default_image

3 years ago

October 11, 2020

उपाधिका दाबेदार दिल्ली र मुम्बई भिड्दै

एजेन्सी – इन्डियन प्रिमियर लिग (आइपिएल) २०२० को २७ औं खेलमा आज उपाधिका बलिया दाबेदार दिल्ली क्यापिटल्स र मुम्बई इन्डियन्सबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ । जारी सिजनमा लगातार उत्कृष्ट प्रर्दशन गर्दै आएका यी दुई टोली उपाधिका प्रमुख बलिया दाबेदार हुन् । […]

35 views

0 Bookmark

एजेन्सी – इन्डियन प्रिमियर लिग (आइपिएल) २०२० को २७ औं खेलमा आज उपाधिका बलिया दाबेदार दिल्ली क्यापिटल्स र मुम्बई इन्डियन्सबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ ।

जारी सिजनमा लगातार उत्कृष्ट प्रर्दशन गर्दै आएका यी दुई टोली उपाधिका प्रमुख बलिया दाबेदार हुन् । यी दुबै टोली सिमित खेलाडीमा निर्भर छैनन् । हरेक खेलाडी म्याच विनरको रुपमा छन् । दिल्ली मुम्बईलाई हराउँदै शीर्षस्थान कायमै रहन चाहान्छ । दिल्ली ६ खेलमा ५ मा जित र १ मा हार सहित १० अंक जोड्दै शीर्ष स्थानमा छ । मुम्बई ६ खेलमा ४ मा जित र २ मा हार सहित ८ अंकका साथ दोस्रो स्थानमा छ ।

मुम्बई दिल्लीलाई हराउँदै शीर्ष स्थानमा उक्नि चाहन्छ । दुबै टोलीले ब्याटिङ र बलिङ उच्च प्रर्दशन गर्दै आएका छन् । सन्तुलित टोली, विश्वस्तरिय खेलाडी र उत्कृष्ट कप्तानी नेतृत्व भएको हुँदा यी दुई टोलीबीचको प्रतिस्पर्धा रोमान्चक हुने अनुमान गरिएको छ । चार पटकको च्याम्पियन मुम्बई र पहिलो पटक उपाधि जित्ने सोचमा रहेको दिल्लीबीचको प्रर्दशन उत्कृष्ट हुने अनुमान गरिएको छ ।

मुम्बईका शीर्षक्रममा रोहित शर्मा, क्विन्टन डी कक र सूर्यकुमार यादवले राम्रो प्रर्दशन गर्दै आएका छन् । उता दिल्लीमा शीर्षक्रममा शिखर धवन, पृथ्वी शा र श्रेयस ऐर छन् । धवनको प्रर्दशन केहि कमजोर रहे पनि शा र ऐरको प्रर्दशन उत्कृष्ट छ ।

मध्यक्रममा मुम्बईमा इशान किशन र हार्दिक पान्ड्या छन् । दिल्लीमा ऋषभ पन्त र शिम्रन हेटमायर छन् । तल्लोक्रममा मुम्बईमा काइरन पोलार्ड र दिल्लीमा मार्कस स्टोइनिस छन् । यी सबै खेलाडी म्याच विनरको रुपमा छन् । मुम्बईमा स्पिन अलराउन्डर क्रुनाल पान्ड्या हुँदा दिल्लीमा अक्षर पटेल छन् ।

तीव्र गतिको बलिङमा दिल्लीमा कागिसो रबाडा र एनरिच नोर्टजेले उत्कृष्ट प्रर्दशन गर्दै आएका छन् । यी दुई खेलाडीले ६ खेलमा कुल २३ विकेट लिएका छन् । रबाडाले ६ खेलमा १५ विकेट लिदै उत्कृष्ट प्रर्दशन गर्दै आएका छन् । नोर्टजेले ८ विकेट लिदै राम्रो साथ दिएका छन् । रबाडाको लय मुम्बईलाई घातक बन्न सक्छ ।

यता मुम्बईको तीव्र गतिको बलिङ पनि कमजोर छैन । जस्प्रित बुमराह र टे«न्ट बोल्टको जोडीले उत्कृष्ट प्रर्दशन गर्दै आएका छन् । यी दुईले २१ विकेट लिई सकेका छन् । बुमराहले ११ र बोल्टले १० विकेट लिएका छन् । यता स्पिनरमा भने मुम्बई भन्दा दिल्ली थोरै अघि देखिन्छ । दिल्लीमा रविचन्द्रन आश्विन र अक्षर पटेलले लगातार उच्च प्रर्दशन गरेका छन् ।

मुम्बईमा राहुल चहर र क्रुनाल पान्ड्या छन् । पान्ड्याको प्रर्दशन राम्रो छैन । मुम्बईको स्पिनरको कमजोरीको फाइदा दिल्लीका ब्याट्सम्यानले उठाउन सक्छन् । दिल्लीका प्रमुख हतियार रबाडा, ऐर र आश्विन हुन् । मुम्बईको रोहित, बुमराह र हार्दिक पान्ड्या हुन् ।

यता नेपाली लेग स्पिनर सन्दीप लामिछाने भने दिल्लीको सातौं खेलमा पनि बेन्चमा रहने देखिन्छ । दिल्लीका चार विदेशी खेलाडीमा सुरुवात देखिनै खेल्दै आएका रबाडा, नोर्टजे, हेटमायर र स्टोइनिसले उत्कृष्ट प्रर्दशन गरि रहँदा दिल्लीमा सन्दीपको सम्भावना देखिदैन । आजको खेलमा दुबै टोलीले खेलाडी परिवर्तन गर्ने सम्भावना कम छ ।

आइपिएलमा यी दुई टोलीबीच कुल २४ खेल भएको छ । जसमा दुबै टोलीले १२–१२ जित निकालेका छन् । गतवर्ष दिल्ली ३७ रनले विजयी हुँदा अर्कोमा ४० रनले पराजित भएको थियो ।

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.