एजेन्सी – नेपाली लेगस्पिनर सन्दीप लामिछाने अष्ट्रेलियामा जारी बिग ब्यास लिग २०२०/२१ को होबार्ट हरिकेन्सको लिग चरणको अन्तिम खेलमा मेलबर्न रेनेगेड्सविरुद्ध विकेटविहिन बनेका छन् ।

नेपाली लेगस्पिनर सन्दीप लामिछानले ४ ओभरमा ३५ रन खर्चेपनि विकेट लिन सकेनन् । जारी बिग ब्यास लिगमा सन्दीप तेस्रो पटक विकेट विहिन बनेका हुन् । जारी सिजनकै कमजोर प्रर्दशन पर्दछ । यसअघि सन्दीप पर्थ स्कोचर्स र सिड्नी थन्डरविरुद्ध विकेन विहिन बनेका थिए । विकेटविहन बन्दा थन्डरविरुद्ध २८ र पर्थविरुद्ध २३ रन खर्चेका थिए ।

सन्दीपलाई होबार्टले आठौं ओभरमा बलिङमा ल्याएको थियो । त्यस समयमा रेनेगड्स ४३/ ३ को अवस्थामा थियो । सन्दीपले आफ्नो सुरुवात डट बलका साथ गरेका थिए । आठौं ओभरको पहिलो बलमा म्याकेन्जी हार्वेलाई डट राखे । दोस्रो बलमा एक रन खर्चेका थिए । तेस्रो बलमा सन्दीपले साम हार्परलाई दुई रन दिएका थिए । चौथो बलमा एक, पाँचौं बलमा दुई र अन्तिम बलमा एक रन खर्चिदै पहिलो ओभर सकेका थिए ।

दशौं ओभरमा सन्दीपले ८ रन खर्चेका थिए । पहिलो बलमा वेबस्टरलाई एक रन दिए । दास्रो बलमा हार्बेलाई दुई रन दिए । तेस्रो बलमा एक रन दिँदा चौथो बलमा दुई रन खर्चिएका थिए । पाँचौं र छैटौं बलमा एक एक रन खर्चिए ।

१२ औं ओभरमा बलिङ गर्न आएका सन्दीपले विकेट लिन सकेनन् । कसिलो बलिङ गर्दै पाँच रन खर्चेका थिए । पहिलो बलमा एक र दोस्रो बलमा डट राखे । त्यसपछिका अन्य चार बलमा सन्दीपले १–१ रन खर्चेका थिए ।

१६ औं ओभरमा आफ्नो अन्तिम स्पेल लिएर आएका सन्दीपलाई पहिलो बलमै हार्वेले लङअनमा छक्का प्रहार गरेका थिए । दोस्रो र तेस्रो बलमा एक एक रन खर्चिए । चौथो बलमा हार्वेले लङअफमा छक्का प्रहार गरेका थिए । पाँचौ बलमा डट राख्दा अन्तिम एक रन खर्चिए ।

सुरुवाती तीन ओभरमा २० रन खर्चेका सन्दीपले अन्तिम ओभरमा १५ रन दिएका थिए । जारी प्रतियोगितामा सन्दीपले ८ खेलमा ८ विकेट लिएका छन् ।