3 years ago
January 24, 2021
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा बागमती प्रदेशले लुम्बिनी प्रदेशलाई २ सय २१ रनको चुनौतीपूर्ण लक्ष्य दिएको छ । मुलपानी क्रिकेट मैदानमा टस जितेर पहिला ब्याटिङ थालेको बागमतीले ५० ओभरमा ९ विकेट गुमाउँदै २ सय २० रन बनायो । बागमतीका बाँया हाते ओपनर ब्याट्सम्यान आदिल खानले ८७ बलमा ५ […]
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा बागमती प्रदेशले लुम्बिनी प्रदेशलाई २ सय २१ रनको चुनौतीपूर्ण लक्ष्य दिएको छ ।
मुलपानी क्रिकेट मैदानमा टस जितेर पहिला ब्याटिङ थालेको बागमतीले ५० ओभरमा ९ विकेट गुमाउँदै २ सय २० रन बनायो । बागमतीका बाँया हाते ओपनर ब्याट्सम्यान आदिल खानले ८७ बलमा ५ चौका र ३ छक्का सहित सर्वाधिक ५५ रनको योगदान दिए । ईशान पान्डे ५३ बलमा ४ चौका र २ छक्का सहित ५१ रनमा क्याच आउट भए ।
आदिलले ७६ बलमा अर्धशतक पूरा गरेका थिए । सन्दीप सुनारलाई २९ औं ओभरको दोस्रो बलमा चौका प्रहार गर्दै आदिलले अर्धशतक पूरा गरेका थिए । त्यसअघि भने आदिलले दुई ठूला जीवनदान पाउन पुगेका थिए ।
स्क्वायर लेगमा प्रनित थापा मगरले ब्यक्तिगत २४ रनमा क्याच ड्रप गर्दै पहिलो जीवनदान दिएका थिए । त्यस्तै ४५ रनमा सौरभले लङअङमा क्याच छोड्न पुगेका थिए । ईशानले ४९ औं ओभरको अन्तिम बलमा विक्रम भुषाललाई चौका प्रहार गर्दै अर्धशतक पूरा गरेका थिए । ईशानले ५० बलमा अर्धशतक पूरा गरेका थिए ।
बागमतीलाई ओपनर आकाश थापा र आदिल खानले पहिलो विकेटका लागि १९.१ ओभरमा ६३ रनको साझेदारी गर्दै मध्यम सुरुवात दिलाएका थिए । स्पिनर दीपेन्द्र रावतले आकाशलाई ३९ रनमा एलबिडब्लू आउट गर्दै उक्त साझेदारी तोडेका थिए । आकाशले ६७ बलमा ४ चौका र १ छक्का प्रहार गरे । तेस्रो बलमा रावतले विभत्सु थापालाई शून्यमा बोल्ड आउट गर्दै एकै ओभरमा दुई महत्वपूर्ण सफलता दिलाएका थिए ।
तेस्रो विकेटका लागि आदिल र पृथुले ६५ रनको साझेदारी गरेका थिए । स्पिनर अनिल खरेलको ३२ औं ओभरको चौथो बलमा ठूलो सट खेलेका आदिल जितेन्द्र शाहनीबाट क्याच आउट हुन पुगेका थिए ।
विक्रम भुषालको ३३ औं ओभरको चौथो बलमा पृथु एज लागेर विकेटकिपर प्रकाश केसीबाट २९ रनमा समातिन पुगे । पृथुले ३८ बलमा ३ चौका र १ छक्का प्रहार गरे । कप्तान ज्ञानेन्द्र मल्ललाई सन्दीप सुनारले १४ रनमा एलबिडब्लू आउट गरेका थिए ।
गौतम केसी ८ रनमा आउट भए । नन्दन यादव ११ रनमा अविजित रहे । सन्दीप सुनारले १० ओभरमा ३९ रन खर्चेर २ विकेट लिए । दीपेन्द्र रावतले ९ ओभरमा ४० रन खर्चेर ३ विकेट लिए । कप्तान कृष्ण कार्कीले २ विकेट लिए । विक्रम भुषाल र अनिल खरेलले १–१ विकेट लिए ।
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]