3 years ago
November 5, 2020
एजेन्सी– इन्डियन प्रिमियर लिग (आइपिएल) को पहिलो क्वालिफायरमा मुम्बई इन्डियन्सले दिल्ली क्यापिटल्सलाई २ सय १ रनको बलियो लक्ष्य दिएको छ । दुबई इन्टरनेशल क्रिकेट स्टेडियममा टस हारेर ब्याटिङ थालेको मुम्बईले निर्धारित २० ओभरमा ५ विकेटको क्षतिमा २ सय रन बनायो । मुम्बईलाई बलियो योगफलमा पुर्याउन ईशान किशन ३० बलमा ४ चौका र ३ छक्का सहित […]
एजेन्सी– इन्डियन प्रिमियर लिग (आइपिएल) को पहिलो क्वालिफायरमा मुम्बई इन्डियन्सले दिल्ली क्यापिटल्सलाई २ सय १ रनको बलियो लक्ष्य दिएको छ ।
दुबई इन्टरनेशल क्रिकेट स्टेडियममा टस हारेर ब्याटिङ थालेको मुम्बईले निर्धारित २० ओभरमा ५ विकेटको क्षतिमा २ सय रन बनायो । मुम्बईलाई बलियो योगफलमा पुर्याउन ईशान किशन ३० बलमा ४ चौका र ३ छक्का सहित ५५ रनमा अविजित रहे । आक्रामक ब्याटिङ गरेका हार्दिक पान्ड्या १४ बलमा ५ छक्का सहित ३७ रनमा अविजित रहे ।
मुम्बईले अन्तिम पाँच ओभरमा ७८ रन जोडेको थियो । छैटौं विकेटका लागि किशन र पान्ड्याले २३ बलमा ६० रनको अविजित साझेदारी गर्दै विशाल लोगफलमा पुर्याएका थिए । ओपनर रोहित शर्मा दोस्रो ओभरको तेस्रो बलमा गोल्डेन डक आउट हुन पुगेका थिए । स्पिनर रविचन्द्रन आश्विनको बलमा एलबिडब्लू आउट हुँदै रोहितले खाता नोखोली पेभिलिएन फर्किए ।
रोहित शून्यमा आउट भएपनि दोस्रो विकेटका लागि क्विन्टन डी कक र सूर्यकुमार यादवले ६२ रनको साझेदारी गर्दै दिल्लीमाथि दबाबमा बढाएका थिए । आश्विनको आठौं ओभरको तेस्रो बलमा अघि सरेर ठूलो सट खेलेका डी कक लङअफमा शिखर धवनबाट ४० रनमा समातिन पुगे । आक्रामक सुरुवात दिलाएका डी ककले २५ बलमा ५ चौका र १ छक्का प्रहार गरे ।
तीव्र गतिका बलर एनरिच नोर्कियाको १२ औं ओभरको पाँचौ बलमा लेग साइडमा छक्का प्रहार गर्न खोजेका सूर्यकुमार टप एज लाग्दै ड्यानियल साम्साट ५१ रनमा समातिन पुगेपछि मुम्बई केहि दबाबमा परेको थियो । यादवले ३८ बलमा ६ चौका र २ छक्का प्रहार गरे ।
१३ औं ओभरको दोस्रो बलमा आश्विनले आक्रामक ब्याट्सम्यान काइरन पोलार्डलाई कागिसो रबाडाको हातबाट लङअनमा शून्यमा क्याच गराएपछि मुम्बई १०१–४ को अवस्थामा पुगेको थियो । पाँचौ विकेटका लागि क्रुनाल पान्ड्या र ईशान किशनले ३९ रनको साझेदारी गर्दै इनिङ सम्हाल्न खोजेका थिए ।
दिल्लीले यी दुई खेलाडीको साझेदारी तोड्न वैकल्पिक बलर मार्कस स्टोइनिस प्रयोग गरेको थियो । स्टोइनिसले आफ्नो पहिलो बलमै क्रुनाललाई १३ रनमा साम्सबाट क्याच आउट गराए । १७ औं ओभरको पहिलो बलमा ठूलो सट खेलेका क्रुनाल डिप प्वाइन्टमा साम्सबाट समातिन पुगेका थिए । उनले १० बलमा १ छक्का प्रहार गरे ।
दिल्लीका स्पिनर रविचन्द्रन आश्विनले ४ ओभरमा २९ रन खर्चेर प्रमुख तीन विकेट लिए । मार्कस स्टोइनिसले १ ओभरमा ५ रन खर्चेर १ विकेट लिए । एनरिच नोर्कियाले ४ ओभरमा ५० रन खर्चेर १ विकेट लिए । कागिसो रबाडा र ड्यानियल साम्सले भने कमजोर प्रर्दशन गरे । समान ४ ओभरमा साम्सले ४४ र रबाडाले ४२ रन खर्चिदा विकेटबिहिन बने ।
दिल्लीले यस लक्ष्य सफलता पूर्वक पछ्याउन सकेमा आइपिएल इतिहासमा पहिलो पटक फाइनलमा पुग्ने छ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]