एजेन्सी – भारतीय क्रिकेट टोलीका ओपनर तथा विकेटकिपर ब्याट्सम्यान लोकेश राहुलले अष्ट्रेलियाविरुद्ध चार टेष्ट खेलको सिरिज अन्तर्गत बाँकी दुई खेल गुमाउने भएका छन् ।

शनिबार मेलबर्न क्रिकेट मैदानमा अभ्यासको क्रममा उनको बाँया हातमा चोट लागेपछि बाँकी दुई टेष्ट खेल गुमाउने भारतीय क्रिकेट कन्ट्रोल बोर्ड (बिसिसिआई) ले जनाएको छ । भारत र अष्ट्रेलियाबीच चार टेष्ट सिरिज दुई खेल सकिँदा १–१ को बराबरी अवस्थामा छ ।

पहिलो टेष्ट अष्ट्रेलिया र दोस्रो भारतले ८–८ विकेटले जितेका थिए । तेस्रो टेष्ट ७ जनवरी देखि सिड्नी चौथो तथा अन्तिम टेष्ट जनवरी १५ देखि दी गाब्बा ब्रिस्बेनमा सुरु हुने छ । भारतले सुरुवाती दुई टेष्टमा भने राहुललाई बेन्चमा राखेको थियो ।

सुरुवाती दुई टेष्टमा ओपनर मयंक अग्रवालले कमजोर प्रर्दशन गर्दा राहुलले तेस्रो टेष्ट खेल्ने सम्भावना थियो । ओपनर रोहित शर्मा भारतीय टोलीमा जोडिइसकेका छन् । सुरुवाती दुई टेष्ट गुमाएका उनले तेस्रो टेष्टमा सुभमन गिलका साथ ओपनिङ गर्ने बलियो सम्भावना छ ।

चोटका कारण तीव्र गतिका बलर इशान्त शर्माले अष्ट्रेलिया भ्रमणनै गरेनन् । मोहम्मद शामी र उमेश यादव चोटका कारण भारत फर्किसकेका छन् । सुरुवाती दुबै टेष्ट खेलमा एक एक जित निकालेका भारत र अष्ट्रेलियालाई सिरिज बचाउन तेस्रो खेलको नजिता निकै महत्वपूर्ण हुनेछ ।