एजेन्सी – भारतसँगको पहिलो टि२० खेलमा इंग्ल्यान्डले पहिला बलिङ गर्ने भएको छ । नरेन्द्र मोदी स्टेडियम अहमदाबादमा इंग्ल्यान्डका कप्तान ओईन मोर्गनले टस जितेर पहिला बलिङ गर्ने निर्णय लिएका हुन् ।

भारतले प्रमुख ओपनर रोहित शर्मालाई टोली बाहिर राखेको छ । कप्तान विराट कोहलीले पहिलो खेलमा रोहितलाई विश्राम दिएको जनाएका छन् । तीव्र गतिका बलर भुवनेश्वर टोलीमा फर्किएका छन् । भारत तीन स्पिनरका साथ मैदान उत्रेको छ । इंग्ल्यान्डले प्रमुख तीन तीव्र गतिका बलर खेलाएको छ ।

विश्वकै सर्वाधिक ठूलो क्रिकेट स्टेडियममा दुबै टोली सिरिजमा सखुद सुरुवात गर्ने सोचमा छन् । यस सिरिजलाई आगमी अक्टोबर नोभेम्बरमा भारतमा हुने टि२० विश्वकप तयारीको रुपमा हेरिएको छ । यी दुई टोलीबीच १४ टि२० आई खेल भएको छ । दुबै टोलीले ७–७ जित निकालेका छन् । पछिल्ला पाँच टि२० खेलमा ४ खेलमा भारत विजयी हुँदा १ खेलमा पराजित भएको छ । यी दुई टोलीबीच अन्तिम टि२० खेल २०१८ जुलाईमा भएको थियो । उक्त खेलमा भारतले १ सय ९९ रनको लक्ष्य १८।४ ओभरमा ३ विकेटको क्षतिमा पूरा गर्दै सिरिज २–१ ले जितेको थियो । उक्त खेलमा रोहित शर्माले शतकीय इनिङ खेलेका थिए ।

भारतको प्लेइङ ११ : लोकेश राहुल, शिखर धवन, विराट कोहली (कप्तान), श्रेयस ऐर, ऋषभ पन्त, हार्दिक पान्ड्या, वासिन्टन सुन्दर, अक्षर पटेल, भुवनेश्वर कुमार, शार्दुल ठाकुर र युजभेन्द्र चहल ।

इंग्ल्यान्डको प्लेइङ ११ : जेसन रोय, जस बटलर (विकेटकिपर), डेविड मलान, जोनी बेयरस्टो, ओईन मोर्गन (कप्तान), बेन स्टोक्स, साम करन, जोफ्रा आर्चर, क्रिस जोर्डन, आदिल राशिद र मार्क वुड ।