default_image

3 years ago

November 5, 2020

दिल्लीको लज्जास्पद हार, मुम्बई फाइनलमा

एजेन्सी – मुम्बई इन्डियनस इन्डियन प्रिमियर लिग (आइपिएल) को फाइनलमा प्रवेश गरेको छ । बिहिबार राती पहिलो क्वालिफायरमा दिल्ली क्यापिटल्सलाई ५७ रनले पराजित गर्दै मुम्बई आइपिएलमा छैटौं पटक फाइनलमा प्रवेश गरेको हो । यसअघि मुम्बई पाँच पटक फाइनलमा पुग्दा चार पटक उपाधि जितेको थियो । जितको लागि २ सय १ रनको विजयी लक्ष्य पछएको दिल्लीले […]

42 views

0 Bookmark

एजेन्सी – मुम्बई इन्डियनस इन्डियन प्रिमियर लिग (आइपिएल) को फाइनलमा प्रवेश गरेको छ । बिहिबार राती पहिलो क्वालिफायरमा दिल्ली क्यापिटल्सलाई ५७ रनले पराजित गर्दै मुम्बई आइपिएलमा छैटौं पटक फाइनलमा प्रवेश गरेको हो ।

यसअघि मुम्बई पाँच पटक फाइनलमा पुग्दा चार पटक उपाधि जितेको थियो । जितको लागि २ सय १ रनको विजयी लक्ष्य पछएको दिल्लीले २० ओभरमा ८ विकेट गुमाउँदै १ सय ४३ रन बनायो । दिल्लीका मार्कस स्टोइनिसले ४६ बलमा ६ चौका र ३ छक्का सहित सर्वाधिक ६५ रनको योगदान दिए ।

दिल्लीले खराब सुरुवात गरेको थियो । शीर्षक्रमका तीन ब्याट्सम्यानले खाता खोल्न सकेनन् । ट्रेन्ट बोल्टले ओपनर पृथ्वी शालाई दोस्रो बलमा क्विन्टन डी ककबाट शून्यमा आउट गरे । पाँचौ बलमा अजिंक्या रहाणे शून्यमा एलबिडब्लू आउट हुन पुगे । दोस्रो ओभरको दोस्रो बलमा जस्प्रित बुमराहले योर्कर बलमा शिखर धवनलाई शून्यमा बोल्ड आउट गरेका थिए ।

श्रेयस ऐर १२ रनमा क्याच आउट भएपनि दिल्लीको जित कठिन बनेको थियो । एक समय दिल्लीले प्रमुख तीन विकेट गुमाउँदा कुनै रन जोडेको थिएन । तल्लोक्रममा ऋषभ पन्त ३ रनमा क्याच आउट भए । अक्षर पटेल ३३ बलमा २ चौका र ३ छक्का सहित ४२ रनको योगदान दिदा कागिसो रबाडाले १५ रनको योगदान दिए ।

जस्प्रित बुमराहले ४ ओभरमा १ मेडन सहित १४ रन खर्चेर ४ विकेट लिए । बोल्टले २ ओभरमा १ मेडन सहित ९ रन खर्चेर २ विकेट लिए । क्रुनाल पान्ड्या र काइरन पोलार्डको नाममा एक एक विकेट रह्यो ।

त्यसअघि दुबई इन्टरनेशल क्रिकेट स्टेडियममा टस हारेर ब्याटिङ थालेको मुम्बईले निर्धारित २० ओभरमा ५ विकेटको क्षतिमा २ सय रन बनाएको थियो । मुम्बईलाई बलियो योगफलमा पुर्याउन ईशान किशन ३० बलमा ४ चौका र ३ छक्का सहित ५५ रनमा अविजित रहेका थिए । आक्रामक ब्याटिङ गरेका हार्दिक पान्ड्या १४ बलमा ५ छक्का सहित ३७ रनमा अविजित रहे ।

मुम्बईले अन्तिम पाँच ओभरमा ७८ रन जोडेको थियो । छैटौं विकेटका लागि किशन र पान्ड्याले २३ बलमा ६० रनको अविजित साझेदारी गर्दै विशाल योगफलमा पुर्याएका थिए । ओपनर रोहित शर्मा दोस्रो ओभरको तेस्रो बलमा गोल्डेन डक आउट हुन पुगेका थिए । स्पिनर रविचन्द्रन आश्विनको बलमा एलबिडब्लू आउट हुँदै रोहितले खाता नोखोली पेभिलिएन फर्किए ।

रोहित शून्यमा आउट भएपनि दोस्रो विकेटका लागि क्विन्टन डी कक र सूर्यकुमार यादवले ६२ रनको साझेदारी गर्दै दिल्लीमाथि दबाबमा बढाएका थिए । आश्विनको आठौं ओभरको तेस्रो बलमा अघि सरेर ठूलो सट खेलेका डी कक लङअफमा शिखर धवनबाट ४० रनमा समातिन पुगे । आक्रामक सुरुवात दिलाएका डी ककले २५ बलमा ५ चौका र १ छक्का प्रहार गरे ।

तीव्र गतिका बलर एनरिच नोर्कियाको १२ औं ओभरको पाँचौ बलमा लेग साइडमा छक्का प्रहार गर्न खोजेका सूर्यकुमार टप एज लाग्दै ड्यानियल साम्साट ५१ रनमा समातिन पुगेपछि मुम्बई केहि दबाबमा परेको थियो । यादवले ३८ बलमा ६ चौका र २ छक्का प्रहार गरे ।

१३ औं ओभरको दोस्रो बलमा आश्विनले आक्रामक ब्याट्सम्यान काइरन पोलार्डलाई कागिसो रबाडाको हातबाट लङअनमा शून्यमा क्याच गराएपछि मुम्बई १०१–४ को अवस्थामा पुगेको थियो । पाँचौ विकेटका लागि क्रुनाल पान्ड्या र ईशान किशनले ३९ रनको साझेदारी गर्दै इनिङ सम्हाल्न खोजेका थिए ।

दिल्लीले यी दुई खेलाडीको साझेदारी तोड्न वैकल्पिक बलर मार्कस स्टोइनिस प्रयोग गरेको थियो । स्टोइनिसले आफ्नो पहिलो बलमै क्रुनाललाई १३ रनमा साम्सबाट क्याच आउट गराए । १७ औं ओभरको पहिलो बलमा ठूलो सट खेलेका क्रुनाल डिप प्वाइन्टमा साम्सबाट समातिन पुगेका थिए । उनले १० बलमा १ छक्का प्रहार गरे ।

दिल्लीका स्पिनर रविचन्द्रन आश्विनले ४ ओभरमा २९ रन खर्चेर प्रमुख तीन विकेट लिए । मार्कस स्टोइनिसले १ ओभरमा ५ रन खर्चेर १ विकेट लिए । एनरिच नोर्कियाले ४ ओभरमा ५० रन खर्चेर १ विकेट लिए । कागिसो रबाडा र ड्यानियल साम्सले भने कमजोर प्रर्दशन गरे । समान ४ ओभरमा साम्सले ४४ र रबाडाले ४२ रन खर्चिदा विकेटबिहिन बने ।

फाइनल प्रवेशको लागि दिल्लीले थप एक मौका पाउने छ । शुक्रबार एलिमिनेटरमा सनराइजर्स हैदराबाद र रोयल च्यालेन्जर्स बेंगलोरबीच प्रतिस्पर्धा हुने छ । जसको विजेताले दिल्ली क्यापिटल्ससँग फाइनल प्रवेशको लागि आइतबार प्रतिस्पर्धा गर्ने छ । फाइनल मंगलबार हुने छ ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.