default_image

3 years ago

November 3, 2020

जिम्बावेले पाकिस्तानलाई सुपर ओभरमा हरायो

एजेन्सी – जिम्बावे पाकिस्तानसँगको तेस्रो तथा अन्तिम ओडिआई खेलमा सुपर ओभरमा विजयी भएको छ । मंगलबार तेस्रो तथा अन्तिम खेलमा जिम्बावेले घरेलु टोली पाकिस्तानलाई सुपर ओभरमा पराजित गर्दै क्लिनस्विप हुनबाट बचेको छ । जिम्बावेको सुपर ओभरको जितसँगै तीन ओडिआई सिरिजको खेल २–१ म सकिएको छ । सुपर ओभरमा पाकिस्तानबाट ब्याटिङका लागि इफ्तिखर अहमद र खुशदील […]

46 views

0 Bookmark

एजेन्सी – जिम्बावे पाकिस्तानसँगको तेस्रो तथा अन्तिम ओडिआई खेलमा सुपर ओभरमा विजयी भएको छ । मंगलबार तेस्रो तथा अन्तिम खेलमा जिम्बावेले घरेलु टोली पाकिस्तानलाई सुपर ओभरमा पराजित गर्दै क्लिनस्विप हुनबाट बचेको छ । जिम्बावेको सुपर ओभरको जितसँगै तीन ओडिआई सिरिजको खेल २–१ म सकिएको छ ।

सुपर ओभरमा पाकिस्तानबाट ब्याटिङका लागि इफ्तिखर अहमद र खुशदील शाह ब्याटिङका लागि मैदान छिरेका थिए । पहिलो बलमै मुजाराबानीले इफ्तिखर शून्यमा क्याच आउट भए । दोस्रो बलमा खुशदीलले एक रन बटुले । तेस्रो बलमा फखर जमानले एक रन बटुल्दा चौथो बलमा खुशदील बोल्ड आउट भएपछि जिम्बावेले जितको लागि सामान्य ३ रन आवश्यक परेको थियो ।

जिम्बावेका ब्रेन्डन टेलर र सिकन्दर राजा ब्याटिङमा आएका थिए । शाहिन अफ्रिदीको पहिलो बलमा टेलरले एक रन बटुले । दोस्रो बल राजाले डट खाए । तेस्रो खेलमा चौका प्रहार गर्दै जित पक्का गराए । जितका लागि २ सय ७९ रनको विजयी लक्ष्य पछ्याएको घरेलु टोली पाकिस्तानले ५० ओभरमा ९ विकेटको क्षतिमा २ सय ७८ रन बनाएपछि खेल सुपर ओभरमा धकेलिएको थियो । पाकिस्तानलाई अन्तिम दुई ओभरमा जितको लागि २० रन चाहिएको थियो ।

मुजाराबानीलाई ४९ औं ओभरको दोस्रो बलमा बाबर आजमले छक्का प्रहार गर्दै जित नजिक पुर्याएका थिए । तर यसै ओभरको पाँचौ बलमा शाहिन अफ्रिदी सिकन्दर राजा र बाबर आजम अन्तिम बलमा विकेटकिपर टेलरबाट क्याच आउट खेल रोमान्चक मोडमा पुगेको थियो । अन्तिम ओभरमा १३ रन चाहिँएको थियो । जसक्रममा अन्तिम बलमा जितको लागि पाँच रन चाहिँएको अवस्थामा मुहम्मद मुसाले रिचर्ड नगारावालाई चौका प्रहार गरेपछि खेल सुपर ओभरमा पुगेको थियो ।

पाकिस्तानका कप्तान बाबर आजमले १ सय २५ बलमा १३ चौका र १ छक्का सहित १ सय २५ रनको इनिङ खेलेपनि टोलीलाई जिताउन सकेनन् । बाबरको यो ओडिआई करिअरको १२ औं शतक हो । बाबरले शतक १ सय ५ बलमा पूरा गरेका थिए । वहाब रियाज ५६ बलमा ३ चौका र ३ छक्का सहित ५२ रनमा क्याच आउट भए । कमजोर सुरुवात गरेको पाकिस्तानलाई सातौं विकेटका लागि बाबर र वहाबले ९५ बलमा एक सय रनको उत्कृष्ट साझेदारी गरेका थिए ।

पहिलो ओभरको तेस्रो बलमै मुजाराबानीले उमाम उल हकलाई ४ रनमा बोल्ड आउट गरेका थिए । दोस्रो ओभरको दोस्रो बलमा फखर जमानलाई रिचर्ड नगारावाले २ रनमा एलबिडब्लू आउट गरेका थिए । युवा ब्याट्सम्यान हैदर अली १३ रनमा रिचर्डको एलबिडब्लू आउट शिकार बनेपछि पाकिस्तान ३.१ ओभरमा २०–३ को कमजोर अवस्थामा पुगेको थियो ।

मोहम्मद रिजवानलाई १० र इफ्तिखर अहमदलाई १८ रनमा डोनाल्ड तिरिपानोले बोल्ड आउट गरेपछि पाकिस्तान १७.३ ओभरमा ८८–५ को कमजोर अवस्थामा पुगेको थियो । डेब्यू खेल खेलेका खुशदील शाह ४८ बलमा ४ चौका सहित ३३ रनमा क्याच आउट भए ।

जिम्बावेको जितमा नायक बनेका मुजाराबानीले १० ओभरमा १ मेडन सहित ४९ रन खर्चेर ५ विकेट लिए । डोनाल्ड तिरोपानोले ७ ओभरमा ३९ रन खर्चेर २ विकेट लिए । रिचर्ड नगारावाले ९ ओभरमा ६२ रन खर्चेर २ विकेट लिए ।

त्यसअघि रावलपिन्डी क्रिकेट स्टेडियममा टस जितेर पहिला ब्याटिङ रोजेको जिम्बावेले निर्धारित ५० ओभरमा ६ विकेट गुमाउँदै २ सय ७८ रन बनाएको थियो । जिम्बावेका मध्यक्रमका शन विलियम्स १ सय ३५ बलमा १३ चौका र १ छक्का सहित १ सय १८ रनको उत्कृष्ट अविजित शतकीय इनिङ खेलेका थिए ।

विलियम्सले १ सय २६ बलमा आफ्नो करिअरको चौथो शतक पुरा गरेका थिए । खराब सुरुवात गरेको जिम्बावेलाई विलियम्सले शतक प्रहार गर्दै बलियो योगफलमा पुर्याएका थिए। एक समय २२-३ को अवस्थामा रहेको जिम्बावेलाई विलियम्स र टेलरले चौथो विकेटका लागि ८४ रनको साझेदारी गर्दै इनिङ उकासेको थिए । वेस्ले मधेभरे र विलियम्सले पाँचौ विकेटका लागि ७५ रनको साझेदारी गरेका थिए ।

ओपनर ब्रायन चारी ९ रनमा आउट हुँदा कप्तान चामु चिभाभा शून्यमा आउट भए । ब्रेन्डन टेलर ६८ बलमा ८ चौका सहित ५६ रनको योगदान दिए । वेस्ले मधेभरे ३१ बलमा ४ चौका सहित ३३ रनमा आउट भए । तल्लोक्रममा सिकन्दर राजा ३६ बलमा ४ चौका र १ छक्का सहित ४५ रनमा बोल्ड आउट भए । राजा र विलियम्सले छैटौं विकेटका लागि महत्वपूर्ण ९६ रनको साझेदारी गर्दै बलियो योगफलमा पुर्याएका थिए ।

पाकिस्तानका युवा तीव्र गतिका बलर मोहम्मद हसनैनले १० ओभरमा ३ मेडन सहित २६ रन खर्चेर शीर्षक्रमका प्रमुख ५ विकेट लिए । उनले एक दिवसीय खेलमा पहिलो पटक पाँच विकेट लिएका हुन् । वहाब रियाजको नाममा एक विकेट रह्यो । अन्य बलरले विकेट लिन सकेनन् ।

पहिलो खेलमा पाकिस्तान २६ रन र दोस्रोमा ६ विकेटले विजयी भएको थियो । पाकिस्तान र जिम्मबावेबीच तीन टि२० आईको सिरिज हुने छ । पहिलो खेल शनिबार, दोस्रो आइतबार र तेस्रो तथा अन्तिम खेल मंगलबार हुने छ ।

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

Success

Thank you for your time.