3 years ago
November 8, 2020
एजेन्सी– इन्डियन प्रिमियर लिग (आइपिएल) २०२० का सबै खेलमा दिल्ली क्यापिटल्सको बेन्चमा बसेका नेपाली लेगस्पिनर सन्दीप लामिछानेले आइतबार दोस्रो क्वालिफायरमा सनराइजर्स हैदराबादविरुद्ध खेल्ने सम्भावना रहेको छ । दिल्लीले आइतबार साँझ दोस्रो क्वालिफायरमा हैदराबादसँग प्रतिस्पर्धा गर्दै छ । पहिलो क्वालिफायरमा मुम्बई इन्डियन्ससँग ५७ रनले पराजित हुँदा दिल्लीका ब्याट्सम्यान र बलर दुबैले कमजोर प्रर्दशन गरेका थिए । […]
एजेन्सी– इन्डियन प्रिमियर लिग (आइपिएल) २०२० का सबै खेलमा दिल्ली क्यापिटल्सको बेन्चमा बसेका नेपाली लेगस्पिनर सन्दीप लामिछानेले आइतबार दोस्रो क्वालिफायरमा सनराइजर्स हैदराबादविरुद्ध खेल्ने सम्भावना रहेको छ ।
दिल्लीले आइतबार साँझ दोस्रो क्वालिफायरमा हैदराबादसँग प्रतिस्पर्धा गर्दै छ । पहिलो क्वालिफायरमा मुम्बई इन्डियन्ससँग ५७ रनले पराजित हुँदा दिल्लीका ब्याट्सम्यान र बलर दुबैले कमजोर प्रर्दशन गरेका थिए । दिल्लीले लिग चरणका १४ र पहिलो क्वालिफायर गरि कुल १५ खेल खेलि सक्दा सन्दीप भने बेन्चमा रहँदै आएका छन् । पहिलो पटक फाइनलमा पुग्ने लक्ष्य राखेको दिल्लीले आज टोलीमा केहि परिवर्तन गर्ने सम्भावना छ ।
चार विदेशी खेलाडी खेलाउन पाउने नियम र कमजोर भारतीय तीव्र गतिका बलर हुँदा सन्दीपले दिल्लीमा मौका पाउन सकि रहेका छैनन् । कमजोर भारतीय बलिङकै कारण दिल्लीले पछिल्ला दुई खेलमा तीन विदेशी तीव्र गतिका बलर मैदान उतारेको थियो । तर दिल्लीको रणनीति सफल हुन सकेन । जसले गर्दा दिल्ली सन्दीपका साथ अघि बढ्ने सम्भावना देखिन्छ ।
दिल्लीले कागिसो रबाडा र एनरिच नोर्कियालाई जारी सिजनमा पहिलो रोजाईमा उतार्दै आएको छ । जसमा रबाडाले २५ र नोर्कियाले २० विकेट लिई सकेका छन् । पछिल्ला दुई खेलमा रोयल च्यालेन्जर्स बेंगलोर र मुम्बई इन्डियन्सविरुद्ध अष्ट्रेलियाका तीव्र गतिका बलर ड्यानियल साम्सलाई बलिङ बलियो गराउन मौका दिएको थियो । साम्सलाई मौका दिदा ब्याट्सम्यान शिम्रन हेटमायरलाई बेन्चमा राखेको थियो । तर साम्सले दुबै खेलमा खराब प्रर्दशन गरेपछि बलिङ बलियो बनाउन सन्दीपले मौका पाउन सक्ने सम्भावना दखिन्छ ।
साम्सले बेंगलोरविरुद्ध ४० र मुम्बईविरुद्ध ४४ रन खर्चेका थिए । साम्सलाई टोलीमा मौका दिनुको मुख्य कारण तीव्र गतिको बलिङ बलियो बनाउन थियो । तर त्यो रणनीति सफल हुन सकेन । साम्सको स्थानमा दिल्लीले सन्दीप वा शिम्रन हेटमायर मध्य एकलाई मौका दिने छ । सन्दीप लेगस्पिनर हुँदा हेटमायर आक्रामक सटका लागि परिचित वेस्टइन्डिजका युवा ब्याट्सम्यान हुन् । हेटमायरलाई पछिल्लो खेलमा राशिद खानले १६ रनमा बोल्ड आउट गरेका थिए । पहिलो खेलमा हैदराबादविरुद्ध हेटमायर २६ रनमा आउट भएका थिए ।
आबूधाबीको पिच स्पिनर सहयोगी मानिन्छ । बल टर्न हुने गर्दछ । दिल्लीसँग स्पिनरमा पछिल्लो खेलमा अनुभवी अफ स्पिनर रविचन्द्रन आश्विनले मुम्बईविरुद्ध ४ ओभरमा २९ रन खर्चेर ३ विकेट लिएका थिए । मध्यक्रममा दिल्लीलाई लेग स्पिनरको आवश्यक देखिन्छ । अमित मिश्रा चोटका कारण बाहिरिएसँगै लेग स्पिनरको अभाव दिल्लीले महसुस गर्दै आएको छ । दिल्लीले उक्त अभाव अन्त्य गर्न युवा लेग स्पिनर प्रविन दुबेलाई मुम्बईविरुद्ध लिग चरणमा डेब्यू गराएका थियो । तर दुबेले ३ ओभरमा २९ रन खर्चिदा विकेट लिन सकेका थिएनन् । अव दिल्लीसँग सन्दीप भन्दा अर्को विकल्प पनि छैन ।
पछिल्लो दुई खेलमा दिल्लीले हेटमायरलाई बेन्चमा राखेर साम्सलाई खेलाउने निर्णय लिनु बलिङ बलियो बनाउन थियो । भारतीय तीव्र गतिका बलरले लगातार कमजोर प्रर्दशन गरेपछि उक्त निर्णय लिएको थियो । जसले गर्दा साम्सले कमजोर प्रर्दशन गर्दा सन्दीप त्यसका विकल्प हुन् । वेस्टइन्डिजका अलराउन्डर किमो पलको पनि झिनो सम्भावना रहन्छ । मध्य गतिमा बलिङ गर्ने पलले तल्लोक्रममा आक्रामक ब्याटिङ गर्ने गर्दछन् ।
आबूधाबीको पिच पनि स्पिनर उपयोगी मानिन्छ । त्यसैले सन्दीप दिल्लीको रोजाईमा पर्ने सम्भावना देखिन्छ । पछिल्लो खेलमा मुम्बईविरुद्ध रबाडाले ४२ रन खर्चिदा विकेट बिहिन बनेका थिए । एनरिच नोर्कियाले एक विकेट लिदा ५० रन खर्चेका थिए । जसले गर्दा बलिङ बलियो बनाउने रणनीतिमा दिल्ली हुने छ । जसमा सन्दीपको सम्भावना देखिन्छ ।
आज दिल्लीले सन्दीपलाई मौका दिदा थप एक भारतीय तीव्र गतिका बलर खेलाउन सक्छ । जसमा खराब प्रर्दशन गरेका ओपनर पृथ्वी शा को स्थानमा हर्षल पटेलको सम्भावना देखिन्छ । शा ले पछिल्ला ७ खेलमा तीनमा खाता खोल्न सकेका छैनन् । मुम्बईविरुद्ध पनि शून्यमा आउट भएका थिए । पछिल्ला आठ खेलमा शाले ४९ रन मात्रै जोडेका छन् ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]