एजेन्सी – अफगानिस्तानका शीर्षक्रमका ब्याट्सम्यान हशमतुल्लाह शाहिदीले जिम्बावेविरुद्ध दोस्रो टेष्ट खेलमा ऐतिहासिक दोहोरो शतक प्रहार गरेका छन् ।

बिहिबार हशमतुल्लाह अफगानिस्तानबाट टेष्टमा दोहोरो शतक प्रहार गर्ने पहिलो खेलाडी बनेका छन् । शेख जायद स्टेडियम आबूधाबीमा टस जितेर पहिला ब्याटिङ थालेको अफगानिस्तानले पहिलो इनिङमा ५४५-४ को अवस्थामा इनिङ समाप्तिको घोषणा गर्यो । अफगानिस्तानका हशमतुल्लाह शाहिदी ४ सय ४३ बलमा २१ चौका र १ छक्का सहित २ सय रनमा अविजित रहे । समग्रमा अफगानिस्तानबाट टेष्टमा शतक प्रहार गर्ने उनी तेस्रो खेलाडी हुन् ।

कप्तान अस्गर अफगान २ सय ५७ बलमा १४ चौका र २ छक्का सहित १ सय ६४ रनमा आउट भए । अफगानको पनि टेष्ट करिअरको पहिलो शतक हो । चौथो विकेटका लागि हशमतुल्लाह शाहिदी र अस्गर अफगानले ३ सय ७ रनको उत्कृष्ट साझेदारी गरेपछि अफगानिस्तान पहिलो इनिङमा आफ्नो टेष्ट इतिहासकै सर्वाधिक योगफल हो । उक्त साझेदारी अफगानिस्तानबाट टेष्टमा बनेको सर्वाधिक पर्दछ ।

इब्राहिम जद्रान १ सय ३० बलमा ८ चौका सहित ७२ रनमा क्याच आउट भए । जावेद अहमद ४ र रहमात शाह २३ रनमा आउट भए । नसिर जमाल ५५ रनमा अविजित रहे । जिम्बावेका रयान र्बुल, मुर्जाबानी र भिक्टर न्याउची १–१ विकेट लिए । पहिलो इनिङ थालेको जिम्बावेले दोस्रो दिनको समाप्तिमा १७ ओभरमा ५० रन जोड्न कुनै विकेट गुमाएको छैन ।

पहिलो टेष्टमा जिम्बावे १० विकेटले विजयी भएकोा थियो । दुई टेष्ट सिरिज जित्न जिम्बावेलाई बराबरीनै पर्याप्त हुने छ । यता अफगानिस्तान सिरिज गुमाउनबाट बच्न अन्तिम खेल जित्नुपर्ने हुन्छ ।