5 years ago
March 14, 2021
एजेन्सी – इंग्ल्यान्डसँगको दोस्रो टि२० खेलमा भारतका दुई स्टार ब्याट्सम्यान सूर्यकुमार यादव र ईशान किशनले डेब्यू गरेका छन् । नरेन्द्र मोदी स्टेडियम अहमदाबादमा भारतका कप्तान विराट कोहलीले टस जितेर पहिला बलिङ गर्ने निर्णय लिएका छन् ।
इन्डियन प्रिमियर लिग (आइपिएल) मा मुम्बई इन्डियन्सबाट खेल्ने ईशान किशन र सूर्य कुमार यादवले भारतका लागि पहिलो खेल खेल्दै छैनन् । सूर्यको डेब्यू निकै प्रतीक्षाको रुपमा रहँदै आएको थियो । भारतले आजको खेलमा दुई परिवर्तन गरेको छ ।
कप्तान विराट कोहलीले ओपनर शिखर धवन र अलराउन्डर अक्षर पटेलको स्थानमा सूर्य र किशनलाई डेब्यू गराएका छन् । आइपिएल स्टार सूर्य र किशनले भारतीय घरेलु क्रिकेटमा पनि निरन्तर उत्कृष्ट प्रर्दशन गर्दै आएका छन् । इंग्ल्यान्डले एक परिवर्तन गरेको छ । तीव्र गतिका बलर मार्क वुडको स्थानमा टम करन खेलेका छन् ।
मैदानको चारैतर्फ सट प्रहार गर्न सिपालु ३० वर्षिय सूर्य आक्रामक र ठूला सटका लागि परिचित छन् । सूर्यले लगातार भारतीय क्रिकेट र आइपिएलमा उत्कृष्ट प्रर्दशन गर्दै आएका छन् । सूर्य मौका नपाएर ओझेलमा परेका एक उत्कृष्ट ब्याट्सम्यानको रुपमा भारतीय क्रिकेटमा परिचित नाम हुन् । गत आइपिएलमा मुम्बईलाई च्याम्पियन बनाउन सूर्यले १५ इनिङमा ४ सय ८० रन बनाएका थिए । धेरैले सूर्यलाई भारतीय एवी डिभिलियर्स पनि भन्ने गर्दछन् ।
२२ वर्षिय बायाँ हाते विकेटककिपर ब्याट्सम्यान इशन किशन पनि ठूला सट र इनिङको लागि परिचित छन् । किशनले १३ इनिङमा ४ पटक अविजित रहँदै कुल ५ सय १६ रन बनाएका थए । जसमा ५ अर्धशतक सामेल थियो । उक्त सिजनमा सर्वाधिक छक्का प्रहार गर्ने खेलाडी बनेका उनले कुल ३० छक्का प्रहार गरेका थिए ।
पहिलो खेलमा इंग्ल्यान्ड ८ विकेटले विजयी हुँदै पाँच टि२० आई सिरिजमा १-० को अग्रता लिएको छ । यी दुई टोलीबीच १५ टि२० आई खेल भएको छ । इंग्ल्यान्ड ८ खेलमा विजयी हुँदा ७ खेलमा पराजित भएको छ । पछिल्ला पाँच टि२० खेलमा ३ खेलमा भारत विजयी हुँदा २ खेलमा पराजित भएको छ ।
भारतको प्लेइङ ११ : लोकेश राहुल, सूर्य कुमार यादव, विराट कोहली (कप्तान), श्रेयस ऐर, ऋषभ पन्त, हार्दिक पान्ड्या, वासिन्टन सुन्दर, ईशान किशन, भुवनेश्वर कुमार, शार्दुल ठाकुर र युजभेन्द्र चहल ।
इंग्ल्यान्डको प्लेइङ ११ : जेसन रोय, जस बटलर (विकेटकिपर), डेविड मलान, जोनी बेयरस्टो, ओईन मोर्गन (कप्तान), बेन स्टोक्स, साम करन, जोफ्रा आर्चर, क्रिस जोर्डन, आदिल राशिद र टम करन ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
