागमन

एजेन्सी – इन्डियन प्रिमियर लिग (आइपिएल) को सोमबार राती सम्पन्न दशौं खेलमा रोयल च्यालेन्जर्स बेंगलोरसँग मुम्बई इन्डियन्स सुपर ओभरमा पराजित हुन पुग्यो । जितका लागि २ सय २ रनको विजयी लक्ष्य पछ्याएको मुम्बईले २० ओभरमा ५ विकेटको क्षतिमा २ सय १ रन बनाएपछि खेल सुपर ओभरमा पुगेको थियो । एक समय हार नजिक पुगेको खेललाई […]

41 views

0 Bookmark

एजेन्सी – इन्डियन प्रिमियर लिग (आइपिएल) को सोमबार राती सम्पन्न दशौं खेलमा रोयल च्यालेन्जर्स बेंगलोरसँग मुम्बई इन्डियन्स सुपर ओभरमा पराजित हुन पुग्यो ।

जितका लागि २ सय २ रनको विजयी लक्ष्य पछ्याएको मुम्बईले २० ओभरमा ५ विकेटको क्षतिमा २ सय १ रन बनाएपछि खेल सुपर ओभरमा पुगेको थियो । एक समय हार नजिक पुगेको खेललाई बराबरीमा पुर्याउन २२ वर्षिय बायाँ हाते युवा ब्याट्सम्यान ईशान किशन मुम्बईका नायक बने ।

तेस्रो ओभरमै सूर्यकुमार यादव शून्यमा आउट भएपछि मैदान छिरेका किशनले अन्तिम सम्म उत्कृष्ट ब्याटिङ गर्दै मुम्बईलाई सुपर ओभरसम्म पुर्याएका थिए । चेन्नई सुपर किंग्स र कोलकाता नाइट राइडर्ससँगको खेलमा बेन्चमा बसेका किशनलाई मुम्बईले घाइते सौरभ तिवारीको स्थानमा मैदान उतारेको थियो ।

सुरुवाती दुई खेलमा राम्रो ब्याटिङ गरेका तिवारीलाई बेन्चमा राखेर किशनलाई खेलाउने कप्तान रोहितको निर्णयलाई प्रर्दशनबाटै साबित गर्दिए । अर्कोतर्फ उनलाई उच्च प्रर्दशन गर्नुपर्ने दबाब पनि त्यतिनै थियो ।

मुम्बई एक समय १२ ओभरसम्म ८३–४ को कमजोर अवस्थामा थियो । मुम्बईलाई जितको लागि अन्तिम ४८ बलमा १ सय १९ रन आवश्यक पर्दथियो । जुन समय किशन ३३ बलमा ४३ र काइरन पोलार्ड १ रनमा क्रिजमा थिए । १४ औं ओभरको अन्तिम बलमा एडम जाम्पालाई किशनले छक्का प्रहार गरेका थिए । जुन मुम्बईले अन्तिम २० बलपछि प्रहार गरेको पहिलो बाउन्ड्री थियो ।

युजभेन्द्र चहलको १५ औं ओभरको चौथो बलमा पनि किशनले छक्का प्रहार गरे । तर १६ ओभरमा नवदीप सैनीले १० रन मात्र खर्चेपछि मुम्बई १२२–४ को अवस्थामा रहेको थियो । जितको लागि अन्तिम २४ बलमा ८० रन आवश्यक थियो ।

१७ औं ओभर मुम्बईको लागि टनिङ प्वाइन्ट बन्न पुग्यो । पोलार्डले १७ औं ओभरमा जाम्पालाई तीन छक्का र एक चौका सहित कुल २७ रन खर्चेपछि मुम्बईको आशा बढेको थियो । १८ औं ओभरमा पोलार्डले दुई र किशनले एक गरि चहललाई तीन छक्का सहित २२ रन प्रहार गर्दै बेंगलोरमाथि दबाब बढाए । १९ औं ओभरमा सैनीले उत्कृष्ट प्रर्दशन गर्दै १२ रन खर्चेपछि मुम्बईलाई अन्तिम ओभरमा १९ रन चाहिएको थियो ।

अन्तिम ओभरको तेस्रो बलमा किशनले इसुरु उडानालाई लङअनमा छक्का प्रहार गर्दै सम्भावना कायमै राखे । लगत्तै अर्को बलमा पनि छक्का प्रहार गरेपछि मुम्बई जिततर्फ बढेको थियो । अन्तिम दुई बलमा जितको लागि ६ रन बनाउनु पर्ने थियो । जुन किसिमले दुबै ब्याट्सम्यानले ब्याटिङ गरि रहेका थिए त्यसले कठिन देखिदैन थियो पनि । अर्कोतर्फ किशन ९९ रनमा थिए ।

आइपिएल करिअरको पहिलो शतक पूरा गर्न एक रन मात्र टाढा थिए । तर किशनले आफ्नो शतकका लागि सोचेनन् । आफ्नो भन्दा पनि उनी टोलीलाई कसरी जिताउन सकिन्छ भन्ने सोचमा सुरुवात देखिनै ब्याटिङ गरिरहेका थिए । पाँचौ बलमा ठूलो सट खेलेका उनी डिप मिडविकेटमा देवदत्त पाडिक्कलबाट समातिन पुगेपछि एक रनले शतक बनाउन मात्रै चुकेनन् खेल थप रोमाञ्चक बनेको थियो ।

किशनले पोलार्डसँग पाँचौं विकेटका लागि १ सय १९ रनको उत्कृष्ट साझेदारी गर्दै खेल बराबरी गराउन सम्भव गराएका थिए । अन्तिम बलमा पोलार्डले चौका प्रहार गरेपछि खेल सुपर ओभरमा पुगेको थियो । तर सुपर ओभरमा मुम्बईले ७ रनमात्र बनाउन सकेपछि पराजित हुन पुग्यो ।

जारी सिजनको पहिलो खेलमै ५८ बलमा ९ छक्का र २ चौका सहित ९९ रनमा क्याच आउट भएका किशन ड्रेसिङ रुममा भावुक देखिन्थें । सुपर ओभरमा उनको छटपटा, पिडा, भावुक र निराश ड्रेसिङ रुममा देखिन्थ्यो । एकतर्फ उनी ९९ रनमा आउट भएका थिए भने अर्कोतर्फ सुपर ओभरमा मुम्बईका ब्याट्सम्यानले अपेक्षा अनुसार ब्याटिङ गर्न सकेनन् । किशनले खेल त जित्न सकेनन् तर सबैको मन भने जित्न सफल भए । यस हारबाट किशनले बढी पाठ सिक्दै आगमी दिनमा झनैं उत्कृष्ट प्रर्दशन गर्न सक्छन् ।

को हुन् ईशान किशन ?

२२ वर्षिय किशन भारतीय क्रिकेटका आगमी दिनका भविष्यका रुपमा हेरिदै आएका युवा विकेटकिपर ब्याट्सम्यान हुन् । किशनले ओपनिङ देखि तल्लोक्रमसम्म ब्याटिङको क्षमता राख्ने गर्दछन् । मुम्बईको टोलीमा विकेटकिपरका रुपमा क्विन्टन डी कक हुँदा उनी त्यो भूमिकामा भने छैनन् ।

सन् १९९८ मा बिहारको पटनामा जन्मिएका किशनले सन् २०१६ को यू१९ विश्वकपमा भारतीय टोलीको कप्तानी गरेका थिए । उक्त विश्वकप फाइनलमा भारत वेस्टइन्डिजसँग पराजित भएको थियो । उक्त विश्वकप भने उनको प्रर्दशन खराब रह्यो । ६ खेलमा ७३ रन मात्र बनाएका थिए ।

त्यसैको कारण उत्कृष्ट प्रर्दशन गरेका ऋषभ पन्त भारतीय छनोट समितिको पहिलो रोजाईमा परे । ठूला सटका लागि परिचित किशनलाई सन् २०१८ को आइपिएल अक्सनमा मुम्बई इन्डियन्सले ६ करोड २० लाख भारतीय रुपैयाँमा अनुबन्ध गरेको थियो । त्यसअघि सन् २०१७ मा गुजरात लायन्सबाट खेल्दै तल्लोक्रममा उत्कृष्ट प्रर्दशन गर्दै सबैलाई प्रभावित पारेका थिए ।

सन् २०१९ मा भने मुम्बईबाट ७ खेलमात्र खेल्ने मौका पाउँदा १ सय १ रन बनाएका थिए । सन् २०१८ मा कोलकाता नाइट राइडर्सविरुद्ध मात्र २१ बलमा ६२ रन जोडेका थिए । जसक्रममा कुलदीप यादवलाई लगातार चार छक्का एकै ओभरमा प्रहार गरेका थिए ।

झारखण्डबाट घरेलु क्रिकेट खेल्ने किशनले सन् २०१६ को रणजी ट्रफीमा दिल्लीविरुद्ध २ सय ७३ रनको इनिङ खेलेका थिए । जुन रणजी ट्रफीमा झारखण्डबाट कुनैपनि ब्याट्सम्यानले बनाएको एकै इनिङमा उत्कृष्ट प्रर्दशन हो । सन् २०१७÷१८ को रणजीमा झारखण्डबाट ६ खेलमा ४ सय ८४ का साथ सर्वाधिक रन बनाउने ब्याट्सम्यान बनेका थिए । सन् २०१८ मा भारतीय सी टोलीमा परेका थिए ।

२०१८ को मुश्ताक अली ट्रफीमा जम्मु कश्मिर र मणिपुरविरुद्ध उत्कृष्ट शतक प्रहार गरेका थिए । भारतको ए, बी र सी टोलीबाट खेल्दै किशनले उच्च प्रर्दशन गर्दै आएका छन् । किशनले हालसम्म ४४ प्रथम श्रेणी, ७२ लिष्ट ए र ७७ टि२० आई खेलि सकेका छन् ।

किशन भारतीय टोलीमा डेब्युको पर्खाईमा छन् । महेन्द्रसिंह धोनीको सन्न्याससँगै भारतीय टोलीमा उनको लागि बाटो खुलेको छ । तर सन्जु स्यामसन र ऋषभ पन्तले उत्कृष्ट प्रर्दशन गरि रहँदा भने उनलाई पक्कै सहज हुने छैन । त्यसैले पनि भारतीय छनोट समितिको मन जित्न आइपिएलमा सर्वोत्कृष्ट प्रर्दशन गर्नुपर्ने दबाब र आवश्यक दुबै छ ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.