default_image

3 years ago

November 6, 2020

बेंगलोर र हैदराबादको सम्भावित प्लेइङ–११

एजेन्सी – इन्डियन प्रिमियर लिग (आइपिएल) को एलिमिनेटर खेलमा आज रोयल च्यालेन्जर्स बेंगलोर र सनराइजर्स हैदराबादबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ । आजको विजेता टोली दोस्रो क्वालिफायरमा पुग्दा पराजित हुने प्रतियोगिताबाट बाहिरिने छ । पहिलो क्वालिफायरमा दिल्ली क्यापिटल्सलाई हराउँदै मुम्बई इन्डियन्स फाइनलमा […]

27 views

0 Bookmark

एजेन्सी – इन्डियन प्रिमियर लिग (आइपिएल) को एलिमिनेटर खेलमा आज रोयल च्यालेन्जर्स बेंगलोर र सनराइजर्स हैदराबादबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ ।

आजको विजेता टोली दोस्रो क्वालिफायरमा पुग्दा पराजित हुने प्रतियोगिताबाट बाहिरिने छ । पहिलो क्वालिफायरमा दिल्ली क्यापिटल्सलाई हराउँदै मुम्बई इन्डियन्स फाइनलमा पुगेको छ । आजको विजेता फाइनलमा पुग्न दोस्रो क्वालिफायरमा आइतबार दिल्ली क्यापिटल्ससँग खेल्ने छ । हैदराबाद तेस्रो र बेंगलोर चौथो स्थानमा रहेर एलिमिनेटरमा स्थान बनाएका हुन् ।जारी सिजनमा हैदराबाद पहिलो खेलमा १० रनले पराजित हुँदा दोस्रो खेलमा ५ विकेटले विजयी भएको थियो ।

हैदराबादले पछिल्ला तीन खेलमा मुम्बई, दिल्ली र बेंगलोरलाई हराउँदै प्ले अफमा स्थान बनाएको हो । बेंगलोरले पछिल्ला चार खेलमा लगातार हार बेहोरेपनि नेट रनरेटका आधारमा कोलकाता नाइट राइडर्सलाई पछि पार्दै प्ले अफमा स्थान बनाएको हो । पछिल्लो लगातार हारको कारण टोली मजबुत र जित निकाल्न बेंगलोरले आज टोलीमा केहि परिवर्तन गर्ने छ । आजको हार्ने टोली प्रतियोगिताबाट बाहिरिने हुँदा दुबै टोली उत्कृष्ट प्रर्दशन गर्न खोज्ने छन् ।

हैदराबादले पछिल्लो खेलमा उत्कृष्ट प्रर्दशन गर्दै मुम्बईलाई १० विकेटले हराएको थियो । जसक्रममा ब्याटिङ र बलिङ दुबैमा राम्रो प्रर्दशन गरेको थियो । मुम्बईविरुद्ध कप्तान डेभिड वार्नर ८५ रन र ऋद्धिमान शाह ५८ रनमा अविजित रहेका थिए । पछिल्ला तीन लगातार जितमा यी दुई ओपनरको योगदान अहम हुँदा बेंगलोरविरुद्ध ओपनिङ परिवर्तन हुने छैन । तेस्रो नम्बरमा मनिष पान्डे र केन विलियम्सन खेल्ने छन् ।

प्रियम गर्गको स्थानमा युवा ब्याट्समयान विराट सिंहलाई मौका दिन सक्छ । जसले मध्यक्रम थप मजबुत हुने छ । भारतीय घरेलु क्रिकेटमा उच्च प्रर्दशन गरेका सिंह पनि डेब्यूको पर्खाईमा छन् । तल्लोक्रममा जेसन होल्डर र अब्दुल सामदलाई खेलाउने छ । मुम्बईविरुद्ध प्लेयर अफ द म्याच चुनिएका स्पिनर शहबाज नदीम र राशिद खान स्पिनरको रुपमा खेल्ने छन् । सन्दीप शर्मा र टि नटराजन हैदराबादको तीव्र गतिको बलिङमा पहिलो रोजाईमा खेल्ने छन् ।

यता बेंगलोर पछिल्लो खेलमा दिल्लीसँग ६ विकेटले पराजित भएको थियो । दिल्लीविरुद्ध सस्तैमा आउट भएका जोश फिलिपेको स्थानमा आरोन फिन्चलाई मौका दिने छ । फिन्च र देवदत्त पाडिक्कलले ओपनिङ गर्ने छन् । तर ब्याटिङ बलियो बनाउन फिलिपेलाई बेंगलोरले तल्लोक्रममा खेलाउन सक्ने सम्भावा पनि त्यतिनै छ । तेस्रो नम्बरमा विराट कोहली र चौथो नम्बरमा एबी डिभिलियर्सले गर्ने छन् ।’

पाँचौ नम्बरमा मोईन अली वा फिलिपेको सम्भावना रहन्छ । इसुरु उडान आज बेन्चमा बस्ने सम्भावना देखिन्छ । नवदीप सैनी टोलीमा फर्किए शिवम् दुबे बेन्चमा बस्ने छन् । क्रिस मोरिस अलराउन्डरको रुपमा खेल्ने छन् । वासिन्टन सुन्दर र युजभेन्द्र चहललाई स्पिनरको रुपमा खेलाउने छ । तीव्र गतिमा मोरिस, सैनी र मोहम्मद शिराज खेल्ने छन् ।

हैदराबादको सम्भावित प्लेइङ ११ : डेभिड वार्नर (कप्तान), ऋद्धिमान शाह (विकेटकिपर), मनिष पान्डे, केन विलियम्सन, विराट सिंह/प्रियम गर्ग, अब्दुल सामद, जेसन होल्डर, शहबाज नदीम, राशिद खान, टि नटराजन र सन्दीप शर्मा ।

बेंगलोरको सम्भावित प्लेइङ ११ : देवदत्त पाडिक्कल, आरोन फिन्च, विराट कोहली (कप्तान), एबी डिभिलियर्स (विकेटकिपर), जोश फिलिपे/मोईन अली, क्रिस मोरिस, नवदीप सैनी, मोहम्मद शिराज, युजभेन्द्र चहल, वासिन्टन सुन्दर र शहबाज अहमद ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.