एजेन्सी – भारतीय क्रिकेट टोलीका कप्तान विराट कोहलीले सन् २०१८/१९ को अष्ट्रेलिया भ्रमणमा इतिहास रच्दै स्वदेश फर्किएका थिए । जुन समय कोहली भारतबाट अष्ट्रेलियामा ओडिआई र टेष्ट सिरिज जित्ने पहिलो कप्तान बनेका थिए ।

तीन ओडिआई खेलको सिरिज २–१ र चार टेष्ट खेलको सिरिज भारतले २–१ ले जितेको थियो । तीन टि२० सिरिज १–१ को बराबरीमा सकिएको थियो । यसले कोहलीको कप्तानी चर्चा थप चुलिएको थियो । भारतले शुक्रबारदेखि तीन ओडिआई खेलको पहिलो खेलसँगै अष्ट्रेलिया भ्रमण २०२०/२१ को सुरुवात गर्ने छ । अष्ट्रेलियामा भारतले तीन ओडिआई, तीन टि२० आई तथा चार टेष्ट खेल्ने कार्यक्रम छ । जसमा कोहलीलाई यस अघिको नतिजा दोहोराउन प्रमुख चुनौती हुने छ ।

बल टेम्परिङ काण्डको कारण प्रमुख दुई ब्याट्सम्यान स्टिभ स्मिथ र डेभिड वार्नरलाई एक वर्षको प्रतिबन्ध लागेपछि अष्ट्रेलिया एक समय ४० वर्ष यताकै खराब अवस्थामा पुगेको थियो । स्मिथ र वार्नर नहुनुको फाइदा भारतले उठाउँदै ओडिआई र टेष्ट सिरिज जितेको थियो । तर यस पटक अष्ट्रेलिया टोलीमा वार्नर र स्मिथ दुबै प्रमुख हतियारको रुपमा छन् ।

यतिमात्र होईन कोहली त्यो बेला अष्ट्रेलिया भ्रमणमा छन् जुन समय भारतीय क्रिकेटमा अहिले ओपनर रोहित शर्मालाई समिति ओभरको कप्तान बनाउनु पर्ने आवज उठि रहेको छ । यसै महिना सम्पन्न इन्डियन प्रिमियर लिग (आइपिएल) को उपाधि मुम्बई इन्डियन्सले जितेसँगै रोहितलाई बनाउनु पर्ने आवज उठेको हो ।

रोहितले मुम्बईलाई पाँच पटक आइपिएल उपाधि जिताउँदा कोहलीले हालसम्म सकेका छैनन् । अष्ट्रेलिया भम्रणमा भारतले सिरिज जित्न सकेको खण्डमा कोहलीलाई हटाउनु पर्ने मागमा मर्थर हुन सक्छ । अन्यथा रोहितको कप्तानी माग झनै बढ्न सक्ने अनुमान गरिएको छ । कोहलीको प्रर्दशनले थप प्रभाव पार्ने छ । भारतको जित वा हार कुन किसिमको हुन्छ त्यसले पनि निर्धारण गर्दछ ।

यस रोहित पटक अष्ट्रेलिया भ्रमणमा भारतीय टोलीमा छैनन् । सिमित ओभरमा टोलीमै नभएका रोहित टेष्टको सुरुवाती दुई खेल गुमाउने छन् । हिटम्यान रोहित नहुँदा भारत केहि कमजोर देखिन्छ । अर्कोतर्फ सन् २०१८ मा अष्ट्रेलियामा ओडिआई सिरिज जिताउन महत्वपूर्ण भूमिका निर्वाह गर्दै ‘प्लेयर अफ द सिरिज’ चुनिएका विकेटकिपर तथा पूर्व कप्तान महेन्द्रसिंह धोनीले सन्न्यास लिई सकेका छन् ।

धोनी र रोहितबाट कठिन समयमा विराटले लिने सल्लाह यस पटक अष्ट्रेलिया भम्रणमा पाउने छैनन् । प्रर्दशनमा पनि त्यतिनै असर पर्न सक्छ । कोहलीले रोहित नहुँदा जिम्मेवारी थप उठाउनुपर्ने हुन्छ । अर्कोतर्फ कोहली पहिलो टेष्ट पछि भारत फर्किने छन् ।

पहिलो सन्तानको बुबा बन्न लागेका कोहली स्वदेश फर्किदा बाँकी तीन टेष्टमा भारत थप समस्यामा पर्न सक्छ । किनभने भारत पछिल्लो समय शीर्ष तीन ब्याट्सम्यानमा धेरै निर्भर रहँदै आएको छ । तल्लोक्रम बलियो बनाउन राहुलाई ओडिआईमा पाँचौ नम्बरमा ब्याटिङ गराउँदै आएको छ ।

वार्नर र स्मिथ सम्मिलित अष्ट्रेलियाले पछिल्लो दुई वर्षमा खेलाडीमा धेरै परिवर्तन गरि सकेको छ । युवा ब्याट्सम्यान मार्नस लाबुसेनको लय उसको थप हतियार हो । स्मिथ र वार्नरको प्रतिबन्धले सन् २०१८ मा अष्ट्रेलिया टेष्ट टोलीमा डेब्यूको मौका पाएका लाबुसेनले लगातार उत्कृष्ट प्रर्दशन गर्दै आइसिसी वरियतामा तेस्रो स्थानमा छन् । लाबुसेनको टेष्ट औसत ६३ छ ।

स्मिथ पहिलो स्थानमा र कोहली दोस्रो स्थानमा छन् । लाबुसेन स्मिथ र कोहली दुबैलाई पछि पार्दै शीर्षस्थानमा पुग्न चाहन्छन् । जसले गर्दा थप उत्कृष्ट प्रर्दशन गर्ने अनुमान गरिएको छ । अर्कोतर्फ भारतले सन् २०१८ मा सिरिज जित्दा अष्ट्रेलिया प्रमुख तीब्र गतिका बलर मिचेल स्टार्क चोटका कारण टोलीमा थिएनन् । यस पटक स्टार्क पनि टोलीमा रहँदा बलिङ युनिट मजबुत छ । टेष्टका शीर्ष स्थानमा बलर प्याट कमिन्सले स्विङले थप आर्कषित गर्ने छ । मार्कस स्टोइनिसको उच्च लय अर्को बलियो पक्षको रुपमा छ ।

अष्ट्रेलिया घरेलु मैदानमा सिरिज विरलै गुमाउने गर्दछ । अष्ट्रेलिया र भारतबीच इतिहास देखिनै आफ्नो साख जोगाउन निकै प्रतिस्पर्धा हुने गर्दछ । यस पटक बलियो अष्ट्रेलियालाई हराउँदै सिरिज जित्न कोहलीलाई सहज देखिदैन । सन् २०१८ मा कमजोर टोलीलाई हराएको भारतले यस पटक बलियो टोलीलाई हराउन कोहलीको कप्तानीको असली अग्नी परिक्षा हुने छ ।