3 years ago
October 27, 2020
एजेन्सी– भारतीय क्रिकेट टोलीका वर्तमान समयका सर्वोत्कृष्ट ओपनर ब्याट्सम्यान रोहित शर्मालाई भारतीय क्रिकेट कन्ट्रोल बोर्ड (बिसिसिआई) ले अष्ट्रेलिया भ्रमणको लागि टोली बाहिर राखेको छ । बिसिसिआईले अष्ट्रेलियासँग हुने चार टेष्ट, समान तीन ओडिआई र टि२० आई सिरिजलाई सोमबार टोली घोषणा गरेको छ । रोहित तीनै शैलीको भारतीय टोली बाहिर रहेका छन् । इन्डियन प्रिमियर लिग […]
एजेन्सी– भारतीय क्रिकेट टोलीका वर्तमान समयका सर्वोत्कृष्ट ओपनर ब्याट्सम्यान रोहित शर्मालाई भारतीय क्रिकेट कन्ट्रोल बोर्ड (बिसिसिआई) ले अष्ट्रेलिया भ्रमणको लागि टोली बाहिर राखेको छ ।
बिसिसिआईले अष्ट्रेलियासँग हुने चार टेष्ट, समान तीन ओडिआई र टि२० आई सिरिजलाई सोमबार टोली घोषणा गरेको छ । रोहित तीनै शैलीको भारतीय टोली बाहिर रहेका छन् । इन्डियन प्रिमियर लिग (आइपिएल) मा मुम्बई इन्डियन्सका कप्तान रोहित घाइते रहेकाले उनलाई टोलीमा नराखिएको अनुमान गरिएको छ । उनको अवस्था हेरेर समावेश गर्न सकिने बुझिएको छ ।
तामिलनाडुका २९ वर्षिय लेग स्पिनर बरुण चक्रबर्तीलाई टि२० टोलीमा पहिलो पटक मौका दिएको छ । जारी सिजनको आइपिएल कोलकाता नाइट राइडर्सबाट खेलि रहेका लेग स्पिनर बरुणले घरेलु क्रिकेट तामिलनाडुबाट खेल्ने गर्दछन् । भारतले सीमित ओभरको क्रिकेटमा विकेटकिपर ऋषभ पन्तलाई मौका दिएको छैन । टेष्टमा पन्तलाई समेटेको छ ।
सीमित ओभरमा विकेटकिपरको रुपमा सन्जु स्यामसन र लोकेश राहुललाई राखेको छ । स्यामसन टि२० टोलीमा मात्रै छन् । रोहितले जारी आइपिएलमा मुम्बईबाट ९ खेलमा २ सय ६० रन बनाएका छन् । रोहित किंग्स इलेभेन पन्जाबविरुद्ध घाइते हुन पुगेको थिए । जसको कारण दुई खेल गुमाई सकेका छन् । रोहित टोलीमा नहुँदा सीमित ओभरमा उप कप्तानको जिम्मेवारी राहुलले पाएका हुन् । टेष्टको उप कप्तानमा अजिंक्या रहाणेलाई नै निरन्तरता दिएको छ ।
राहुल पछिल्लो दुई वर्षयता उत्कृष्ट लयमा छन् । जारी आइपिएलमा किंग्स इलेभेन पन्जाबबाट ओपनिङ गर्दै सर्वाधिक रन बनाउने खेलाडीमा शीर्षस्थानमा छन् । राहुलले गतवर्ष जनवरीमा न्युजिल्यान्डविरुद्ध ओडिआई र टि२० मा विकेटकिपरका साथ तल्लोक्रममा ब्याटिङ गरेका थिए । राहुलले अष्ट्रेलिया भ्रमणमा ओपनिङ गर्छन् वा तल्लोक्रममा अनिश्चत छ । टेष्टमा ओपनिङनै गर्ने सम्भावना देखिन्छ ।
चक्रबर्ती जारी सिजनमा एकै खेलमा पाँच विकेट लिने पहिलो खेलाडी हुन् । कोलकाताबाट उनले दिल्ली क्यापिटल्सविरुद्ध २० रन खर्चेर ५ विकेट लिएका थिए । दीपक चहर, वासिन्टन सुन्दर, स्यामसन र चक्रबर्तीलाई टि२० टोलीमा मौका दिएको छ । युवा ब्याट्सम्यान श्रेयस ऐरलाई सीमित ओभरमा समेटेको छ ।
शार्दुल ठाकुरलाई ओडिआई टोलीमा मौका दिएको छ । हार्दिक पान्ड्यालाई टेष्टमा राखेको छैन । भारतको टि२० टोलीलाई आगमी वर्ष घरेलु मैदानमा हुने टि२० विश्वक तयारीको रुपमा हेरिएको छ । क्रिकेट अष्ट्रेलियाले आफ्नो टोली घोषणा गरेको छैन । खेल तालिका पनि औपचारिक रुपमा सार्वजनिक गरेको छैन । अष्ट्रेलियाविरुद्ध खेल्ने भारतीय टेष्ट, ओडिआई र टि२० टोली यस प्रकार छ ।
टेष्ट टोली :
विराट कोहली (कप्तान), मयंक अग्रवाल, पृथ्वी शा, लोकेश राहुल, चेतेश्वर पुजरा, अजिंक्या रहाणे (उप कप्तान), हनुमा विहारी, सुभमन गिल, ऋद्धिमान शाह (विकेटकिपर), ऋषभ पन्त (विकेटकिपर), जस्प्रित बुमराह, मोहम्मद शामी, उमेश यादव, नवदीप सैनी, कुलदीप यादव, रविन्द्र जडेजा, रविचन्द्रन आश्विन र मोहम्मद शिराज
ओडिआई टोली :
विराट कोहली (कप्तान), शिखर धवन, सुभमन गिल, लोकेश राहुल (विकेटकिपर तथा उपकप्तान), श्रेयस ऐर, मनिष पान्डे, हार्दिक पान्ड्या, मयंक अग्रवाल, रविन्द्र जडेजा, युजभेन्द्र चहल, कुलदीप यादव, जस्प्रित बुमराह, मोहम्मद शामी, नवदीप सैनी र शार्दुल ठाकुर
टि२० टोली :
विराट कोहली (कप्तान), शिखर धवन, मयंक अग्रवाल, लोकेश राहुल (विकेटकिपर तथा उपकप्तान), श्रेयस ऐर, मनिष पान्डे, हार्दिक पान्ड्या, सन्जु स्यामसन (विकेटकिपर), रविन्द्र जडेजा, वासिन्टन सुन्दर, युजभेन्द्र चहल, जस्प्रित बुमराह, मोहम्मद शामी, नवदीप सैनी, दीपक चहर र वरुण चक्रबर्ती
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]