3 years ago
April 8, 2021
काठमाडौं (हाम्रो खेलकुद) – नेपाल एपिएफ क्लब ललितपुर मेयर वुमन्स च्याम्पियनसिप–२०७७ टि२० प्रतियोगिता लिग चरणमा अपराजितका साथ शीर्ष स्थानका साथ फाइनलमा पुगेको छ । एक खेल अगावै फाइनलमा पुगेको एपिएफले लिग चरणको अन्तिम खेलमा बिहिबार लुम्बिनी प्रदेशलाई ४० रनले पराजित गर्दै अपराजित रहेको हो । जितको लागि १ सय ४३ रनको विजयी लक्ष्य पछ्याएको लुम्बिनी […]
काठमाडौं (हाम्रो खेलकुद) – नेपाल एपिएफ क्लब ललितपुर मेयर वुमन्स च्याम्पियनसिप–२०७७ टि२० प्रतियोगिता लिग चरणमा अपराजितका साथ शीर्ष स्थानका साथ फाइनलमा पुगेको छ ।
एक खेल अगावै फाइनलमा पुगेको एपिएफले लिग चरणको अन्तिम खेलमा बिहिबार लुम्बिनी प्रदेशलाई ४० रनले पराजित गर्दै अपराजित रहेको हो । जितको लागि १ सय ४३ रनको विजयी लक्ष्य पछ्याएको लुम्बिनी प्रदेशले निर्धारित २० ओभरमा २ विकेट गुमाउँदै १ सय २ रन बनायो । लुम्बिनीकी ओपनर तथा विकेटकिपर लक्ष्मी चौधरीले ३७ बलमा ५ चौका सहित सर्वाधिक ३५ रनको योगदान दिइन् ।
नितु भण्डारी २७ बलमा १ चौका सहित १७ रनमा आउट भइन् । कप्तान नेरी थापा १९ बलमा ४ चौका सहित २७ रनमा अविजित रहिन् । सरस्वती घर्तीमगर २१ रनमा आउट भइन् । एपिएफकी बिनु बुढा मगर र रेखा रावलले १–१ विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ थालेको एपिएफले निर्धारित २० ओभरमा ६ विकेट गुमाउँदै १ सय ४२ रन बनाएको थियो । एपिएफकी ममता चौधरीले ४८ बलमा ४ चौका र १ छक्का सहित सर्वाधिक ४७ रनको योगदान दिइन् । कप्तान सीता रानामगरले १८ बलमा ५ चौका सहित २८ रन जोडिन् ।
ओपनर राजमति ऐरी २३, इन्दु बर्मा ३, ज्योति पाण्डे ५ र सरिता मगर ७ रनमा आउट भइन् । रेखा रावल ३ र विन्दु बुढा ५ रनमा अविजित रहे । लुम्बिनी प्रदेशकी स्वस्तिका बजागाई र कृतिका मरासिनीले २–२ विकेट लिए । नेरी थापा मगर र सरस्वती पुनले १–१ विकेट लिए ।
अंक तालिका
एपिएफ ४ खेलमा ८ अंकका साथ शीर्ष स्थानमा रह्यो । सुदूरपश्चिम प्रदेश ४ खेलमा ३ मा जित र १ मा हार सहित ६ अंकका साथ दोस्रो स्थानमा रह्यो । उपाधिको लागि एपिएफ र सुदूरपश्चिमबीच शनिवार प्रतिस्पर्धा हुने छ । प्रदेश–१ ४ खेलमा २ मा हार र २ मा जित सहित तेस्रो स्थानमा रह्यो । ललितपुर मेयर–११ ४ खेलमा ३ मा हार र १ मा जित सहित २ अंकका साथ चौथो स्थानमा रह्यो । लुम्बिनी प्रदेश ४ खेलमानै हारका साथ पुछारमा रहँदै बाहिरियो ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]