काठमाडौं (हाम्रो खेलकुद) – नेपाली राष्ट्रिय क्रिकेट टोली तथा बागमती प्रदेशका कप्तान ज्ञानेन्द्र मल्लले प्रधानमन्त्री कप एकदिवसिय क्रिकेट प्रतियोगितामा लुम्बिनी प्रदेशविरुद्ध भएको बराबरीले लामो समयसम्म फाइदा पुग्ने बताएका छन् ।

आइतबार मुलपानी क्रिकेट मैदानमा जितका लागि २ सय २१ रनको विजयी लक्ष्य पछ्याएको लुम्बिनी ४८ ओभरमा २ सय २० रनमा अल आउट भएको थियो । त्यसअघि मुलपानी क्रिकेट मैदानमा टस जितेर पहिला ब्याटिङ थालेको बागमतीले ५० ओभरमा ९ विकेट गुमाउँदै २ सय २० रन बनाएको थियो । योसँगै बागमीत समूह बी बाट विजेताको रुपमा सेमिफाइनलमा पुगेको छ ।

खेलपछि बोल्दै कप्तान ज्ञानेन्द्रले आजको खेल ड्र पनि जित जस्तै लागि रहेको बताएका छन् । ‘एकदम रमाईलो भयो । अंक पनि आयो र छनोट पनि भयौं । एक समय छनोट हुने जस्तो पनि देखिएको थिएन । समग्रमा खेल राम्रो भयो । यस्तो खेलले आगमी दिनमा युवा खेलाडीलाई प्रेरणा मिल्नेछ’, ज्ञानेन्द्रले खेलपछि भने ।

‘विकेट गाह्रो छ । सुरुमा हाम्रो बलिङमा अनुशासन भएन जस्तो लागिरहेको थियो । बाउन्ड्री आउन भएन सिंगल विकल्प गाह्रो छ । एउटा विकेट आयो भने पूनरागमन गर्न सक्छौं हैं भन्ने सोचमा थियौं । दबाब दियौं भने जित्छौं जस्तो लागेको थियो । ड्र पनि जितनै हो जस्तो लागिरहेको छ छ’, ज्ञानेन्द्रले भने ।

त्यसैमा थपे, ‘हामीले सुरुवात पाईसकेपछि राम्रो गर्न सकेनौं । अझ ३० रन बढी बनाउन सक्थ्यौं होला । म आफैंले अलि लामो इनिङ खेलेको रन बढी बन्न सक्थ्यो ।’

ज्ञानेन्द्रले सेमिफाइनल अघि आफ्नो काम गर्नुपर्ने बताएका छन् । ‘हामीले अनुशासित नभएर अलि अन्त्य सम्म गए जस्तो लाग्छ । अनुशासित प्रदर्शन गरेको खेलमा हामी हावी भएका छौं । ब्याटिङमा पनि अरु भन्दा भिन्न छौं जस्तो लाग्छ,’ उनले भने ।

‘बाँया हाते खेलाडी हुँदा हामीलाई फाइदा पनि छ । विकेट नआएर निराश भएको होईन । क्रिकेटमा अनुशासन हुन्छ । किन भएन भन्ने हो । उनीहरुको बलिङमा अनुसाशन थियो । उनीहरुको अनुशान थियो । टिम लिएर जादा अगाडि बढ्न जरुरी हुन्छ । क्षमता भएको खेलाडीलाई उर्जा मिल्छ,’ उनले टुंग्याए ।