default_image

3 years ago

January 22, 2021

मिनासको पाँच विकेटसँगै कर्णालीमाथि प्रदेश एकको जित

काठमाडौं (हाम्रो खेलकुद) – अलराउन्डर मिनास थापाको पाँच विकेटको सहयोगमा प्रदेश एकले चौथो संस्करणको प्रधानमन्त्री कप एकदिवसिय क्रिकेट प्रतियोगितामा आफ्नो अन्तिम खेलमा कर्णालीलाई ५९ रनले पराजित गरेको छ । जितको लागि २ सय १६ रनको विजयी लक्ष्य पछ्याएको कर्णालीले ३५ ओभरमा १ सय ५६ रनमा अल आउट भयो । कर्णालीका ओपनर रविन्द्रजंग शाही र विपिन […]

50 views

0 Bookmark

काठमाडौं (हाम्रो खेलकुद) – अलराउन्डर मिनास थापाको पाँच विकेटको सहयोगमा प्रदेश एकले चौथो संस्करणको प्रधानमन्त्री कप एकदिवसिय क्रिकेट प्रतियोगितामा आफ्नो अन्तिम खेलमा कर्णालीलाई ५९ रनले पराजित गरेको छ ।

जितको लागि २ सय १६ रनको विजयी लक्ष्य पछ्याएको कर्णालीले ३५ ओभरमा १ सय ५६ रनमा अल आउट भयो । कर्णालीका ओपनर रविन्द्रजंग शाही र विपिन रावलले ९.४ ओभरमा ६३ रनको साझेदारी गर्दै राम्रो सुरुवात दिलाएपनि त्यसपछिका ब्याट्सम्यान राम्रो प्रर्दशन गर्न नसक्दा पराजित हुन पुग्यो । स्पिनर दीपेश कंडेलको बलमा ठूलो सट खेल्ने धुनमा रविन्द्र मिडअनमा सोनु मण्डलबाट १८ रनमा समातिन पुगे । रविन्द्रले ३२ बलमा २ चौका प्रहार गरे ।

१३ औैंं ओभरको अन्तिम बलमा पिविन रावललाई मिनाश थापाले ४७ रनमा बोल्ड आउट गरे । विपिनले ३४ बलमा ८ चौका र २ छक्का प्रहार गरे । हेमन्त ओलीलाई मिनाशलेनै विकेटकिपर राजन मगरबाट ४ रनमा क्याच आउट गराए । २५ औं ओभरको पहिलो बलमा मिनासले कंडेलबाट निश्चल रावललाई ३१ रनमा क्याच आउट गराएपछि कर्णालीको जितको सम्भावना टाढिएको थियो ।

निश्चलले ४७ बलमा ५ चौका प्रहार गरे । हिमान्शु शाही र राज शाह शून्यमा बोल्ड भए । दिवान पुन १४, दिनेश अधिकारी ११ र रुपक दाहल ६ रनमा आउट भए । मिनास थापा १० ओभरमा २ मेडन सहित २६ रन खर्चेर ५ विकेट लिए । दीपेश कंडेलले ९ ओभरमा ३ मेडन सहित २३ रन खर्चेर ३ विकेट लिए । मनोज तामाङको नाममा २ विकेट रह्यो ।

त्यसअघि टियु क्रिकेट मैदानमा टस जितेर पहिला ब्याटिङ रोजेको प्रदेश एकले ५० ओभरमा ९ विकेट गुमाउँदै २ सय १५ रन बनायो । प्रदेश एकका कप्तान सिद्धान्त लोहनीले ९७ बलमा ९ चौका सहित सर्वाधिक ६६ रनको योगदान दिए ।

सिद्धान्तलाई दीनेश अधिकारीको ४३ औं ओभरको दोस्रो बलमा कर्णालीका कप्तान रविन्द्र जंग शाहीले उत्कृष्ट क्याच लिँदै पेभेलिएन फर्काएका थिए । तल्लोक्रममा शुवन्कर उराउले २८ बलमा ३ चौका र २ छक्का सहित ३६ रनको योगदान दिए ।

मिनाश थापाले २३ बलमा ३ चौका सहित २५, श्रवण यादव १७, दीपक पासवान ५ र फिर्दोस अन्सारी १७ रनमा आउट भए । राजन मगरले १९ बलमा १ चौका सहित १० रन जोडे ।

कर्णालीका कप्तान रविन्द्रजंग शाहीले ८ ओभरमा १ मेडन सहित ३६ रन खर्चेर ३ विकेट लिए । दीनेश अधिकारी र अनुज चुनराले २–२ विकेट लिए । दिवान पुन र राज शाहको नाममा १–१ विकेट रह्यो ।

प्रदेश एक ४ खेलमा ३ मा हार र १ मा जित सहित पुछारमा रहँदै समूह ‘ए’ बाट बाहिरिएको छ । कर्णालीले आफ्नो अन्तिम खेलमा माघ १० मा एपिएफसँग खेल्ने छ ।

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

Success

Thank you for your time.