एजेन्सी – तीन टि२० आई खेलको सिरिजको पहिलो खेलमा घरेलु टोली न्युजिल्यान्डले वेस्टइन्डिजविरुद्ध पहिला बलिङ गर्ने भएको छ ।
इडेन पार्क अकल्यान्डमा न्युजिल्यान्डका कार्यवाहक कप्तान टिम साउथीले टस जितेर पहिला बलिङ गर्ने निर्णय लिएका छन् । न्युजिल्यान्डले टोलीमा दुई खेलाडीलाई डेब्यू गराएको छ । तीव्र गतिका बलिङ अलरान्डर काइल जामिसन र ब्याट्सम्यान डेभन कन्वेलाई डेब्यू गराएको छ ।
नियमित कप्तान केन विलियम्सनलाई यस सिरिजमा विश्राम दिएको हुँदा कन्वेले डेब्यूको मौका पाएका हुन् । जामिसनले टेष्ट र ओडिआईमा भने आफ्नो प्रभाव छोडिसकेका छन् ।
न्युजिल्यान्डको प्लेइङ ११ : मार्टिन गुप्टिल, टिम सिफर्ट (विकेटकिपर), डेभव कन्वे, ग्लेन फिलिप्स, रस टेलर, जेम्स निसम, मिचेल सान्टनार, टिम साउथी (कप्तान), काइल जामिसन, लोकी फर्गुसन, हमिस बेनेट
वेस्टइन्डिजको प्लेइङ ११ : ब्रेन्डन किंग, आन्द्रे फ्लेक्चर, शिम्रन हेटमायर, निकोलस पुरन (विकेटकिपर), रोवमान पोवेल, काइरन पोलार्ड (कप्तान), फबिएन एलेन, किमो पल, शेल्डन कटरेल, केस्रिक विलियम्स, र ओशेन थोमस
