default_image

3 years ago

November 7, 2020

दिल्लीले इतिहास रच्न सुधार गर्नुपर्ने पाँच पक्ष

एजेन्सी – इन्डियन प्रिमियर लिग (आइपिएल) मा दिल्ली क्यापिटल्स पहिलो पटक प्रतियोगिताको फाइनल पुगेर नयाँ इतिहास रच्नबाट मात्र एक कदम टाढा छ । आइतबार आइपिएलको दोस्रो क्वालिफायरमा दिल्ली र सनराइजर्स हैदराबादबीच प्रतिस्पर्धा हुँदैछ । उक्त खेलको विजेता फाइनलमा प्रवेश गर्ने छ । पराजित हुने टोली बाहिरिने छ । पहिलो क्वालिफायरमा मुम्बई इन्डियन्ससँग ५७ रनले पराजित […]

50 views

0 Bookmark

एजेन्सी – इन्डियन प्रिमियर लिग (आइपिएल) मा दिल्ली क्यापिटल्स पहिलो पटक प्रतियोगिताको फाइनल पुगेर नयाँ इतिहास रच्नबाट मात्र एक कदम टाढा छ ।

आइतबार आइपिएलको दोस्रो क्वालिफायरमा दिल्ली र सनराइजर्स हैदराबादबीच प्रतिस्पर्धा हुँदैछ । उक्त खेलको विजेता फाइनलमा प्रवेश गर्ने छ । पराजित हुने टोली बाहिरिने छ । पहिलो क्वालिफायरमा मुम्बई इन्डियन्ससँग ५७ रनले पराजित हुँदै सोझै फाइनलमा पुग्ने अवसर गुमाएको दिल्ली हैदराबादलाई हराउँदै पहिलो पटक फाइनलमा पुग्न चाहन्छ । त्यसको लागि दिल्लीले उत्कृष्ट प्रर्दशन गर्नुको साथै टोलीमा परिवर्तन गर्न आवश्यक देखिन्छ ।

हैदराबाद दिल्लीलाई हराउँदै तेस्रो पटक फाइनलमा पुग्ने सोचमा हुनेछ । एलिमिनेटरमा बेंगलोरलाई हराएको हैदराबाद पछिल्लो चार खेलमा लगातार विजयी भएको छ । हैदराबाद आफ्नो लयलाई निरन्तरता दिदै सबैलाई आश्चर्य पार्दै फाइनलमा पुग्न चाहन्छ । पछिल्लो खेलमा दिल्लीको प्रर्दशन भने सन्तोषजनक छैन ।

पछिल्ला ६ खेल मध्य ५ खेलमा दिल्ली पराजित भएको छ । दिल्लीका केहि खेलाडी बाहेक अन्यको प्रर्दशन चिन्ताजनक छ । दिल्लीले लय गुमाएको छ । उपाधिको दाबेदार मध्यको एक दिल्लीलाई फाइनलमा स्थान बनाउन हैदराबादविरुद्ध धेरै कुरामा परिवर्तन र सुधार गर्नुपर्ने देखिन्छ । दिल्लीले पहिलो पटक फाइनलमा पुग्दै इतिहास रच्न हैदराबादविरुद्ध यी पाँच कुरा सुधार र परिवर्तन आवश्यक देखिन्छ ।

५. छक्कामा जोखिम उठाउन आवश्यक

टि२० लाई ब्याटिङको खेल भनिन्छ । टि२० छक्काको महत्व धेरै हुन्छ । दिल्लीका ब्याट्सम्यानले पछिल्ला खेलमा ठूला सटमा खासै जोखिम उठाएको देखिदैन । बेंगलोरलाई लिग चरणमा हराउँदा दिल्लीबाट २ छक्का मात्रै प्रहार भएका थिए ।

त्यसअघि मुम्बईसँग ९ विकेटले पराजित हुँदा दिल्लीका ब्याट्सम्यानले कमजोर ब्याटिङ गरेका थिए । दिल्लीका ब्याट्सम्यानले कुल तीन छक्का प्रहार गरेका थिए । हैदराबादसँग ८८ रनले पराजित हुँदा पनि दिल्लीका ब्याट्सम्यानले कमजोर प्रर्दशन गरेका थिए । हैदराबादविरुद्ध दिल्लीका ब्याट्सम्यानले कुल तीन छक्का मात्रै प्रहार गरेका थिए ।

दिल्लीका ब्याट्सम्यानले छक्कामा जोखिम उठाएको खासै देखिदैन । छक्का विना विशाल योगफल बनाउन कठिन पर्छ । जसले गर्दा कमजोर बलमा दिल्लीले ब्याट्सम्यानले छक्काको जोखिम उठाउन आवश्यक देखिन्छ । जोखिम नउठाई ठूलो योगफल बनाउन कठिन पर्छ ।

४. ब्याट्सम्यानबाट जिम्मेवारी ब्याटिङ आवश्यक

हैदराबादलाई हराउन दिल्लीका ब्याट्सम्यानले जिम्मेवारीका साथ ब्याटिङ गर्न आवश्यक देखिन्छ । दिल्लीले पछिल्ला ६ खेल मध्य पाँचमा हार्नुको मुख्य कारण कमजोर ब्याटिङ हो । पहिलो क्वालिफायरमा मुम्बईविरुद्ध दिल्लीका शिखर धवन, अजिंक्या रहाणे र पृथ्वी शा शून्यमा आउट भएका थिए ।

रहाणे र शा आउट हुनुमा गैर जिम्मेवारी ब्याटिङ थियो । धवनलाई उत्कृष्ट योर्करमा जस्प्रित बुमराले आउट गरेका थिए । कप्तान श्रेयस ऐर जस्प्रित बुमराहको बलमा खराब सट खेल्दै रोहित शर्माबाट १२ रनमा क्याच आउट भएका थिए ।

विकेटकिपर ऋषभ पन्त खराब लयका कारण पछिल्लो समय भारतको सीमित ओभरको क्रिकेटमै छैनन् । दिल्लीका सबै ब्याट्सम्यानलाई जिम्मेवारी प्रर्दशनको आवश्यक देखिन्छ । दिल्लीका ब्याट्सम्यानको जिम्मेवार ब्याटिङ गर्न निकै आवश्यक देखिन्छ ।

३. शालाई बेन्चमा

ओपनर पृथ्वी शाले जारी सिजनमा लगातार खराब प्रर्दशन गरि रहेका छन् । उनीमाथि थप विश्वास देखाउनु टोलीमाथि घातक बन्न सक्छ । उनले खराब प्रर्दशनका बाबजुद लगातार मौका पाउँदा पनि कमजोर प्रर्दशन गरेका छन् ।

लगातार कमजोर प्रर्दशन गरेको कारण उनको सट छनोट र मनोबल पनि मुम्बईको खेलमा कमजोर देखिएको थियो । शाले पछिल्लो ७ खेलमा क्रमश ०:, ९, १०, ७, ०, ०, ४ रनमा आउट भएका छन् । दिल्लीले ओपनिङमा मार्कस स्टोइनिस र शिखर धवन वा धवन र रहाणे मध्य एकलाई गराउनु पर्ने देखिन्छ ।

यसअघि रहाणेले ओपनिङमा कमजोर प्रर्दशन गर्दा तेस्रो नम्बरमा ब्याटिङ गराउँदै आएको छ । शाको स्थानमा एक भारतीय तीव्र गतिका बलर खेलाउन आवश्यक देखिन्छ । हर्षल पटेल दिल्लीका लागि सहि विकल्प हुन सक्छन् ।

२. साम्सको स्थानमा सन्दीप वा हेटमायर

दिल्लीले पछिल्ला दुई खेलमा तीन विदेशी तीव्र गतिका बलर खेलाउँदा प्रमुख ब्याट्सम्यान शिम्रन हेटमायरलाई बेन्चमा राखेको छ । हेटमायरको स्थानमा खेलेका साम्सले पछिल्ला दुबै खेलमा खराब प्रर्दशन गरेका थिए । मुम्बईविरुद्ध ४ ओभरमा ४४ रन खर्चिदा बेंगलोरविरुद्ध ४० रन खर्चेका थिए । दुबै खेलमा इकोनमी १० भन्दामाथि रह्यो ।

दिल्लीले तीव्र गतिको बलिङमा कागिसो रबाडा र एनरिच नोर्कियालाई निरन्तरता दिनुपर्छ । पछिल्ला खेलमा दिल्लीले कमजोर ब्याटिङ गरेको छ । ब्याटिङ बलियो बनाउन हेटमायरनै सहि विकलप हुन् । पन्तको लय कमजोर छ ।

जारी सिजनमा पन्तले बनाएको उच्च योगफल कोलकाता नाइट राइडर्सविरुद्ध ३८ रन छ । जसले गर्दा शीर्षक्रमका ब्याट्सम्यान सस्तैमा आउट हुँदा तल्लोक्रममा उत्कृष्ट इनिङ खेल्ने आवश्यक ब्याट्सम्यान चाहिन्छ । दिल्ली अलराउन्डरमा निर्भर हुनुभन्दा हेटमायरलाई खेलाउन उचित देखिन्छ ।

अर्कोतर्फ दिल्लीले बलिङ बनाउन हेटमायरलाई बेन्चमा राखेर साम्सलाई खेलाएको थियो । बलिङ बलियो बनाउन नेपाली लेगस्पिनर सन्दीप लामिछाने त्यसको सहि विकल्प हुन सक्छन् । दिल्लीमा दुई अफ स्पिनर अक्षर पटेल र रविचन्द्रन आश्विनलाई खेलाउँदै आएको छ । दिल्लीमा लेग स्पिनरको अभाव देखिन्छ । लगातार बेन्चमा बस्दै आएका सन्दीप पनि अवसरको पर्खाइमा रहेका छन् । जुन अवसर सन्दीप पनि खेल फाल्न चाहदैनन् ।

१. स्टोइनिसका साथ ओपनिङ

पछिल्लो समय अष्ट्रेलियाका अलराउन्डर मार्कस स्टोइनिस उच्च लयमा छन् । मुम्बईविरुद्ध दिल्लीका ब्याट्सम्यानले विर्सनलायक प्रर्दशन गर्दा स्टोइनिसले ६५ रनको उत्कृष्ट इनिङ खेलेका थिए । जारी सिजनमा स्टोइनिसले तल्लोक्रममा ब्याटिङ गर्दै तीन अर्ध शतक प्रहार गरेका छन् ।

स्टोइनिसले नयाँ बलका साथ ओपनिङमा उच्च प्रर्दशन गर्ने क्षमता राख्ने गर्दछन् । गत वर्षको बिग ब्यास लिगमा स्टोइनिसले मेलबर्न स्टार्सबाट खेल्दै ७ सय ५ रन बनाएका थिए । जसमा उनको उत्कृष्ट प्रर्दशन १ सय ४७ रनको अविजित इनिङ थियो । दिल्लीको कमजोर ओपनिङ समस्या समाधान गर्ने अन्तिम विकल्प स्टोइनिसनै देखिन्छ ।

राम्रो सुरुवात विना कुनै पनि टोलीले ठूलो योगफल बनाउन सक्दैन । स्टोइनिस आक्रामक ब्याटिङका लागि परिचित छन् । जसले गर्दा पृथ्वी शालाई बेन्चमा राख्दै स्टोइनिस र धवनका साथ ओपनिङ गर्दा दिल्लीको समस्या समधान हुन सक्छ । ओपनरले उच्च प्रर्दशन गर्दा मध्यक्रम र तल्लोक्रमका ब्याट्सम्यानलाई खेल्न पनि सहज हुन सक्छ ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.