एजेन्सी – इंग्ल्यान्डले यसै महिना हुने दक्षिण अफ्रिका भ्रमणको लागि आफ्नो टि२० र एक दिवसिय टोली घोषणा गरेको छ ।

इंग्ल्यान्ड समान तीन ओडिआई र टि२० आई सिरिजको लागि नोभेम्बर तेस्रो साता दक्षिण अफ्रिका भ्रमणमा निस्किने छ । ओईन मोर्गनको कप्तानीमा इंग्ल्यान्डले ओडिआई र टि२० को लागि १५-१५ सदस्य टोली घोषणा गरेको छ ।

इंग्ल्यान्डले अलराउन्डर बेन स्टोक्स, तीव्र गतिका बलर जोफ्रा आर्चर र युवा अलराउन्डर साम करनलाई एकदिवसिय खेलमा समेटेको छैन । यी तीन खेलाडीलाई विश्राम दिएको छ । युवा ब्याट्सम्यान टम ब्यान्टनलाई वैकिल्पक खेलाडीको सुचिमा राखेको छ । अनुभवी ब्याट्सम्यान जो रुटलाई टि२० टोलीमा मौका दिएको छैन ।

इंग्ल्यान्ड नोभेम्बर १६ मा दक्षिण अफ्रिका जाने छ । दक्षिण अफ्रिकासँग टि२० सिरिज खेल्नुअघि एक दिवसिय र दुई टि२० अभ्यास खेल खेल्ने छ । नोभेम्बर २१ मा एक दिवसिय अभ्यास खेल खेल्ने छ । नोभेम्बर २३ मा दुई टि२० अभ्यास खेल खेल्ने छ । एकदिवसिय कप टाउन र टि२० अभ्यास बोलान्ड पार्क पार्लमा हुने छ ।

दक्षिण अफ्रिका र इंग्ल्यान्डबीचको पहिलो टि२० खेल २७ नोभेम्बर र दोस्रो २९ मा हुने छ । पहिलो टि२० कप टाउन र दोस्रो पार्लमा हुने छ । तेस्रो टि२० खेल कप टाउनमा डिसेम्बर १ मा हुने छ । त्यसपछि दुबै टोलीले दुईदिन बिश्राम गर्ने छन् । पहिलो ओडिआई डिसेम्बर ४ मा कप टाउनमा हुने । दोस्रो डिसेम्बर ६ र तेस्रो तथा अन्तिम ९ मा हुने छ ।

इंग्ल्यान्डको टि२० टोली :

ओईन मोर्गन (कप्तान), जोनी बेयरस्टो, जेसन रोय, जस बटलर (विकेटकिपर), डेविड मलान, बेन स्टोक्स, साम बिलिंग्स, मोईन अली, साम करन, टम करन, जोफ्रा आर्चर, क्रिस जोर्डन, रोसी टोपली, मार्क वुड र आदिल राशिद

इंग्ल्यान्डको ओडिआई टोली :

ओईन मोर्गन (कप्तान), जोनी बेयरस्टो, जेसन रोय, जो रुट, लियाम लिभिङस्टोन, साम बिलिंग्स, जस बटलर (विकेटकिपर), मोईन अली, लुईस ग्रेगरी, टम करन, क्रिस वोक्स, आदिल राशिद, रोसी टोपली, ओली स्टोन र मार्कवुड ।