एजेन्सी– चार टेष्टको खेलको सिरिज अन्तर्गत दोस्रो टेष्ट खेलमा घरेलु टोली अष्ट्रेलियाले भारतविरुद्ध पहिलो दिन कमजोर प्रर्दशन गरेको छ ।

पहिलो दिनको समाप्तीमा अष्ट्रेलिया १ सय ५९ रनले अघि छ । मेलबर्न क्रिकेट मैदानमा टस जितेर पहिला ब्याटिङ रोजेको अष्ट्रेलिया ७२.३ ओभरमा १ सय ९५ रनमा अल आउट भएको थियो । अष्ट्रेलिया मार्नस लाबुसेनले १ सय ३२ बलमा ४ चौका सहित सर्वाधिक ४८ रनको योगदान दिए ।

ओपनर जो बर्न्सलाई जस्प्रित बुमराहले विकेटकिपर ऋषभ पन्तबाट शून्यमा क्याच आउट गराएका थिए । स्पिनर रविचन्द्रन आश्विनले म्याथ्यु वेडलाई ३० र प्रमुख ब्याट्सम्यान स्टिभ स्मिथलाई शून्यमा क्याच आउट गरेपछि अष्ट्रेलियाले संघर्ष गरेको थियो । ट्राभिस हेड ३८, क्यामरन ग्रिन १२, टिम पेइन १३ र नाथन लायनले २० रनको योगदान दिए ।

अष्ट्रेलिया कुनैपनि ब्याट्सम्यानले ठूलो इनिङ खेल्न सकेनन् । भारतका जस्प्रित बुमराहले ४ र रविचन्द्रन आश्विनले ३ विकेट लिए । डेब्यू टेष्ट खेल खेलि रहेका मोहम्मद सिराजले २ र रविन्द्र जडेजाले १ विकेट लिए ।

पहिलो इनिङ थालेको भारतले पहिलो दिनको समाप्तिमा ११ ओभरमा ३६–१ को अवस्थामा छ । ओपनर मयंक अग्रवाललाई मिचेल स्टार्कले शून्यमा एलबिडब्लू आउट गरेका थिए । सुभमन गिल २८ र चेतेश्वर पुजारा ७ रनमा अविजित छन् ।