default_image

3 years ago

October 11, 2020

स्टोक्सको उत्कृष्ट पूनरागमनको आशा र आवश्यकता

एजेन्सी – इंग्ल्यान्ड तथा राजस्थान रोयल्सका स्टार अलरान्डर बेन स्टोक्सले इन्डियन प्रियिमर लिग (आइपिएल) २०२० मा आजबाट सनराइजर्स हैदराबादविरुद्ध पूनरागमन गर्दै छन् । स्टोक्सले पारिवारिक कारण सुरुवाती ६ खेल गुमाउन पुगे । जन्मथलो न्युजिल्यान्डमा विरामी बुबालाई छोडेर आइपिएल खेल्न संक्युक्त अरव इमिरेट्स (यूएई) आएका स्टोक्स ६ दिनको क्वारेन्टाइनपछि आजदेखी राजस्थानबाट खेल्ने छन् । स्टोक्स गत […]

78 views

0 Bookmark

एजेन्सी – इंग्ल्यान्ड तथा राजस्थान रोयल्सका स्टार अलरान्डर बेन स्टोक्सले इन्डियन प्रियिमर लिग (आइपिएल) २०२० मा आजबाट सनराइजर्स हैदराबादविरुद्ध पूनरागमन गर्दै छन् ।

स्टोक्सले पारिवारिक कारण सुरुवाती ६ खेल गुमाउन पुगे । जन्मथलो न्युजिल्यान्डमा विरामी बुबालाई छोडेर आइपिएल खेल्न संक्युक्त अरव इमिरेट्स (यूएई) आएका स्टोक्स ६ दिनको क्वारेन्टाइनपछि आजदेखी राजस्थानबाट खेल्ने छन् ।

स्टोक्स गत अगष्टमा पाकिस्तानसँगको दोस्रो टेष्टसँगै आफ्नो बिरामी बुबालाई भेट्न न्युजिल्यान्ड गएका थिए । स्टोक्सका बुबा जेरार्ड मस्तिष्क क्यान्सरबाट पिडित छन् । आइपिएल गुमाउने सम्मको अवस्थामा पुगेका स्टोक्स बिरामी बुबाका प्ररेणाकै कारण मैदानमा फर्किएका छन् ।

राजस्थान ६ खेलमा ४ मा हार र २ मा जित सहित सातौं स्थानमा छ । सातौं स्थानबाट शीर्ष चारमा रहँदै प्ले अफ स्थान बनाउन राजस्थानले उत्कृष्ट प्रर्दशन गर्न आवश्यक छ । जसको लागि प्रमुख खेलाडी तथा हतियार स्टोक्सको प्रर्दशन निकै महत्वपूर्ण हुने छ । स्टोक्स ब्याटिङ र बलिङ मात्र होईन फिल्डिङ मार्फत पनि खेललाई मोड्न सक्ने वर्तमान समयमा विश्वकै सर्वोत्कृष्ट अलरान्डर हुन् ।

अर्कोतर्फ स्टोक्स राम्रो लयमा छन् । अन्तर्राष्ट्रिय क्रिकेटमा लगातार उत्कृष्ट प्रर्दशन गर्दै आएका स्टोक्सले आइपिएलमा पनि त्यहि प्रर्दशनलाई निरन्तरता दिन आवश्यकता छ ।

राजस्थानमा मध्यक्रममा म्याच विनर खेलाडीको अभावमा स्टोक्सले मलहम लगाउने छन् । जसको कारण स्टोक्सको आगमनले राजस्थानको टोली सन्तुलन हुने छ । राजस्थानले सुरुवाती दुई खेलमा किंग्स इलेभेन पन्जाब र चेन्नई सुपर किंग्सलाई पराजित गरेका थियो । त्यसयता भने लगातार पराजित हुँदै आएको छ । सुरुवाती दुबै खेलमा कप्तान स्टिभ स्मिथ र सन्जु स्यामसनले अर्ध शतक प्रहार गरेका थिए ।

पछिल्ला चार खेलमा स्यामसन र स्मिथको प्रर्दशन खराब रहेपछि लगातार हार बेहोरेको छ । स्टोक्सको आगमनले यी दुई खेलाडीमा दबाब कम पर्ने देखिन्छ । पछिल्ला चार मध्य तीन खेलमा लक्ष्य पछ्याउने क्रममा पराजित भएको छ । जसमा १ सय ४० रन पनि कटाउन सकेको छैन । यसले राजस्थानको ब्याटिङ स्तर प्रष्टाउछ । स्टोक्स उक्त समस्या समधानको रुपमा उभिन आवश्यक छ ।

स्टोक्सले इंग्ल्यान्डका अलराउन्डर टम करनको स्थान लिने छन् । राजस्थानले इंग्ल्यान्डका तीन खेलाडीलाई पहिलो रोजाईमा खेलाउने छ । स्टोक्ससँगै जस बटलर र जोफ्रा आर्चर राजस्थानका प्रमुख खेलाडी हुन् । स्टोक्सले तीव्र गतिमा आर्चर युवा तीव्र गतिका बलर कार्तिक त्यागीलाई राम्रो साथ दिने छन् । जसले गर्दा बलिङ लाइनअपमा पनि राजस्थानलाई केहि राहत मिल्ने छ । अर्कोतर्फ विरामी बुबालाई छोडेर आइपिएलको लागि फर्केका स्टोक्स पनि उत्कृष्ट प्रर्दशन गर्न चाहान्छन् ।

राजस्थानको समग्र प्रर्दशन

राजस्थानले पहिलो खेलमा चेन्नई सुपर किंग्सलाई १६ रनले पराजित गरेको थियो । जुन खेलमा स्टिभ स्मिथ ६९ र सन्जु स्यामसन ७४ रनको इनिङ खेलेपछि २ सय १६ रन बनाएको थियो । दोस्रो खेलमा पन्जाबले प्रस्तुत गरेको २ सय २४ रनको लक्ष्य पछ्याउने क्रममा तीन बल अगाडि ६ विकेटको क्षतिमा पूरा गरेको थियो । उक्त खेलमा स्मिथ ५०, स्यामसन ८४ र राहुल टेवाटियाले ५३ रन जोडेका थिए ।

पछिल्लो चार खेलमा राजस्थान लगातार पराजित भएको छ । जसमा तेस्रो खेलमा कोलकाताले प्रस्तुत गरेको १ सय ७४ रनको लक्ष्य पछ्याउने क्रममा राजस्थान ९ विकेटको क्षतिमा १ सय ३७ रन बनाएको थियो ।

चैथो खेलमा बेंगलोरबिरुद्ध पहिला ब्याटिङ गर्दै राजस्थानले ६ विकेटको क्षतिमा १ सय ५४ रन बनाएको थियो । तर उक्त लक्ष्य बेंगलोरले २ विकेटको क्षतिमा पाँच बल अगाडि पूरा गरेको थियो । पाँचौ खेलमा मुम्बईले प्रस्तुत गरेको १ सय ९४ रनको लक्ष्य पछ्याएको राजस्थान १८.१ ओभरमा १ सय ३६ रनमा अल आउट भएको थियो । छैटौं खेलमा दिल्लीलेले प्रस्तुत गरेको १ सय ८५ रनको लक्ष्य पछ्याउने क्रममा राजस्थान १९.४ ओभरमा १ सय ३८ रनमा अल आउट भएको थियो ।

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.