एजेन्सी – अनुभवी ब्याट्सम्यान एन्जिलो म्याथ्युजको अविजित शतकको सहयोगमा इंग्ल्यान्डसँगको पहिलो टेष्ट खेलमा घरेलु टोली श्रीलंकाले राम्रो सुरुवात गरेको छ ।

पहिलो दिनको समाप्तिमा गालेमा टस जितेर पहिला ब्याटिङ थालेको श्रीलंका ८७ ओभरमा २२९–४ को अवस्थामा छ । म्याथ्युज २ सय २८ बलमा ११ चौका सहित १ सय ७ रनमा अविजित छन् । निरोसन डिक्वेला १९ रनमा अविजित छन् ।

कप्तान दिनेश चान्डिमल १ सय २१ बलमा ४ चौका र १ छक्का सहित ५२ रनमा मार्कवुडको एलबिडब्लु धरापमा परे । चौथो विकेटका लागि चान्डिमल र म्याथ्युजले १ सय १७ रनको उत्कृष्ट साझेदारी गर्दै टोलीलाई राम्रो सुरुवात दिलाए ।

तीव्र गतिका बलर जेम्श एन्डरसनले पाँचौं ओभरको पहिलो बलमा ओपनर कुशल परेरालाई ६ रनमा कप्तान जो रुटबाट क्याच गराउँदै पहिलो सफलता दिलाएका थिए । ओशादो फर्नान्डोलाई एन्डरसनले शून्यमै बोल्ड आउट गरे ।

लाहिरु थिरिमानेलाई एन्डरसनले जस बटलरबाट ४३ रनमा क्याच गराउँदै शीर्षक्रम धरासय बनाएका थिए । थिरिमानेले ९५ बलमा ५ चौका प्रहार गरे । इंग्ल्यान्डका जेम्स एन्डरसनले ३ र मार्कवुडले १ विकेट लिएका छन् ।

पहिलो टेष्टमा इंग्ल्यान्ड ७ विकेटले विजयी हुँदै दुई टेष्ट सिरिजमा १–० को अग्रता लिएको थियो ।