3 years ago
March 12, 2021
एजेन्सी – भारत र इंग्ल्यान्डबीचको पहिलो टि२० आई खेल आज हुँदै छ । पाँच टि२० आई सिरिज अन्तर्गत पहिलो खेल आज बेलुका ७ : १५ नरेन्द्र मोदी स्टेडियम अहमदाबादमा सुरु हुने छ ।
विश्वकै सर्वाधिक ठूलो क्रिकेट स्टेडियममा दुबै टोली सिरिजमा सखुद सुरुवात गर्ने सोचमा छन् । यस सिरिजलाई आगमी अक्टोबर नोभेम्बरमा भारतमा हुने टि२० विश्वकप तयारीको रुपमा हेरिएको छ । चार टेष्ट सिरिज ३–१ ले जितेको भारतको मनोबल उच्च छ । पछिल्ला दुबै टेष्टमा भारतले इंग्ल्यान्डमाथि नरेन्द्र मोदी स्टेडियममा सहजै जितेको थियो । टेष्टमा स्पिनर हाबी बन्दा टि२० मा पनि त्यस्तै अपेक्षा गरिएको छ । भारत घरेलु मैदानको फाइदा उठाउँदै उत्कृष्ट प्रर्दशन गर्न चाहन्छ ।
विश्व टि२० वरियतामा शीर्ष स्थानमा रहेको इंग्ल्यान्ड भारतलाई घरेलु मैदानमा स्तब्ध पार्दै सिरिज जित्ने सोचमा छ । इंग्ल्यान्डको कप्तानी ओईन मोर्गनले गर्ने छन् । शीर्षक्रममा जेसन रोय, डेविड मलान, लिभिङस्टोन, जोनी बेयरस्टो, जस बटलर जस्ता ब्याट्सम्यान छन् । विश्व टि२० आई वरियतामा नम्बर वान ब्याट्सम्यान मलान भारतीय बलरलाई घातक बन्न सक्छन् । इंग्ल्यान्डको ओपनिङ रोय र बटलरले गर्ने सम्भावना छन् । मलान, लिभिङस्टोन र कप्तान मोर्गनले शीर्ष र मध्यक्रम सम्हाल्ने छन् ।
तल्लोक्रममा बेन स्टोक्स, साम करन र टम करन हुने छन् । तीव्र गतिको बलरमा जोफ्रा आर्चर प्रमुख हतियार हुन् । आर्चरलाई क्रिस जोर्डनले साथ दिने छन् । पिच स्पिनर सहयोगी हुँदा मोइन अली र आदिल राशिद दुबै खेल्ने सम्भावना छ । इंग्ल्यान्ड टि२० मा वरियतामा शीर्षस्थानमा कायम रहन यो सिरिज जित्नुपर्ने दबाब पनि छ । मोर्गन, स्टोक्स र आर्चर प्रमुख हतियार हुन् ।
भारतको ओपनिङ लोकेश राहुल र रोहित शर्माले गर्ने सम्भावना छ । लोकेशले ओपनिङ गर्दा शिखर धवन बेन्चमा बस्नुपर्ने हुन्छ । रोहित र राहुल दुबै उच्च लयमा छन् । कप्तान विराट कोहली तेस्रो नम्बरमा ब्याटिङ गर्ने छन् । चौथो नम्बरमा श्रेयस ऐर वा सूर्यकुमार यादव मध्य एकले मौका पाउने छन् । आइपिएलमा मुम्बईबाट लगातार उत्कृष्ट प्रर्दशन गरि रहेको सूर्य डेब्यूको प्रतीक्षामा छन् । पाँचौं र छैटौं नम्बरमा भारतका आक्रामक ब्याट्सम्यान ऋषभ पन्त र हार्दिक पान्ड्या छन् ।
यी दुईको प्रर्दशन भारतलाई निकै महत्वपूर्ण हुने छ । टेष्टमा उत्कृष्ट प्रर्दशन गरेका पन्त टि२० आईमा त्यस्तै प्रर्दशन गर्न चाहन्छन् । भारतको टि२० विश्वकप टोलीमा स्थान पक्का गराउन पन्तलाई यस सिरिजमा उच्च प्रर्दशन गर्न निकै आवश्यक देखिन्छ । भारतले अक्षर पटेल वा वासिन्टन सुन्दर मध्य एक स्पिनरलाई मौका दिने छ । सुन्दरको सम्भावना बढी छ । दीपक चहर र भुवनेश्वर कुमार तीव्र गतिको बलरमा खेल्ने छन् । योर्कर स्पेलिष्ट टि नटराजन पूर्णरुपमा फिट नहुँदा खेल्ने वा नखेल्ने अनिश्चित छ । लेग स्पिनर युजभेन्द्र चहल घातक बन्न सक्छन् ।
यी दुई टोलीबीच १४ टि२० आई खेल भएको छ । दुबै टोलीले ७–७ जित निकालेका छन् । पछिल्ला पाँच टि२० खेलमा ४ खेलमा भारत विजयी हुँदा १ खेलमा पराजित भएको छ । यी दुई टोलीबीच अन्तिम टि२० खेल २०१८ जुलाईमा भएको थियो । उक्त खेलमा भारतले १ सय ९९ रनको लक्ष्य १८.४ ओभरमा ३ विकेटको क्षतिमा पूरा गर्दै सिरिज २–१ ले जितेको थियो । उक्त खेलमा रोहित शर्माले शतकीय इनिङ खेलेका थिए ।
भारतमा हुने टि२० विश्वकपमा स्थान बनाउन दुबै देशका खेलाडीलाई उच्च प्रर्दशन गर्नुपर्ने हुन्छ । विश्व टि२० वरियतामा शीर्ष स्थानमा रहेका मलान र तेस्रो नम्बरका राहुल आगमी आइपिएल पन्जाब किंग्सबाटसँगै खेल्दै छन् । यी दुबैको प्रर्दशन महत्वका साथ हेरिएको छ । भारत टि२० वरियतामा दोस्रो र इंग्ल्यान्ड पहिलो स्थानमा छ । यी दुई देशबीचको प्रतिस्पर्धा उच्च हुने अपेक्षा गरिएको छ ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]