एजेन्सी – अष्ट्रेलियासँगको चौथो तथा निर्णायक टेष्ट खेलमा भारतीय तीव्र गतिका युवा बलर टि नटराजन र स्पिनर वासिन्टन सुन्दरले डेब्यू गरेका छन् ।

दि गाब्बा ब्रिस्बेनमा घरेलु टोली अष्ट्रेलियाले टस जितेर पहिला ब्याटिङ गरि रहेको छ । अष्ट्रेलियाले टोलीमा एक परिवर्तन गरेको छ । तेस्रो टेष्टमा खेलेका ओपनर विल पुकोव्स्कीको स्थानमा मार्कस हरिसलाई स्थान दिएको छ । पुकोव्स्की तेस्रो खेलमा घाइते हुन पुगेका थिए ।

भारतले तेस्रो टेष्टबाट चार परिवर्तन गरेको छ । जस्प्रित बुमराहको स्थानमा टि टनटराजनलाई डेब्यू गराएको छ । स्पिनर रविन्द्र जडेजाको स्थानमा वासिन्टन सुन्दरले डेब्यू गरेका छन् । हनुमा विहानीको स्थानमा शार्दुल ठाकुर र रविचन्द्रन आश्विनको स्थानमा मयंक अग्रवाललाई खेलाएको छ । चारै खेलाडी घाइते हुँदा भारतले बाहिर राख्नु परेको हो ।

चार टेष्ट खेलको सिरिजमा तीन खेल सकिँदा १–१ को बराबरीमा छ । पहिलो खेलमा अष्ट्रेलिया, दोस्रो खेलमा भारत समान ८ विकेटले विजयी भएका थिए । तेस्रो टेष्ट भने बराबरीमा सकिएको थियो ।

भारतको प्लेइङ ११ : रोहित शर्मा, सुभमन गिल, चेतेश्वर पुजारा, अजिक्या रहाने (कप्तान), मयंक अग्रवाल, ऋषभ पन्त (विकेटकिपर), वासिन्टन सुन्दर, शार्दुल ठाकुर, नवदीप सैनी, मोहम्मद सिराज र टि नटराजन

अष्ट्रेलिया प्लेइङ ११ : डेभिड वार्नर, मार्कस हरिस, मार्नस लाबुसेन, स्टिभ स्मिथ, म्याथु वेड, क्यामरन ग्रिन, टिम पेइन (कप्तान तथा विकेटकिपर), प्याट कमिन्स, मिचेल स्टार्क, नाथन लायन र जोश हेजलवुड ।