एजेन्सी – रोयल च्यालेन्जर्स बेंगलोर तथा कर्नाटका २० वर्षिय युवा देब्रे हाते (बायाँ) ब्याट्सम्यान देवदत्त पाडिक्कलले भारतीय घरेलु क्रिकेटको ५० ओभरको सर्वाधिक लोकप्रिय लिष्ट ‘ए’ मान्यता विजय हजारे ट्रफीमा लगातार चार शतक प्रहार गरेका छन् ।

सोमबार पाडिक्कलको शतकको सहयोगमा कर्नाटका विजय हजारे ट्रफीको सेमिफाइनलमा पुगेको छ । जारी सिजनमा उत्कृष्ट लयमा रहेका पाडिक्कलले केरलाविरुद्ध १ सय १९ बलमा १० चौका र २ छक्का १ सहित १ सय १ रनको शतकीय इनिङ खेले । सोमबार पालम ए स्टेडियम नयाँ दिल्लीमा टस हारेर पहिला ब्याटिङ थालेको कर्नाटका निर्धारित ५० ओभरमा ३ विकेटको क्षतिमा ३ सय ३८ रन बनाएको थियो ।

पहिलो विकेटका लागि पाडिक्कल र कप्तान रविकुमार समर्थले ४२.४ ओभरमा २ सय ९४ रनको दोहोरो शतकीय साझेदारी गरेका थिए । समर्थले १ सय ५८ बलमा २२ चौका र ३ छक्का सहित १ सय ९२ रनको इनिङ खेले । कर्नाटकाले केरलालाई ८० रनले हराउँदै सेमिफाइनलमा स्थान बनायो ।

पाडिक्कलले यसअघि उडिसाविरुद्ध १ सय ४० बलमा १४ चौका र ५ छक्का सहित १ सय ५२ रनको शतकीय इनिङ खेलेका थिए । केरलाविरुद्ध १ सय ३८ बलमा १३ चौका र २ छक्का सहित १ सय २६ रनमा अविजित रहँदै लगातार दोस्रो शतक पूरा गरेका थिए । पाडिक्कलले रेलवेविरुद्ध १ सय ४५ रनको अविजित इनिङ खेलेका थिए ।

उक्तक्रममा पाडिक्कलले १ सय २५ बलमा ९ चौका र ९ छक्का प्रहार गरेका थिए । यस सिजनको विजय हजारेमा पाडिक्कलले ६ खेलमा चार शतक र २ अर्धशतक सहित ६ सय ७३ रनका साथ सर्वाधिक रन बनाउने ब्याट्सम्यानको सूचिमा शीर्षस्थानमा छन् । गत वर्ष यूएईमा भएको आइपिएलमा रोयल च्यालेन्जर्स बेंगलोरबाट डेब्यू गर्दै उत्कृष्ट प्रर्दशन गरेका थिए । इमर्जिङ प्लेयर अवार्ड जितेका पाडिक्कल कुल १५ खेलमा ४ सय ७३ रन बनाए ।

जसमा पाँच अर्धशतक सामेल थियो। बेंगलोरबाट रन बनाउने सर्वाधिक ब्याट्सम्यान बनेका थिए । पाडिक्कललाई आगमी दिनमा भारतीय टोलीको ओपनरको भविष्यको रुपमा हेरिएको छ ।