default_image

3 years ago

November 8, 2020

फाइनलमा पुग्न दिल्ली र हैदराबाद भिड्दै

एजेन्सी – इन्डियन प्रिमियर लिग (आइपिएल) २०२० को दोस्रो क्वालिफायरमा आज दिल्ली क्यापिटल्स र सनराइजर्स हैदराबादबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा हुनेछ । दिल्ली पहिलो पटक र हैदराबाद तेस्रो पटक फाइनलमा स्थान बनाउन चाहन्छन् । हैदराबादले उत्कृष्ट लय समाउँदा दिल्लीले संघर्ष गरिरहेको छ । […]

28 views

0 Bookmark

एजेन्सी – इन्डियन प्रिमियर लिग (आइपिएल) २०२० को दोस्रो क्वालिफायरमा आज दिल्ली क्यापिटल्स र सनराइजर्स हैदराबादबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा हुनेछ ।

दिल्ली पहिलो पटक र हैदराबाद तेस्रो पटक फाइनलमा स्थान बनाउन चाहन्छन् । हैदराबादले उत्कृष्ट लय समाउँदा दिल्लीले संघर्ष गरिरहेको छ । पहिलो क्वालिफायरमा दिल्ली मुम्बई इन्डियन्ससँग पराजित हुन पुगेको थियो । हैदराबादले एलिमिनेटरमा रोयल च्यालेन्जर्स बेंगलोरलाई पराजित गर्दै दिल्लीसँग भेट पक्का गरेको हो ।

हैदराबाद पछिल्ला चार खेलमा अपराजित छ । दिल्ली पछिल्ला ६ खेलमा पाँचमा हारको सामना गर्नु परेको छ । आजको विजेताले आइपिएलको फाइनलमा मुम्बई इन्डियन्ससँग खेल्ने छ । दिल्ली हालसम्म आइपिएलको फाइनलमा पुग्न सकेको छैन । दिल्ली हैदराबादविरुद्ध जित निकाल्दै उक्त फाइनलको खडेरी तोड्न चाहन्छ । हैदराबाद सन् २०१६ को विजेता हैदराबाद र २०१८ को फाइनलमा चेन्नई सुपर किंग्ससँग पराजित भएको थियो ।

दिल्ली मुम्बईसँग ५७ रनले पराजित हुँदै सोझै फाइनलमा पुग्ने अवसर गुमाएको थियो । दिल्लीलाई फाइनलमा पुग्ने यो अन्तिम अवसर हो । मुम्बईविरुद्ध अजिंक्या रहाणे, शिखर धवन र पृथ्वी शा शून्यमा आउट भएका थिए । लगातार खराब प्रर्दशन गर्दै आएका शालाई आजको खेलमा बेन्चमा राख्ने सम्भावना छ ।

शालाई बेन्चमा राखेर एक तीव्र गतिका बलर थप्ने सम्भावना देखिन्छ । शाले पछिल्ला ८ खेलमा ४९ रन मात्रै बनाएका छन् । जसमा हर्षल पटेलको सम्भावना देखिन्छ । आजको खेलमा मार्कस स्टोइनिस र शिखर धवनले ओपनिङ गर्ने सम्भावना छ ।

स्टोइनिसले लगातार उच्च प्रर्दशन गर्दै आएका छन् । अजिंक्या रहाणे, कप्तान श्रेयस ऐर र ऋषभ पन्तलाई उच्च प्रर्दशन गर्न आवश्यक देखिन्छ । संघर्ष गरि रहेका पन्तलाई जिम्मेवारीका साथ ठूलो इनिङ खेल्न आवश्यक देखिन्छ ।

आज टोलीमा शिम्रन हेटमायर खेल्ने सम्भावना देखिन्छ । हेटमायर फर्किदा ब्याटिङ युनिट बलियो बन्ने छ । मुम्बईविरुद्ध ४ ओभरमा ४४ रन खर्चेका ड्यानियल साम्सको स्थानमा हेटमायरलाई मौका दिन सक्ने सम्भावना छ । मुम्बईविरुद्ध ४ ओभरमा २९ रन खर्चेर ३ विकेट लिएका रविचन्द्रन आश्विनको लय दिल्लीलाई सकरात्मक पक्ष हो ।

अक्षर पटेलले मुम्बईविरुद्ध ४२ रनको योगदान दिएका थिए । अक्षरबाट दिल्ली बलमा पनि त्यस्तै उत्कृष्ट प्रर्दशन चाहन्छ । कागिसो रबाडा पछिल्लो खेलमा विकेट बिहिन बनेका थिए । जारी सिजनमा २५ विकेट लिई सकेका रबाडालाई आजको खेलमा उत्कृष्ट प्रर्दशन गर्न आवश्यक देखिन्छ । दिल्ली एनरिच नोर्कियाबाट नयाँ बलमा उत्कृष्ट सुरुवात चाहन्छ । ड्यानियल साम्सको स्थानमा नेपाली लेग स्पिनर सन्दीप लामिछानेको पनि सम्भावना देखिन्छ ।

हैदराबादले पछिल्लो खेलमा बेंगलोरलाई एलिमिनेटरमा ६ विकेटले हराएको थियो । उक्तक्रममा केन विलियम्सन ५० र जेसन होल्डर २४ रनमा अविजित रहँदै जित पक्का गरेका थिए । कप्तान डेभिड वार्नर हैदराबादका प्रमुख हतियार हुन् । उनको उच्च प्रर्दशन बिना हैदराबादलाई जित कठिन पर्ने देखिन्छ ।

बेंगलोरविरुद्ध अर्का ओपनर ऋद्धिमान शाह घाइते हुन पुगेका थिए । उत्कृष्ट लयमा रहेका शा टोलीमा फर्किए हैदराबाद थप मजबुत बन्ने छ । केन विलियम्सनसँगै मनिष पान्डेलाई मध्यक्रममा उत्कृष्ट प्रर्दशन गर्न आवश्यक देखिन्छ । तल्लोक्रममा अब्दुल सामद र होल्डरबाट हैदराबाद उत्कृष्ट प्रर्दशन चाहन्छ ।

कमजोर तल्लोक्रम ब्याटिङ हैदराबादको कमजोरी हो । तीव्र गतिका बलरमा सन्दीप शर्मा र टिनटराजन पहिलो रोजाईमा खेल्ने छन् । जारी सिजनमा यी दुबै बलरले उच्च प्रर्दशन गर्दै आएका छन् । स्पिनरमा राशिद खान र शहबाज नदीमलाई खेलाउने छ । हैदराबादमा शाह फिट नभएको अवस्थामा टोली परिवर्तनको सम्भावना कम छ । राशिद खान दिल्लीमाथि हाबी हुँदै आएका छन् । उनले दिल्लीविरुद्ध पछिल्ला पाँच खेलमा १० विकेट लिएका छन् । दिल्लीका ब्याट्सम्यान राशिद देखि सजग हुन आवश्यक देखिन्छ ।

यसअघि लिग चरणको दुबै खेलमा दिल्ली हैदराबादसँग पराजित भएको छ । हैदराबाद पहिलो खेलमा १५ रन र दोस्रो खेलमा ८८ रनले विजयी भएको थियो । त्यस्तै आबूधाबीमा टस पनि निर्णाय बन्न सक्छ । पछिल्ला ९ खेलमा पहिला ब्याटिङ गर्ने टोली ८ खेलमा पराजित भएको छ । आइपिएलमा यी दुई टोलीबीच हालसम्म १७ खेल भएको छ । जसमा हैदराबाद ११ खेलमा विजयी हुँदा ६ खेलमा पराजित भएको छ ।

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

Success

Thank you for your time.